પત્નીએ બહાર શાકવાળા ને કહ્યું ભાઈ કાલ થી શાક દેવા ન આવતા, શાકવાળા એ પૂછ્યું કેમ તો આંખમાં આંસુ સાથે પત્નીએ કહ્યું...

એક મિડલ ક્લાસ પરિવાર હતો ઘરમાં ચાર સભ્યો રહેતા હતા પતિ પત્ની અને પતિના માતાપિતા એમ કુલ મળીને ચાર સભ્યો રહેતા હતા. પતિની સારી નોકરી હતી અને ઘરનું ગુજરાન નોકરી માંથી જ ચાલતું.

પતિનો પગાર પણ ખૂબ જ વધારે ન હતો કે જેનાથી ઘર ખર્ચ પણ નીકળી શકે અને સાથે બચત પણ થાય લગભગ મહિનાના અંતે હિસાબ કરવા લાગે તો લગભગ જેટલા આવક થાય એટલા જ ખર્ચા પણ થઇ જતા, તેમજ પતિનો પગાર પણ ઓછો હોવાથી શહેરના ખર્ચા સામે ટકવું ખૂબ જ મુશ્કેલ હતું તેમ છતાં પતિ પત્ની બંને ખૂબ જ કરકસરથી રહેતા અને બને તેટલો ઓછો ખર્ચો કઈ રીતે કરવો તે વિશે વિચારતા.

એક દિવસ પતિ સાંજે ઘરે આવ્યો અને પત્ની સાથે જમીને ચર્ચા કરી રહ્યો હતો ત્યારે ખુશ થઈને તેને એક વાત જણાવી કે મને એવી ખબર પડી છે કે અમારી ઓફિસમાં દરેક લોકોનું પગાર વધવાનો છે, એટલે મારો પણ પગાર હવે વધશે. આ વાત સાંભળીને પત્ની થોડી ખુશ થઈ ગઈ.

કારણકે જો પગાર વધે તો થોડી બચત કરવામાં આવે તો ભવિષ્ય માટે પણ નિશ્ચિંત થઈ શકાય. તેના પતિનો પગાર વધ્યો પણ ખરો અને થોડી થોડી બચત થવા લાગી અને આમ પણ કહેવાય છે ને કે ટીપે ટીપે સરોવર ભરાય એટલે થોડી બચત પણ ભેગી કરીએ તો તેમાંથી જ મોટું ભંડોળ ઊભું થઈ શકે.

પરંતુ તે જે કંપનીમાં નોકરી કરી રહ્યો હતો ત્યાં અચાનક જ પરિસ્થિતિ અલગ થઈ ગઈ અને એક કંપનીમાંથી ઘણા કર્મચારીઓને નોકરીમાંથી છૂટા કરી દીધા, એમાં આ પતિને નોકરી પણ છૂટી ગઈ.

એકની એક નોકરી કે જેનાથી સંપૂર્ણ ઘરનો ખર્ચો જેના પર નિર્ભર હતો તે જ નોકરી તેના હાથમાં ન રહી એટલે તે ખૂબ જ ચિંતામાં જતો રહ્યો, હવે શું કરવું તેની જરા પણ વિચારવાની પરિસ્થિતિ માં નહોતો. સાંજે ઘરે પાછો ફર્યો તો જમવાની ના પાડી દીધી પત્નીએ પૂછ્યું તમે આજે જમવાની કેમ ના પાડી તો કહ્યું મને ભૂખ નથી લાગી. આ સ્ટોરી તમે justgujjuthings.com પર વાંચી રહ્યા છો.

માતા-પિતા પણ આવ્યા અને કહ્યું બેટા જમી તો લે, થોડા સમય પછી ગળગળા અવાજે બોલી ઉઠ્યો હું કઈ રીતે જમવા બેસવું કારણકે આજે તો જમવાનું તૈયાર છે પરંતુ થોડા જ સમયમાં આપણી એવી પરિસ્થિતિ થઈ જવાની છે કે જમવાનું શું કરવું તે પણ વિચારવા લાગી શું. તેના માતા-પિતા અને પત્નીએ પૂછ્યું કેમ એવું તે શું થયું?

પતિએ જવાબ આપતા કહ્યું અમારા કંપનીમાંથી આજે ઘણા કર્મચારીઓ નોકરી પરથી કાઢી મૂક્યા છે અને મારી નોકરી પણ છૂટી ગઈ છે. હવે બીજે નોકરી મળે તેની તપાસમાં કદાચ મહિનાઓ પણ નીકળી જાય અને થોડા સમયથી હું જે બચત કરી રહ્યો છું તે બચતમાંથી હવે ઘર ના ખર્ચા નીકળશે કે કેમ એ પણ મને ખબર નથી. આ સ્ટોરી તમે justgujjuthings.com પર વાંચી રહ્યા છો.

પરિવાર માથે જાણે આભ તૂટી પડ્યું હોય એ રીતે ની પરિસ્થિતિ સર્જાઈ ગઈ કારણ કે તેના પિતા રીટાયર થઇ ચુક્યા હતા અને પોતે એક જ ઘરમાં કમાણી કરનાર હતા.

આવા સમયે જે પરિસ્થિતિ થાય તે માત્ર એક મિડલ ક્લાસ સમજી શકે, ધીમે ધીમે બધી બચત નજર સામે પૂરી થતી રહી હોય અને નવી નોકરી ની તલાશ માં માણસ દિવસ-રાત લાગેલો હોય. આ સ્ટોરી તમે justgujjuthings.com પર વાંચી રહ્યા છો.

બીજા દિવસે સવારે ઘરનું રુટીન બદલાઈ ગયું ખાસ કરીને પતિ માટે બદલાઈ ગયું પહેલા ટિફિન લઈને સવારમાં ઓફિસ જવા માટે નીકળી જતો પરંતુ આજે તે જાગીને તૈયાર થઈને બીજે નોકરીની શોધમાં જઈ રહ્યો હતો.

પતિ બહાર ગયો અને પાછળથી દરરોજ ની જેમ આજે પણ શાક દેવા માટે શાક વાળો આવ્યો. પત્ની દરરોજનું જે પણ કાંઈ શાક લેવાનું હોય તે તેની પાસેથી જ લેતી પરંતુ આજે તેને કહ્યું ભાઈ તમે આજથી અહીં શાક આપવા માટે ન આવતા, પહેલાં તો શાકવાળો થોડો ગુસ્સે થઈ ગયો અને પૂછ્યું કેમ બેન તમે કોઈ બીજા પાસેથી શાક લેવા લાગ્યા છો?

સામે જવાબમાં કહ્યું ના રે ના એવું કશું નથી હમણાં અમારે શાક ની જરૂર નહિ પડે. આ વાત શાક વાળા ના ગળે ન ઉતરી તેને પૂછ્યું એવું તો બની જ ન શકે, તમે કહો ને શું કારણ છે?

તેને આંખમાં આંસુ સાથે કહ્યું મારા પતિની નોકરી ગઈકાલે જ છૂટી ગઈ છે અને હવે નવી નોકરી ક્યારે મળશે એની પણ કંઈ સંભાવના દેખાતી નથી. એટલે આજથી હવે ઘરમાં જે કઠોળ વગેરે પડ્યું છે અથવા તો દાળ છે તમે દાળ રોટલી પણ ખાઈ લેશો પરંતુ શાકનો વધારાનો ખર્ચો કરવો નથી.

તરત જ શાકવાળા ભાઈએ કહ્યું બેન માત્ર આટલી જ વાત છે, હાલો તમે શાક લઈ લો હું તમારી પાસેથી પૈસા પછી લઈ લઈશ. તરત જ સામેથી જવાબ મળ્યો કે ભાઈ મારા પતિને નોકરી ફરી પાછી ક્યારે લાગે અને હું તમને ક્યારે પૈસા પાછા આપો એટલે આ ઉધારી કેટલા સમય સુધી થાય એવું કશું નથી કરવું હું તમને ફોન કરું પછી શાક આપવા માટે આવજો. હમણાં જરૂર નથી.

શાકવાળો ત્યાંથી મોઢું હલાવીને જતો રહ્યો. પરંતુ અચાનક જ તેને મગજમાં કંઈક જાણે યાદ આવ્યું હોય એમ ફરી પાછો ફર્યો શાકની થેલી ભરી અને આપ્યો અને કહ્યું બેન આ તમારું શાક તમારે પૈસા ન દેવા હોય તો પણ ચાલશે.

બેન ના પાડતા રહ્યા પરંતુ શાક વાળા એ પરાણે શાકભાજી આપ્યા, અને કહ્યું તમને કદાચ આ વાતની જાણ હોય કે નહીં એ તો મને નથી ખબર પરંતુ મારે એક વખત lockdown માં પૈસાની અત્યંત જરૂર હતી ત્યારે મેં સાહેબ પાસે પૈસા માંગ્યા હતા, હું જાણું છું કે તમે લોકો કેટલા કરકસરથી રહો છો એટલે તમારે પણ પૈસાની ખૂબ જ જરૂર હોય. તેમ છતાં મને સાહેબે lockdown ના કપરા સમયમાં પણ 1000 રૂપિયા આપ્યા હતા.

અને આજ સુધી એ રૂપિયા મારી પાસેથી કોઈ દિવસ પાછા માંગ્યા નથી, એ સમયે એને મારી મદદ કરી હતી હવે તમારો થોડો સમય ખરાબ છે તો મારી ફરજ બને છે કે હું તમારી મદદ કરું. એટલે તમે મહેરબાની કરીને આ શાકભાજી તમારી પાસે જ રાખો. અને હું દરરોજ તમને શાકભાજી આપવા માટે આવીશ તમે પૈસાની જરાપણ ચિંતા ન કરતા.

સામે ઊભેલી પત્નીના ગળા માંથી એક પણ શબ્દ ન નીકળ્યો માત્ર આંખમાંથી અશ્રુધારા વહેવા લાગી. સાંજે પતિ જ્યારે ઘરે પાછો ફર્યો ત્યારે આ બધી વાત તેની સમક્ષ કરી તો પતિ પણ ભાવુક થઈ ગયો.

થોડા દિવસો સુધી આમતેમ અઢળક ઇન્ટરવ્યુ આપ્યા પછી આખરે એક કંપનીમાં તેની નોકરી માટે ઇન્ટરવ્યૂ આપવા ગયો ત્યાં સિલેક્ટ થઇ ગયો અને પહેલી કંપની કરતાં પણ સારા પગાર માં તેને નોકરી મળી ગઈ.

એક મહિના પછી બધું બરાબર થવા લાગ્યો શાક વાળા ને જ્યારે હિસાબ પૂછ્યું તો તેને કહ્યું મેં હિસાબ કર્યો જ નથી, પરંતુ પત્નીએ બધું લખીને રાખ્યો હોવાથી અંદાજે 800 રૂપિયા જેટલી શાકભાજી થઈ હતી, ત્યારે 800 રૂપિયા આપ્યા તો શાક વાળા ભાઈએ કહ્યું મારે એક પણ રૂપિયો નથી જોઈતો, જ્યારે મને કોઈએ રૂપિયાની મદદ નહોતી કરી ત્યારે સાહેબે મને હજાર રૂપિયા આપેલા અને એ મદદ ને હું જીવનભર નહીં ભૂલ આવી શકું.

પતિ અને પત્ની બંને એ ઘણો આગ્રહ કર્યો પરંતુ શાક વાળા એ એક પણ રૂપિયો ના લીધો, પતિને પણ એક મહિના પછી નોકરી મળી પરંતુ પહેલાં ત્યાં જગ્યા પર કામ કરતો હતો તેના કરતાં પણ વધુ સારી નોકરી મળી હતી અને પગાર પણ ખૂબ જ સારો હતો. આખરે પતિ અને પત્ની બંને વિચારવા લાગ્યા કે ભગવાન જે પણ કંઈ કરે છે તે સારા માટે કરે છે.

જો આ સ્ટોરી તમને પસંદ પડી હોય તો દરેક લોકો જોડે શેર કરજો તેમજ આ સ્ટોરીને કમેન્ટમાં ૧ થી ૧૦ ની વચ્ચે રેટિંગ પણ આપજો.