જીવનથી દુઃખી હોય અથવા કંટાળી ગયા હોય તો 3 મિનિટનો સમય કાઢી આ વાંચી લેજો, પછી જુઓ તમારું જીવન…
લગભગ પાછળના છ મહિનાથી મારા ઘરની સામે એક નવું મકાન બની રહ્યું હતું. ત્યાં મજૂરી કામ કરવા વાળા ના છોકરાઓ રોજ કોઈને કોઈ રમત રમી રહ્યા હતા. અને તે જે પણ કંઈ રમત રમતા તેનો ભરપૂર આનંદ ઉઠાવતા.
કોઈપણ ઋતુ હોય શિયાળો હોય ઉનાળો હોય કે ચોમાસુ હોય એ બધા છોકરાઓ તેની મોજમાં રહેતા અને શિયાળામાં તેઓને સ્વેટર ની ચોમાસામાં રેનકોટ ની કે ઉનાળામાં ચપ્પલ ની પણ જરૂર ન પડતી, ખબર નહીં કેમ પણ દરેક પરિસ્થિતિમાં એ છોકરાઓ સુખી રહેતા.
હમણાં પાછળના ઘણા દિવસથી હું જોતો આવ્યો હતો કે તે બધા છોકરાઓ રેલગાડી ની રમત રમતા હતા, જેમાં દરેક વખતે અલગ-અલગ છોકરાઓ એન્જીન બનતા તો બીજા છોકરાઓ પાછળ ના ડબ્બા બનતા, પરંતુ આ બધા છોકરાઓ ની સાથે એક ચડ્ડી પહેરેલો છોકરો હતો જે કોઈ દિવસ એન્જિન કે પછી ડબ્બો ન બનતો.
તે હંમેશા ગાર્ડ બનતો, શરૂઆતમાં તો મને ધ્યાનમાં ન આવ્યું પરંતુ આઠ દસ દિવસ પછી મને પણ નવાઈ લાગી કે કાયમ તે છોકરો શું કામ ગાર્ડ બને છે? સાથે સાથે તેના હાથમાં અત્યંત જૂનું થઈ ગયેલું કપડું હતું જેનાથી તે સિગ્નલ આપતો અને બધા છોકરાઓ ની રમત ચાલુ થઈ જતી.
મારા મનની આ કુતૂહલ નું સમાધાન કરવા માટે આખરે એક દિવસ માટે છોકરાને મારી પાસે બોલાવ્યો અને તેને પૂછ્યું કે તું કાયમ માટે ગાર્ડ કેમ બને છે? તું બીજા છોકરાઓની જેમ એન્જિન અથવા ડબ્બો કેમ નથી બનતો, શું તને એન્જિન બનવાની ઈચ્છા નથી થતી?
તે છોકરાએ તરત જ સામે જવાબ આપતા કહ્યું કે મારી પાસે પહેરવા માટે કોઈ શર્ટ નથી અને જો હું એન્જિન અથવા ડબ્બો બનાવતો બીજા છોકરાઓ મને પકડી ન શકે એટલા માટે જ હું રોજ ગાર્ડ બનીને રમત રમી રહ્યો છું. આ સ્ટોરી તમે justgujjuthings.com પર વાંચી રહ્યા છો.
આ બધા શબ્દો બોલતા બોલતા તેના ચહેરા ઉપર કે તેના અવાજમાં કોઈ પ્રકારનું દુઃખ, અફસોસ નહોતો. ખૂબ જ ખુમારીથી મને જવાબ આપી રહ્યો હતો. જવાબ આપીને મેં પણ તેને વધારે કંઈ પૂછ્યું નહીં અને ફરી પાછો તે બધા જોડે રમવા લાગ્યો.
તેની રમત તો ચાલુ થઇ ગઇ પરંતુ મારા મનમાં વિચારો ફરવા લાગ્યા, મને તરત જ વિચાર આવવા લાગ્યો કે આ દુનિયામાં કોઈ નું જીવન ક્યારેય પરિપૂર્ણ નથી હોતું. બધા લોકોને જીવનમાં કોઈકને કોઈક ખામી હોય છે. આ સ્ટોરી તમે justgujjuthings.com પર વાંચી રહ્યા છો.
આપણા જીવનમાં કંઈક ખૂબી હોય છે તો સાથે સાથે કંઈક ખામી પણ હોય છે, એ છોકરાને ભગવાને જે આપ્યું છે તેમાં તે ખુશ રહીને તેનો આનંદ લે છે. માણસ ની પરિસ્થિતિ ગમે તેવી હોય તેમાંથી જો તેને શાંતિ અને મુજ પ્રાપ્ત કરતા આવડતું હોય તો તેનું જીવન અહીંયા જ સ્વર્ગ બની જાય છે.
પરંતુ આ બધું આપણા થી થઈ શકતું નથી કારણ આપણો સ્વભાવ જ એવો છે કે ગમે તેટલું સુખ મળ્યું હોય તેમ છતાં આપણે સુખી રહેવાને બદલે દુઃખી થવાના કારણો શોધી કાઢીએ છીએ, આપણે પોતે જ સુખમાં થી પણ દુઃખ ઊભું કરી લઈએ છીએ. આપણા દુઃખ ઉભા કરવાના કારણો પણ કેવા કેવા હોય છે…
હું બીજા લોકો કરતા કેમ શ્યામ વર્ણ છું? હું બીજા લોકો કરતા ઊંચાઈમાં કેમ નાનો છું? મારા કરતાં મારા પાડોશી પાસે મોટી ગાડી કેમ છે, તે મારી પાસે કેમ નથી?
આવા વિચારો નું લીસ્ટ બનાવવા જઈએ તો તેનો કોઈ અંત જ નથી, આ વિચારોમાંથી આપણે દુઃખ ને આપણા જીવનમાં સ્થાન આપીએ છીએ. સુખી થવાનો એક માત્ર રસ્તો છે ભગવાને જે આપણને આપ્યું છે એમાં જ સુખી થવું પડે.
ગરુડ કે બાજ પક્ષી ની ઉંચી ઉડાન થી ચકલી કોઈ દિવસ ચિંતા નથી કરતી, તે પોતાની પરિસ્થિતિ પ્રમાણે મોજમાં જ હોય છે. પરંતુ આપણે જ માણસ થઈને બીજા કોઈ માણસને આગળ આવતા જોઈ તુરંત જ ચિંતામાં આવી જઈએ છીએ, સુખી રહેવાનો એક મંત્રા પણ છે કે દેખાદેખીથી બચીને રહેવું અને ખુશ રહેવું. આ સ્ટોરી તમે justgujjuthings.com પર વાંચી રહ્યા છો.
આપણા જીવન માં આવતી પરિસ્થિતિ કોઈ દિવસ સમસ્યા નથી હોતી, તે સમસ્યા એટલા માટે બની જાય છે. કારણ કે આપણે તેની સામે લડવા ની હિંમત નથી દાખવતા. આવી બધી પરિસ્થિતિઓ ની સામે લડતા લડતા જ સફળતા મળે છે.
જો આ સ્ટોરી તમને પસંદ પડી હોય તો દરેક લોકો સાથે શેર કરજો, તેમજ આ સ્ટોરી ને કમેન્ટ માં 1 થી 10 ની વચ્ચે રેટિંગ પણ આપજો.