વહુએ કહ્યું પિતાને વૃદ્ધાશ્રમ મૂકી આવજો, આ વાત પિતાએ સાંભળી લિધી એટલે રાત્રે દીકરાને બોલાવીને એવું કહ્યું કે દીકરો...

સવાર સવારમાં પોતાના બંગલા ના બગીચા માં લોન પર ચાલતા ચાલતા શેઠ ગોરધનદાસ ના મન માં અજીબ ગડમથલ ચાલી રહી હતી. તેની પત્ની ના અવસાન બાદ વેપાર નું કામકાજ તેના દીકરા ને સોંપી અને પોતાનો સમય ઘર માં નાના નાના કામ માં અને પોતાના પૌત્ર અને પૌત્રી ને રમાડવા માં સમય વિતાવી રહ્યા હતા. આ સ્ટોરી તમે justgujjuthings.com પર વાંચી રહ્યા છો.

પરંતુ જ્યારથી ડોકટરે ગંભીર રોગ નું નિદાન કર્યું ત્યારે વહુ દીકરા નું વર્તન ગોરધનદાસ સાથે ફરી ગયું હતું, જો કે ડોકટરે કહ્યું હતું કે અડવાથી ચેપ લાગે તેવી બીમારી નથી એટલે એવી કઈ ચિંતા કરશો નહીં. ગોરધનદાસ ની તબિયત ની કાળજી રાખશો અને સમયસર દવા આપશો. પરંતુ વહુ દીકરા ને ડોકટર ની વાત માં પણ વિશ્વાસ બેઠો નહિ.

અને પોતાના સંતાનો ને દાદા સાથે રમવાની કે તેની પાસે જવાની મનાઈ ફરમાવી દીધી. તેમજ ભોજન પણ નોકર સાથે મોકલી આપતા વહુ દીકરા ના આવા વર્તનથી વિચારમાં ને વિચારમાં ગોરધનદાસ લોન પર ચાલતા ચાલતા દીકરા ના રૂમની બારી પાસેથી પસાર થઇ રહ્યા હતા. ત્યારે તેના કાનમાં વહુ દીકરા ની વાત કરવાનો અવાજ પડ્યો.

અને વહુ તેના પતિ ને કહી રહી હતી કે હું તમને કહી દઉં છું પિતાજી ને ભલે ચેપ લાગે તેવી બીમારી ના હોય પણ હું મારા અને મારા બાળકો ને સ્વાસ્થ્ય ને લઇ ને કોઈ જોખમ લેવા માટે તૈયાર નથી. તમે તેને એક સારા વૃદ્ધાશ્રમ માં દાખલ કરાવી દ્યો. જેટલા રૂપિયા ભરવા પડે તેટલા ભરી આપો. અને આપણે થોડા થોડા સમયે મળવા માટે આવતા જતા રહીશું. આ સ્ટોરી તમે justgujjuthings.com પર વાંચી રહ્યા છો.

ત્યારે દીકરા એ વહુ ની વાત માં હા માં હા મિલાવતા કહ્યું કે હું આજે રાત્રે જ બાપુજી પાસે જઈશ અને આ વિશે વાત કરીશ. ગોરધનદાસ આટલી વાત સાંભળી એટલે ત્યાં વધારે વખત ઉભા ન રહી શક્યા અને બીજું કઈ સાંભળવાની તેની હિંમત નહોતી રહી. ઠંડા બરફ જેવા થઇ ગયા હતા. અને પોતાના રૂમમાં આવી અને પલંગ પર સુઈ ગયા. તેના ધબકારા ખુબ જ ઝડપથી ચાલી રહ્યા હતા.

રાત્રે ગોરધનદાસ તેના રૂમ માં જમી ને ખુરશી પર બેઠા બેઠા ભગવાન નું સ્મરણ કરી રહ્યા હતા. ત્યારે તેનો દીકરા એ ધીમા પગલે અને નીચું જોઈ ને રૂમ માં પ્રવેશ કરે છે ત્યારે તેના પિતાએ પોતાની જાતને દૃઢ નિર્ણય સાથે જાણે તૈયાર કરી લીધી હતી. કહ્યું આવ આવ બેટા આવ કહેતા ગોરધનદાસ તેના દીકરાને અંદર બોલાવ્યો. અને ખુરશી ખાલી કરી આપી.

પોતે પલંગ પર બેઠા અને પૂછ્યું કે તું શું મૂંઝવણમાં છો ??? તારું મોઢું કેમ પડી ગયું છે ??? ત્યારે તેમના દીકરાએ કહ્યું કે હું તમારી સાથે એક વાત કરવા માટે આવ્યો છું ત્યારે પિતાએ જવાબ આપતા કહ્યું બેટા હું પણ તારી સાથે એક વાત કરવા માંગુ છું, સારું થયું કે તું જ અહીં આવી ગયો નહીંતર હું તને અવાજ કરીને બોલાવવાનો જ હતો. આ સ્ટોરી તમે justgujjuthings.com પર વાંચી રહ્યા છો.

ત્યારે દીકરો ખુરશી બાપુજી ની નજીક કરતા બોલ્યો કે પહેલા તમે જ કહો શું વાત કરવા માંગો છો? ત્યારે પિતાએ કહ્યું કે વાત એમ છે બેટા કે ડોક્ટરે મારી બીમારી ને એકદમ ગંભીર બતાવી છે. અને મારી ઇરછા છે કે મારુ બાકી નું જીવન મારી જેવા બીમાર લોકો કે જેને ક્યાંય થી સહાય મળતી નથી એવા વૃદ્ધો સાથે વ્યતીત કરું.

બોલતા બોલતા તેના પિતાના ગળે જાણે ડુમો ભરાઈ ગયો હતો. અને આ વાત સાંભળતા જ તેનો દીકરો ના મન માં અને મન માં હરખાઈ ગયો કારણ કે પિતાજી એ સામે ચાલી ને તેના મનમાં જે ઇચ્છા હતી તે જણાવી દીધી હતી ત્યારે તેના દીકરા એ નાટક કરતા કહ્યું કે તમે શું કહી રહ્યા છો તમને અહીંયા રહેવા માં શું તકલીફ છે?

ત્યારે જવાબમાં તેના પિતાએ તેને કહ્યું કે મને અહીંયા રહેવા માં શું તકલીફ હોય? મેં આખી જિંદગી મહેનત કરી ને મકાન દુકાન અને રૂપિયા બનાવ્યા છે. એટલે મને આ મકાનમાં રહેવામાં કોઈ તકલીફ નથી પરંતુ તને કહેતા પણ મને તકલીફ થાય છે કે હવે તું તારી પત્ની અને બાળકો તમારી રહેવાની વ્યવસ્થા અન્ય જગ્યા એ કરી લેજો.

કારણ કે મારા આ બંગલા માં વૃદ્ધાશ્રમ બનાવવાનું નક્કી કર્યું છે. અને નિરાધાર વૃદ્ધો કે જેને પોતાના ઘર માંથી પ્રેમ થી કે પરાણે હાંકી કાઢવામાં આવે છે, તેને હું અહીંયા શાંતિથી રહેવા દઉં અને હું પણ મારા બંગલા માં શાંતિ થી રહી શકું. અને હા તું પણ કંઈક કહેવા માંગતો હતો, શું વાત હતી?? બોલને બેટા... રૂમમાં એકદમ સન્નાટો છવાઈ ગયો અને થોડા જ સમય પછી દીકરો કંઈ જ બોલ્યા વગર તેના રૂમમાં થોડીવાર પછી દીકરો ત્યાંથી વીલા મોઢે ચાલ્યો ગયો.

જો આ સ્ટોરી તમને પસંદ પડી હોય તો દરેક લોકો સાથે શેર કરજો, તેમજ આ સ્ટોરીને કમેન્ટ માં 1 થી 10 ની વચ્ચે રેટિંગ પણ આપજો.