માતાને ચિંતા હતી કે બધી બચત હોસ્પિટલમાં ખર્ચાઈ જશે તો દીકરીના લગ્ન કેમ થશે? જ્યારે તેને રજા આપી ત્યારે નર્સે કહ્યું તમારું બિલ ચૂકવી દેવાયું છે, કોણે ચૂકવ્યું તેની તપાસ કરી તો ખબર પડી કે…

એક નાના શહેર માં સ્કૂલ માં મીનાક્ષી બેન શિક્ષક તરીકે નોકરી કરતા હતા. તે ખૂબ જ પ્રેમાળ પ્રકૃતિના હતા. જેથી બધા વિદ્યાર્થી ને પ્રેમથી અને શાંતિ થી ભણાવતા હતા. મીનાક્ષીબેન ને એક દીકરી હતી તે પણ એ જ સ્કૂલમાં ભણતી હતી. મીનાક્ષી બેન ના પતિ બિઝનેસ કરતા હતા.

એક દિવસ અચાનક તેના પતિ ને પાર્ટનરે દગો આપ્યો જેથી તેઓ અત્યંત આર્થિક સંકડામણ માં આવી ગયા અને તેઓની માનસિક હાલત પણ કફોડી થઈ ગઈ હોવાથી એક દિવસે તેના પતિએ પોતાનું જીવન ટૂંકાવી નાખ્યું અને એટલા માટે જ ઘર સંભાળવાની દરેક જવાબદારીઓ મિનાક્ષિબેન પર આવી પડી એટલે ઘરનું ગુજરાન ચલાવવા મીનાક્ષી બેન શિક્ષક તરીકે નોકરી કરવા લાગ્યા હતા.

સ્કૂલ માં એક સાધારણ પરિવાર નો દીકરો દિલીપ પણ ભણતો હતો. તેના પિતાજી જે પણ મજૂરી કામ મળે તે કરતા, અને પોતાના પરિવારનું ગુજરાન ચલાવતા.

એક દિવસ ની વાત છે મીનાક્ષીબેન સ્કૂલમાં ભણાવતા હતા. ત્યારે પ્રિન્સિપાલે તેના ક્લાસમાં આવીને કહ્યું કે દિલીપ ની ફી હજુ સુધી કેમ નથી આવી? એમ કહી ને મીનાક્ષીબેન ને ઠપકો આપવા લાગ્યા. અને દિનેશ ને ઉભો કરીને કહ્યું કે ફી ભરવાના પૈસા ના હોય તો તારા બાપ ની જેમ મજૂરી એ લાગી જ અહીંયા આવી ને અમારો અને બીજા વિદ્યાર્થીઓ નો સમય બગાડવાની કઈ જરૂર નથી. એમ તોછડાઈભર્યું વર્તન કરી જતા રહ્યા. આ સ્ટોરી તમે justgujjuthings.com પર વાંચી રહ્યા છો.

સાંજે સ્કૂલ છૂટ્યા પછી મીનાક્ષીબેન તેની દીકરી સાથે દિલીપ ના ઘરે જાય છે. અને ફી માટે જણાવે છે. પરંતુ ઘર ની હાલત જોઈને દિલીપ ની માતા ના હાથ માં મીનાક્ષી બેનએ પોતે જ ફી ભરવાના પૈસા મૂકી ને કીધું કે કાલે તમે જ સ્કૂલે આવી ને પ્રિન્સિપાલ ની ઓફિસે જઈ ને ફી ભરી આપજો. અને પહોંચ લઇ લેજો અને સંભાળીને રાખજો ફી ભરાઈ જાય એટલે દિલીપ નું વર્ષ બગડે નહિ દિલીપ તો આ બધું એક ખૂણા માં ઊભો ઊભો જોઈ રહ્યો હતો.

દિલીપ ના માં બીજે દિવસે સવાર માં જ ફી ભરી આવ્યા અને પછી દિલીપ ને ક્લાસ માં મુકવા આવ્યા દિલીપ સૌથી પહેલા મીનાક્ષીબેન ને પગે લાગ્યો અને પછી ક્લાસ માં બેઠો આ તેનો રોજ નો ક્રમ થઇ ગયો. ત્રણ મહિના પછી ની વાર્ષિક પરીક્ષા માં દિલીપ નો પહેલો નંબર ત્યારે દિલીપ ના માતાપિતા પછી જો કોઈ ને સૌથી વધારે કોઈ ખુશ થયું હોય તો તે મીનાક્ષીબેન હતા. કારણ કે દિલીપ ની હાલત જોઈ ને તેના ઉપર ખુબજ લાગણી થઇ હતી.

પ્રેમથી સમજાવતા કે તું ભણી ને આગળ આવી જા, એટલે તારા માતા પિતા ને રાહત રહે. એ પણ કેટલા વર્ષ સુધી મજૂરી કરી શકશે? આમને આમ દિલીપ ને સારા માર્ક આવવાથી શહેરની નામાંકિત સ્કૂલ ના સંચાલકો પોતાની સ્કૂલ માં તેમજ હોસ્ટેલ માં રહેવાનો અને ભણવાનો બધો ખર્ચ પોતે ભોગવશે એવી શરતે દિલીપ ને શહેર માં લઇ ગયા.

દિલીપ શહેર માં ભણી ને એક મોટી કંપની માં નોકરી એ લાગી ગયો અને કંપની તરફથી ગાડી બંગલો નોકર ચાકર બધી સગવડતા પણ હતી. જયારે આ બાજુ મીનાક્ષીબેને તેની દીકરી ની સગાઇ કરી. અને દિવાળી પછી તેના લગ્ન નક્કી કર્યા પરંતુ મીનાક્ષીબેન ની તબિયત અચાનક બગડી ગઈ.

નાના શહેર ના ડોક્ટરે તો હાથ ઉંચા કરી દીધા અને કહ્યું કે મોટા શહેરમાં મોટા ડોક્ટર પાસે તપાસ કરાવી જુઓ. હવે તે લોકો શહેર ની મોટી હોસ્પિટલે આવ્યા, પરંતુ મીનાક્ષીબેન ને પોતાની તબિયત કરતા વધારે ચિંતા તેની દીકરી ના લગ્ન ની હતી કારણ કે અહીંયા વધારે ખર્ચ થઇ જશે તો હું લગ્ન કેવી રીતે કરાવીશ. તેની પાસે બચત કરેલા રૂપિયા પણ મર્યાદિત હતા જેથી આ ચિંતા તેને ખૂબ જ માનસિક રીતે સતાવી રહી હતી. આ સ્ટોરી તમે justgujjuthings.com પર વાંચી રહ્યા છો.

મીનાક્ષીબેન જે હોસ્પિટલમાં દાખલ થયા હતા. તે જ હોસ્પિટલમાં તેની બાજુના રૂમમાં એક કારખાનામાં કામ કરી રહેલા મજૂર ને ગંભીર ઈજા થઈ હોવાથી દાખલ કરવામાં આવ્યો હતો. બીજે દિવસે દિલીપ તે મજુર ને જોવા માટે આવ્યો ત્યારે તેની નજર બાજુ ના રૂમ માં સુતા મહિલા ઉપર પડી તેને કોઈ જાણીતું હોય તેવું લાગ્યું એટલે અંદર જઈને જોયું તો તે તેના શિક્ષક મીનાક્ષીબેન હતા.

દિલીપ તો જોઈને પગે પડી ગયો. અને આંખમાંથી આંસુ નીકળી ગયા. ત્યારે દિલીપની સાથે આવેલા ઓફિસે ના બીજા માણસો આ બધું જોતા જ રહ્યા કે એવું કોણ હશે જેના હિસાબે આપણા સાહેબ ની આંખ માં થી આંસુ નીકળી ગયા. દિલીપ એ મીનાક્ષી બેન ને પોતાની ઓળખાણ આપી તેની તબિયત પૂછીને થોડા સમય પછી ત્યાંથી જતો રહ્યો.

દિલીપ તબિયત જોઈ ને જતા જતા ડોકટરની કેબિનમાં ગયો અને તબિયતની વાતચીત કરી પછી ઓફિસે જતો રહ્યો. ચાર દિવસ પછી મીનાક્ષીબેન ને રજા આપવામાં આવી. રજા આપતી વખતે હોસ્પિટલના બિલ ની વાત કરવા માટે મીનાક્ષી બેન ને પૂછ્યું કે કેટલા રૂપિયાનું બિલ થયું છે ત્યારે નર્સે તેને જવાબ આપ્યો કે તમારું બિલ તો એડવાન્સ માં જમા થઈ ગયું છે. આ સ્ટોરી તમે justgujjuthings.com પર વાંચી રહ્યા છો.

હવે તમારે માત્ર ઘરે જઈને આરામ કરવાનો છે અને નિયમિત દવા લેવાની છે. એવામાં દિલીપ પણ ત્યાં આવી ગયો રજા આપતા હતા ત્યારે મીનાક્ષી બેન ને કહ્યું કે તમારું બિલ મેં ચુકવ્યું છે, હવે ચાલો તમે મારી સાથે.

ત્યારે દિલીપ પોતે મોટર લઇ ને આવ્યો અને મેડમ ને તેના ઘરે લઇ ગયો. દિલીપ નું આલીશાન ઘર જોઈને મીનાક્ષીબેન ખુબ રાજી થયા અને કહ્યું કે દિલીપ તારા માતા પિતા એ ખુબ જ ખરાબ દિવસો જોયા છે, તું એને સાચવજે અને માન સન્માન સાથે રાખજે.

રાત્રે જમતા જમતા દિલીપ સાથે મીનાક્ષી બેન વાત કરતા હતા કે દીકરી ના દિવાળી પછી લગ્ન છે. અને તારે જરૂર થી આવવાનું છે. ત્યારે જવાબ આપતા દિલીપે કહું કે કેમ નહિ હું તો તમારે ત્યાં લગ્ન પહેલા એક મહિને આવીશ.

અને મારી બહેન ને જોતી બધી ખરીદી કરાવી આપીશ. બધું આયોજન પણ હું જ કરીશ, તમારે કોઈ ચિંતા નહિ કરવાની ત્યારે મીનાક્ષી બેન ભાવુક થઇ ગયા.

મીનાક્ષી બેન તેના ઘરે જઈને દીકરીના લગ્નની તૈયારી કરવા લાગ્યા થોડા સમય પછી દિલીપ જ્યારે ગામમાં આવ્યો ત્યારે દિલીપ ના હાથમાં હોસ્પિટલના ખર્ચની રકમ આપી અને મીનાક્ષી બેન ને કહ્યું કે આ હોસ્પિટલના રૂપિયા છે તું રાખી લે.

દિલીપ ભાવુક થઈ ગયો અને કહ્યું વર્ષો પહેલાં જ્યારે મારું એક વર્ષ ન બગડે અને હું મજૂરી કરવા ન લાગી જાઉં તે માટે તમે મારી ફીના પૈસા મારા માતાના હાથમાં આપ્યા હતા. ત્યારે હું ખૂણામાં ઉભો એ જ વિચારી રહ્યો હતો કે તમે કરેલી મદદ હું કોઈ દિવસ ભૂલી નહીં શકું અને એ મદદ ના હિસાબે જ હું આજે અહીં સુધી પહોંચી શક્યો છું.

અને પછી દિલીપે કહ્યું કે હવે મારી બહેન ના લગ્નની ચિંતા પણ ના કરતા કારણકે હું આવી ગયો છું અને એક પણ જાતની પૈસાની અથવા વ્યવસ્થાની ચિંતા તમે નહીં કરતા. મીનાક્ષીબેન ભાવુક થઈને દિલીપ સામુ જોતા જ રહી ગયા.

જો આ સ્ટોરી તમને પસંદ પડી હોય તો દરેક લોકો જોડે શેર કરજો તેમજ આ સ્ટોરી ને કમેન્ટમાં ૧ થી ૧૦ ની વચ્ચે રેટિંગ પણ આપજો.