જો પત્ની હોય તો આવી જ હોવી જોઈએ, આ વાંચીને તમે પણ એગ્રી થઈ જશો...

મિથિલેશ ના લગ્ન થયાને ઘણા વર્ષો થઈ ચૂક્યા હતા, મિથિલેશ ભણી ગણીને મળતી નેશનલ કંપનીમાં નોકરી કરવા લાગ્યો હતો. નોકરી મા તેનો પગાર પણ સારો હોવાથી ઘરમાં કોઈ પ્રકારની આર્થિક ખામી નહોતી.

અને હમણાં કેટલાક સમયથી તે વાત વાત માટેની માતા સાથે પણ ઝઘડો કરી નાખતો,. માતાએ નાનપણમાં દીકરા માટે થઈને તેના પતિ સાથે પણ ઘણી વખત ઝઘડા કર્યા હતા પરંતુ હવે પરિસ્થિતિ બદલાઈ ચૂકી હતી અને દીકરો પણ આર્થિક રીતે આઝાદ થઈ ગયો હોવાથી ઘણી વખત તેને પિતા સમજાવવા પ્રયત્ન કરતા પરંતુ કશું માનતો નહીં.

પિતાએ જિંદગીમાં ઘણા અનુભવ કર્યા હોવાથી તે કાયમ તેના દીકરાને પૈસા ની બચતનું મહત્વ સમજાવતા અને તેના આર્થિક વ્યય ને ઓછો કરવા માટે કહેતા પરંતુ દીકરો તરત જ બે ધડક સામે જવાબ આપી દેતો કે પપ્પા આ જ તો ઉંમર છે મોજ કરી લેવાની, પછી જ્યારે તમારી જેવડી ઉંમરના થશું ત્યારે કશું મન થશે તો પણ મોઢામાં દાંત નહીં હોય અને પેટમાં આંતરડું પણ જવાબ દઈ ચૂક્યું હશે.

ની વહુ શીલા પણ પોતે ખૂબ જ મોટા કુટુંબમાંથી આવી હતી. મિથિલેશનું ફ્રેન્ડ સર્કલ તેની નોકરી સારી હોવાને કારણે મોડર્ન લોકોનું જ હતું. તે અવારનવાર શીલાને કહેતો કે તું આ જૂના કપડા પહેરવાનું બંધ કરીને હવે થોડી મોર્ડન બની જા.

પરંતુ શીલા તે માટે કાયમ ના પાડી દેતી ત્યારે મિથિલેશ કહેતો કે હું કંઈ નવું નથી કરી રહ્યો. આજકાલ દરેક લોકો આવી જ રીતે જીવી રહ્યા છે. બધા કેટલા મોડર્ન થઈ ગયા છે અને તું જુના વિચારોમાં જ અટકી પડી છો.

શીલા ખરેખર તને ક્વોલિટી લાઈફ શું હોય તેના વિશે કંઈ ખબર જ નથી લાગતી... ત્યારે શીલા તેને જવાબમાં કહેતી કે મારે ક્વોલિટી લાઇફ શું હોય તેના વિશે જાણવાની ઈચ્છા પણ નથી, કારણ કે હું સ્પષ્ટપણે માનું છું કે લાઈફની ક્વોલિટી શું હોય એ મહત્વનું છે. આ સ્ટોરી તમે justgujjuthings.com પર વાંચી રહ્યા છો.

આવી નાની મોટી રકઝકમાં રચ્યો પચ્યો રહેતો પરિવાર આજે થોડો ગંભીર થઈ ગયો હતો. આજે સવારે અચાનક જ મિથિલેશના પિતાને હાર્ટ અટેક આવ્યો હતો, એટલે તાત્કાલિક તેને હોસ્પિટલમાં દાખલ કરવામાં આવ્યા હતા.

ત્રણ લાખ રૂપિયા જેટલો ખર્ચો થઈ ચૂક્યો હતો. અને એક લાખ રૂપિયા તો પહેલેથી જ ભરી દીધા હતા પરંતુ બાકીના બે લાખ રૂપિયા જમા કરવાના બાકી હતા. આ રકમ મિથિલેશ પાસે બચતમાં નહોતી પડી હોવાથી ખૂબ જ મોટી હતી. આ સ્ટોરી તમે justgujjuthings.com પર વાંચી રહ્યા છો.

મિથિલેશે તેના મિત્રોને ઘણાને ફોન કરીને જણાવ્યું કે અત્યારે તેને મદદની જરૂર છે પરંતુ દરેક મિત્રએ કોઈ પણ બહાના કાઢીને મદદ કરવા માટે ના પાડી દીધી.. મિત્રો સાથે મોજ મજા કરનારા મિથિલેશને આજે તેના આ બધા મિત્રો જાણે નકલી લાગી રહ્યા હતા.

ઉદાસ ચહેરા સાથે તે હોસ્પિટલની બહાર બેઠો હતો એવામાં તેની પત્ની શીલા ઘરેથી ત્યાં આવી. સાથે જમવા માટેનું ટિફિન પણ હતું તરત જ આવીને પતિને કહ્યું કે તમે અહીં બહાર કેમ બેઠા છો,? ચલો અંદર જમી લો.

તમારી તબિયત ની પણ કાળજી રાખવી જરૂરી છે. આવી રીતના ઉદાસ બેસવાથી શું સમસ્યાનું નિવારણ થઈ જશે? અરે પપ્પાને કંઈ નહીં થાય તમે હિંમતથી કામ લો. શીલા એક સાથે બધું બોલીને તેના પતિને સાંત્વના આપી રહ્યા હતી.

આ બધું સાંભળીને મિથિલેશના આંખમાંથી આંસુ વહેવા લાગ્યા ત્યારે શીલા બોલી કે અરે તમને કહ્યું ને કે તમે ટિફિન ખાઈ લો પછી તમારે જે વ્યવસ્થા પૈસાની કરવી હોય તે કરજો ચિંતા ન કરતા. બધું થઈ જશે. આ સ્ટોરી તમે justgujjuthings.com પર વાંચી રહ્યા છો.

તમારા મિત્રો પણ મદદ કરશે ને? મિથિલેશે તરત જ કહ્યું બધા નકલી મિત્રો છે, બધાએ ના પાડી દીધી.. બધા મારા નહીં પરંતુ મારી પાસે રહેલા પૈસા ના જાણે મિત્રો હતા. મિત્રો સાથે પાર્ટી કરવામાં તેમજ મોજ મજા કરવામાં અનેક રૂપિયા ઉડાવી દીધા. પરંતુ હવે પિતાની વાત સમજાય છે.

હજુ પગાર પણ આવવાનો બાકી છે, શું કરવું તેની કંઈ સમજ નથી પડતી. ત્યારે તેની પત્ની શીલાએ કહ્યું કે તમે ચિંતા ન કરો, મેં તમારા સપનાને સંભાળીને રાખેલું છે. શબ્દોને સમજી ન શક્યો હોવાથી તેના પતિએ પૂછ્યું કે એટલે? કંઈ સમજાણું નહીં?

ત્યારે પત્નીએ જવાબ આપતા કહ્યું કે તમે જે મને મોર્ડન કપડા વગેરે લેવા માટે અવારનવાર પૈસા આપતા હતા તે પૈસા મેં સંભાળીને રાખ્યા હતા,. મારી પાસે એક લાખ જેટલા રૂપિયા પડ્યા હતા અને બાકીના મેં મારા ભાઈ પાસેથી મંગાવ્યા છે.

ટિફિનમાં પહેલા ડબ્બામાં ખાવાનું છે પરંતુ બીજામાં પૈસા છે, આટલું કહીને પત્ની શીલાએ ટિફિન ભરેલી બેગ તેના પતિના હાથમાં આપી દીધી.

ચિંતા ના વાદળોથી ઘેરાયેલો માણસ જાણે બધા વાદળ ગાયબ થઈ ગયા હોય તેમ મનમાં અત્યંત ખુશ થઈ ગયો, તેની પત્નીને કહ્યું ખરેખર તું સાચા અર્થમાં મારી અર્ધાંગિની છે, હું તને મોડર્ન બનાવવા ઈચ્છતો હતો.

પરંતુ આખરે તારા સારા સંસ્કાર તે ન છોડ્યા એ જ કામ આવ્યું. સામે બેઠેલી શીલાની સાસુ પણ આંખમાં આંસુ સાથે હરખાતી હતી, આજે તેને પોતાના પર નહીં પરંતુ શીલાની માતા ઉપર ગર્વ મહેસુસ થતું હતું જેણે આવા સંસ્કારોનું સિંચન શીલામાં કર્યું હતું.

જો આ સ્ટોરી તમને પસંદ પડી હોય તો દરેક લોકો જોડે શેર કરજો તેમજ આ સ્ટોરીને કમેન્ટમાં 1 થી 10 ની વચ્ચે રેટિંગ પણ આપજો.