ખેતરમાં બધા કામ કરી રહ્યા હતા ત્યાં જંગલી કુતરા સસલાનો શિકાર કરવા આવી ચડ્યા, થોડા સમય પછી જે થયું તે જોઈને બધા લોકો…

એક ગામડા થી નજીક ખેતર હતું જેમાં મહિલાઓ ઘાસ કાપી રહી હતી અને તેના ઢગલા કરી રહી હતી. વહેલી સવારનો સમય હતો. સૂર્યના કિરણો ખેતરમાં ધીમે ધીમે પ્રસરી રહ્યાં હતા અને શિયાળાની સવાર હોવાથી ખેતરમાં કામ કરી રહેલા લોકોને પણ આ કૂણો તડકો અત્યંત પસંદ આવી રહ્યો હતો.

અચાનક જ બધા લોકોના આશ્ચર્યની વચ્ચે બાજુમાં રહેલા એક જંગલ માંથી એક સસલું ત્યાં દોડતું દોડતું આવ્યું જે ખુબ જ હાંફતું હતું. તેની પાછળ બે જંગલી કુતરા પડ્યા હતા. કૂતરા સસલા નો પીછો છોડતા નહોતા. અને સસલું આમ-તેમ ભાગાભાગી કરી ને ક્યાંક છુપાવાની જગ્યા શોધી રહ્યું હતું. ત્યાં કેટલાક માણસો ભેગા થઈ ગયા પરંતુ કોઈ એ બિચારા સસલા ને બચાવવા માટે કઈ પણ કોશિશ કરી નહિ. કે કુતરા ને પણ પથ્થર મારી ને ભગાડ્યા પણ નહિ.

પણ ત્યાંજ ઉભા ઉભા મનોરંજન ચાલતું હોય એમ જોતા રહ્યા કે હવે શું થશે કુતરા સસલાનો શિકાર કરશે કે પછી સસલુ બચી જશે આવો વિચાર કરીને બધા જોઈ રહ્યા હતા.

સસલા ને હવે ભગવાન જ બચાવી શકે તેમ હતા કારણ કે તે ચારે બાજુથી ઘેરાઈ ગયું હતું પરંતુ અચાનક જ તેને જોરદાર છલાંગ લગાવી અને ઘાસ ના ઢગલા માં અંદર ચાલ્યું ગયું. અને કુતરા જોતા રહી ગયા. ત્યાં હાજર રહેલા બધા લોકો બોલી ઉઠ્યા કે ભગવાને સસલા ને બચાવી લીધું. અને બધા લોકો આ જોઇને રાજી થયા કે સસલા નો જીવ બચી ગયો.

ભગવાને સસલા ને બચાવવા માટે જ અહીંયા ઘાસ રાખ્યું હોઈ તેમ સસલા નો બચાવ થઇ ગયો એમ બોલતા હતા એ લોકો ને ક્યાં ખબર હતી કે કુતરા થી પણ ખતરનાક કાળ બની ને એક માણસ ત્યાં ઉભો હતો. અને ભગવાને જ તેમાં થી પણ સસલાને બચાવવાનું છે. ભગવાન ની વાત થતી હતી ત્યાં એક માણસ કે જ નાસ્તિક અને ભગવાન નો વિરોધી હતો તે સામે આવ્યો ઘાસ ના ઢગલામાંથી સસલાને પકડીને બહાર લઈ આવ્યો અને બધા લોકો સામે હસવા લાગ્યો. આ સ્ટોરી તમે justgujjuthings.com પર વાંચી રહ્યા છો.

બધા લોકો આશ્ચર્યથી તેને જોવા લાગ્યા તે માણસ બધા લોકોને સંબોધીને કહ્યું કે હું આ સસલાને હવે મારી નાખીશ આટલું કહીને પોતાના કપડામાં છુપાવી રાખેલ હથિયાર બહાર કાઢીને બધા લોકોને બતાવી અને કહ્યું કે તમે લોકો બધા કહી રહ્યા છો કે ભગવાને આ સસલાને બચાવ્યો પરંતુ તેને આમાં શું કર્યું છે?

હવે હમણાં જ હું આ સસલાને મારી નાખીશ એ ભલે કુતરાઓથી બચી ગયું પરંતુ હું પણ જોઉં છું કે મારાથી કેમ બચે છે. એ પણ જવું છું કે તમારો ભગવાન આ સસલાને મારાથી કેમ બચાવે છે…

આ નાસ્તિક માણસ ની આવી વાત સાંભળીને લોકો ગભરાઇ ગયા કે હવે રાક્ષસ જેવો માણસ તે સસલાને નહીં છોડે અને બધા લોકો ઉદાસ થઈ ગયા. સસલું પણ તેના હાથમાંથી છૂટવાની બધી કોશિશો કરી રહ્યું હતું.

તે માણસ સસલા ઉપર હુમલો કરવાની તૈયારીમાં જ હતો કે તરત જ સસલુ બચવાની કોશિશમાં કરી રહેલા પ્રયત્નોમાં એક પ્રયત્નમાં સફળ થયું અને તરત જ કૂદકો મારીને તે માણસ ની પકડ માં થી છૂટી ગયું જેના કારણે માણસનો નિશાનો બગડી ગયો અને પોતાના જ બીજા હાથ ઉપર તે હથિયાર વાગ્યું અને તે હાથ ગુમાવી બેઠો.

સસલું તો તરત જ જંગલમાં પાછો ભાગી ગયું અને ત્યાં ઉભા રહેલા બધા માણસો ફરી પાછો ભગવાનનો જયજયકાર કરવા લાગ્યા. તે માણસ જમીન પર પડી ગયો એટલે આજુબાજુ માં રહેલા ભોળા લોકો તેને લઈને હોસ્પિટલ ગયા હોસ્પિટલથી હાથ ગુમાવી ને પાછો આવતી વખતે તે માણસ વિચારતો હતો કે પોતે સસલાને તો ન મારી શક્યો પરંતુ પોતાનો એક હાથ ગુમાવી બેઠો.

અને પોતાના જ હાથે પોતાનો હાથ ગુમાવીને તેને સમજાઈ ગયું કે કોઈ દિવસ નિર્દોષ પ્રાણી ઉપર અત્યાચાર ન કરવા જોઈએ નહીં તો કેવા હાલ થાય છે. ભલે કદાચ આ કાલ્પનિક વાર્તા હશે અને સસલું એ અહીં પાત્ર છે પરંતુ આપણા જીવનમાં આવા કેટલાય માણસો હશે જે કોઈની પણ સાથે આવો વ્યવહાર કરી બેસે છે, અને પછી પોતે જ પોતાના હાથ પર કુહાડી મારી જેવું થાય છે. આ સ્ટોરી તમે justgujjuthings.com પર વાંચી રહ્યા છો.

પોતાના કરેલા ખરાબ કર્મો ભોગવવા પડે છે. અને આવા લોકો પર બીજા લોકોને દયા પણ આવતી નથી દુનિયાનો કોઈ પણ માણસ હોય તે ઘરમાંથી ભાગી નથી શકતો પછી તે સારા હોય કે ખરાબ. ભગવાનને પણ કર્મ ભોગવવા પડ્યા છે તો આપણે તો માણસ છીએ!

આ સ્ટોરી ને કમેન્ટમાં ૧ થી ૧૦ ની વચ્ચે રેટિંગ આપજો તેમજ આ સ્ટોરી પસંદ પડી હોય તો દરેક લોકો સાથે શેર પણ કરજો. આ સ્ટોરી તમે justgujjuthings.com પર વાંચી રહ્યા છો.