શું તમારું જીવન દુઃખથી ભરાયેલું છે, તો આ વાંચી લો તમારો જીવન જીવવા પ્રત્યેનો દ્રષ્ટિકોણ બદલાઈ જશે

એક સ્ત્રીને ટેવ હતી કે તે જ્યારે પણ પોતાના દિવસ દરમિયાન કામ કરી અને રાત્રે સૂવા માટે જાય ત્યારે તેનો નિત્યક્રમ હતો કે આખા દિવસમાં જે પણ કંઈ બન્યું હોય તે બધું તે એક ડાયરી પર લખતી હતી.

આ સિવાય તેને એક બીજી પણ ટેવ હતી એ ડાયરીમાં માત્ર તેની સાથે બનેલી ઘટનાઓ જ નહીં પરંતુ ડાયરીના દરરોજ દિવસે તે ડાયરીમાં એક બીજી વસ્તુ પણ સાથે લખતી હતી.

એ દિવસ દરમિયાન તેને કોઈ નાની ખુશી મળે તો તેનો પણ તે આભાર માનતી અને ડાયરીમાં લખતી. એક રાત્રે તે સ્ત્રીએ ડાયરીમાં લખ્યું કે

હું ખુશ છું કારણ કે મારો દીકરો દરરોજ સવારે મારી સાથે ઝઘડો કરે છે, ઝગડો એ બાબતમાં કરે છે કે તેને આખી રાત સરખી ઊંઘ ન આવી કારણ કે આખી રાત્રી તેને મચ્છર સુવા નહોતા દેતા. એટલે કે તે રાત્રે ઘરમાં જ આવી જાય છે અને આખી રાત વિતાવે છે, નહીં તો આ ઉંમરમાં દરેક લોકો બહાર જઈને મિત્રો સાથે એન્જોય કરતા જોવા મળે છે. ભગવાનનો આભાર છે કે મારો દીકરો એવો નથી. આ સ્ટોરી તમે justgujjuthings.com પર વાંચી રહ્યા છો.

હું એ માટે પણ ખુશ છું કે મારા પતિ આખી રાત એ મોટે મોટેથી નસકોરા બોલાવે છે કારણ કે તેઓ જીવી રહ્યા છે અને મારી પાસે જ છે અને મને ખુશ રાખે છે ભગવાન નો આભાર છે.

હું ખુશ છું કે દરેક મહિનામાં લાઈટ બિલ ગેસ પેટ્રોલ તેમજ પાણીનો પણ સારો એવો ટેક્સ ચૂકવવો પડે છે. એનો મતલબ કે આ બધી વસ્તુઓ મારી પાસે મારા ઉપયોગમાં આવે છે આ જો મારી પાસે ન હોત તો જિંદગી કેટલી મુશ્કેલ હોત? ભગવાનનો આભાર માનું છું.

હું એ માટે પણ ખુશ છું કે મારો દિવસ પૂરો થાય ત્યાં સુધીમાં હું ખૂબ જ થાકી જાઉં છું અને થાકને કારણે મારી હાલત ખરાબ થઈ જાય છે એટલે કે મારી અંદર દિવસભર સખત કામ કરવાની તાકાત અને હિંમત બંને ઈશ્વરની કૃપાથી મારી પાસે જ છે.

હું ખુશ છું કે મારે દરરોજ આખું ઘર સાફ કરવું પડે છે બધા દરવાજા બારી વગેરે પર લાગેલી ધૂળને સાફ કરવી પડે છે. આભાર માનું છું હું ઈશ્વરનો કે મારી પાસે આવું સરસ અને ખૂબ જ વિશાળ ઘર છે. જે લોકો પાસે રહેવા માટે છત નથી તે ની શું હાલત થતી હશે? હે ઈશ્વર તારો ખૂબ જ આભાર. આ સ્ટોરી તમે justgujjuthings.com પર વાંચી રહ્યા છો.

હું ખુશ છું કે દર વર્ષે તહેવારો ઉપર એકબીજાને ભેટ સોગાદો આપવામાં મારું પર્સ ખાલી થઈ જાય છે. એટલે મારા પાસે મારા પોતાના, સગા સંબંધીઓ, મિત્રો, વગેરે પૂરતા છે જેઓને હું ભેટ આપી શકું. જો આ બધા લોકો મારી જીવનમાં ન હોય તો જીવન માં રોનક જ ન રહે. આભાર છે તારો ભગવાન.

હું ખુશ છું કે દરરોજ વહેલી સવારે જ્યારે અલાર્મ નો અવાજ આવે ત્યારે તરત જ હું જાગી જવું છું. એટલે કે મને દરરોજ સવારે એક નવી સવાર જોવા મળે છે આ ભગવાનની કૃપા જ કહેવાય.

હું એટલા માટે પણ ખુશ છું કે કોઈ વખતે હું બીમાર પડી જાઉં છું એનો મતલબ કે મોટાભાગે તો હું સ્વસ્થ જ હોવું છું.

હું ખુશ છું કે મારા સંતાનો દિવસ માં ઘણો સમય સુધી બહાર રમતા રહે છે, એટલે કે તેઓ એકદમ સ્વસ્થ છે અને શરીરની તંદુરસ્તી ખેલકૂદ થી જાળવી રહ્યા છે. હે ભગવાન તારો ખૂબ ખૂબ આભાર.

આટલું લખ્યા પછી તે સ્ત્રી ડાયરી બંધ કરીને બેડ પાસે રાખીને, લાઈટ બંધ કરી અને સુઈ ગઈ. આ સ્ટોરી તમે justgujjuthings.com પર વાંચી રહ્યા છો.

કદાચ આ એક કાલ્પનિક સ્ટોરી પણ હોઈ શકે પરંતુ આ સ્ટોરીમાં થી એટલું તો સમજી જ શકાય કે જો આપણે પણ આપણા જીવનમાં આ સ્ત્રીની જેમ કંઈક એવો ફોર્મ્યુલા અપનાવી શકીએ કે જેનાથી આપણને બધી વસ્તુ માં કંઈક સારું પણ દેખાવા લાગે તો આપણું જીવન પહેલા જેવું ન રહે.

અલબત્ત આપણા જીવનમાં પહેલાં કરતાં પણ વધારે ખુશીઓ સામેલ થઈ જાય. પરેશાનીઓ તમારા જ જીવનમાં છે અથવા મારા જ જીવનમાં છે એવું નથી પરેશાનીઓ તો દરેકના જીવનમાં રહેવાની જ છે પરંતુ નાની મોટી મુશ્કેલીઓ માંથી પણ આપણે આપણી રીતે ખુશીઓ શોધતા શીખી જઈએ તો આપણી જિંદગી અલબત પહેલા કરતા ખૂબ જ ખુશખુશાલ બની જાય. અને હા ભગવાનનો આભાર તો માનવાનું ક્યારેય ભૂલવું ન જોઈએ.

ઘણી વખતે આપણા ખરાબ સમયમાં અથવા મુશ્કેલી ના સમયે ભગવાનને ખૂબ પ્રાર્થના કરીએ છીએ પરંતુ એ મુશ્કેલીમાંથી પાર પડી જઈએ ત્યારે બહુ ઓછા લોકો એવા હોય છે જે ભગવાનનો આભાર માને છે, આથી નાની નાની વસ્તુઓમાં પણ ભગવાનનો આભાર માનતા શીખી જવું જોઈએ. આ બાબતે તમારું શું માનવું છે તે કમેન્ટ કરીને જણાવજો.

જો આ સ્ટોરી તમને પસંદ પડી હોય તો દરેક લોકો જોડે આ સ્ટોરી ને શેર કરજો તેમજ કમેન્ટમાં રેટિંગ પણ આપજો.