શું અન્ય લોકોની મદદ કરવી જોઈએ કે નહીં, ખુબ સુંદર સ્ટોરી છે, અચૂક વાંચજો...

એક ઉંદર કસાઈ ના ઘર માં તેનું દર બનાવીને રહેતો હતો એક દિવસ ઉંદરે જોયું કે તે કસાઈ અને તેની પત્ની એક થેલી માંથી કંઈક કાઢી રહ્યા છે એટલે ઉંદર ને થયું કે ખાવા માટે કંઈક ચીજ વસ્તુ લાવ્યા હશે.

પણ થોડી વાર માં થેલી માંથી બહાર આવેલી વસ્તુ ને જોઈ ને ઉંદર નિરાશ થઇ ગયો કારણ કે તે ઉંદર પકડવા માટે નું પીંજરું હતું ઉંદર તે જોઈને ગભરાઈ ગયો.

અને ઘર ના ફળીયા માં રહેલા પાળીતા કબૂતર ને વાત જણાવી કે ઘરમાં ઉંદર પકડવાનું પીંજરું આવ્યું છે એટલે કબૂતરે ઉંદર ની મજાક ઉડાવતા કહ્યું કે એમાં મારે શું ?મને ક્યાં તેમાં પકડવાના છે ?

ઉંદર ત્યાં થી નિરાશ થઇ અને ત્યાં આંટા લગાવી રહેલી મરઘી પાસે ગયો અને વાત કરી એટલે મરઘી એ પણ ઉંદર ની મશ્કરી કરતા કહ્યું કે આ કઈ મારી સમસ્યા નથી તારી સમસ્યા છે.

અને તારે તેની ચિંતા કરવાની નિરાશ થયેલો ઉંદર ત્યાંથી નજીક માં ઉભેલી બકરી ને પોતાની મૂંઝવણ જણાવી એટલે બકરી પણ ઉંદર ની મજાક કરવા લાગી અને હસવા લાગી. આ સ્ટોરી તમે justgujjuthings.com પર વાંચી રહ્યા છો.

હવે તે રાત્રે ઉંદર પકડવા માટે પીંજરું ઘરમાં ગોઠવાઈ ગયું અને લગભગ અડધી રાત્રે ખટાક દઈને અવાજ આવ્યો અને રાત ના અંધારા માં તે કસાઈ ની પત્ની એ ઉંદર ની બહાર રહી ગયેલી પૂંછડી પકડી અને બહાર કાઢ્યો. આ સ્ટોરી તમે justgujjuthings.com પર વાંચી રહ્યા છો.

પણ તે ઉંદર નહિ પણ ઝેરી નાગ હતો અને તેને કસાઈ ની પત્ની ને એક જોરદાર ડંસ માર્યો અને કસાઈ ની પત્ની ને ઝેર ચડી ગયું એટલે તેને તરત જ હકીમ ને બોલાવ્યા અને હકીમે તેને દવા આપી.

અને કહ્યું કે કબૂતર નું લોહી પીવડાવો એટલે કસાઈ એ પાળેલા કબૂતર નું આવી બન્યું અને તેનું લોહી આપવામાં આવ્યું.

નાગ કરડવાની ખબર પડતા કસાઈ ના સાસુ સસરા તેની પત્ની ની ખબર કાઢવા માટે આવ્યા ત્યારે ઘરે આવેલા મહેમાનો માટે ઘરમાં રહેલી મરઘી નો ભોગ લેવાયો. આ સ્ટોરી તમે justgujjuthings.com પર વાંચી રહ્યા છો.

ચાર પાંચ દિવસ માં તો કસાઈ ની પત્ની ની તબિયત એકદમ સારી થઈ ગઈ હતી ત્યારે કસાઈ એ તેના મિત્રો ને ઘરે જમવા માટે બોલાવ્યા અને ઘરે રહેલી બકરી નો પણ ભોગ લેવાઈ ગયો.

ઉંદર તો કસાઈ નું ઘર છોડી ને પહેલા જ ચાલ્યો ગયો હતો પરંતુ તેની મૂંઝવણ વળી પરિસ્થિતિ માં હસવા વાળા અને મશ્કરી કરવા વાળા બધા નો ભોગ લેવાઈ ગયો હતો.

આ વાર્તા માંથી આપણે એટલું જ જાણવાનું કે જ્યારે કોઈ માણસ પછી તે નાનો હોય કે મોટો પોતાની સમસ્યા આપણી પાસે રજુ કરે અને આપણે એવું વિચારી ને જવાબ આપી દઈએ કે આ મારી સમસ્યા નથી તો જરા વિચાર કરશો.

અને પછી જ જવાબ આપશો કારણ કે સમાજ નો એક વ્યક્તિ કોઈ પણ જાત ના ભય કે મૂંઝવણ માં હોય ત્યારે તે એકલો જ ખરાબ પરિસ્થિતિ માં નથી રહેતો તે મૂંઝવણ ફરતી ફરતી આપણી પાસે પણ આવી શકે છે.

જો આ સ્ટોરી તમને પસંદ પડી હોય તો દરેક લોકો જોડે શેર કરજો તેમજ આ સ્ટોરીને કમેન્ટમાં એક થી 10 ની વચ્ચે રેટિંગ પણ આપજો.