હેલ્મેટ માટે પોલીસે બે મિત્રોને ઉભા રાખ્યા, થોડી વાર પછી એવું કહ્યું કે તે બને મિત્રોની આંખમાં…

બે મિત્રો આજે રવિવાર હોવાથી બાઈક પર ફરવા માટે ઘરે થી નીકળા. હજુ પહેલો ચોક આવે ત્યાં ચોક માં ઉભેલ પોલીસે બાઈક સવાર ને અવાજ કરીને ઉભા રાખ્યા.

“ઉભા રહો ઉભા રહો” પહેલા તમારું હેલ્મેટ પહેરી લો, હેલ્મેટ નો કાયદો અમલમાં આવી જવા થી પોલીસ દ્વારા દરેક ચોકે તપાસ ચાલી રહી હતી. અને હેલ્મેટ પહેરીને બાઈક ચલાવવાની અપીલ કરવામાં આવતી હતી. બંને મિત્રો ઉભા રહ્યા અને એ ઓફિસર પાસે આવ્યા.

ત્યારે ઓફિસરે બહુ જ પ્રેમ થી સમજાવતા કહ્યું કે તમે મારા દીકરા ની ઉંમરના છો અને હેલ્મેટ પહેરવાથી તમારી જ સુરક્ષા થાય છે. અને તમારા પરિવાર નું હીત પણ તેમાં જ છે. હેલ્મેટ નહિ પહેરવા થી થતા નુકસાન થી ઘણા પરિવારો એ પોતાનાઓને ગુમાવ્યા છે. અને દવાખાનામાં દાખલ કરેલા અને ખર્ચ માં ને ખર્ચા માં કેટલા બધા પરિવારો બરબાદ થઇ ગયા છે, તેનો તો કોઈ આંકડો પણ નો મળે! આ સ્ટોરી તમે justgujjuthings.com પર વાંચી રહ્યા છો.

ત્યારે બાઈક સવાર બંને મિત્રો એ પોલીસ ઓફિસર ને પૂછ્યું કે અમે ઘણા પોલીસ અધિકારીઓ ને વાત કરતા જોયા છે લગભગ બધા લોકો કડકાઈથી વાતો કરતા હોય છે…

તમે આટલા બધા પ્રેમ થી વાત કરો છો, એના બદલે તમે અમારી સાથે કડક થઇ ને પણ આ વાત કરી શકતા હતા. ત્યારે તે ઓફિસરે ખભે હાથ મૂકી ને કહ્યું કે તમે બંને મારા દીકરા જેવા છો કે નહિ?

અને હું તમને હેલ્મેટ પહેરી ને બાઈક ચલાવવાનું કહું અને તમારી રક્ષા થાય તો મારા દીકરા ની રક્ષા થઈ કહેવાય. મેં તમને કઈ ખોટું તો નથી કીધું ને તો પછી આવી લાપરવાહી કેમ કરો છો બેટા?

એમ કહેતા કહેતા પોલીસ ઓફિસર ની આખો માંથી આંસુ નીકળવા લાગ્યા, આ જોઈ ને બાઈક સવાર મિત્રો એ પૂછ્યું કે સર તમે કેમ આટલા બધા ભાવુક થઇ ગયા? આ સ્ટોરી તમે justgujjuthings.com પર વાંચી રહ્યા છો.

ત્યારે ઓફિસરે સ્વસ્થ થતા કહ્યું કે મારે પણ તમારા જેવો એક નો એક દીકરો હતો. એ પણ તમારી જેમ જ ફરવા જતો હતો, અને હેલ્મેટ પહેરી નહોતી અને તેનું અકસ્માત માં મૃત્યુ થયું, એ દીકરાની સગાઇ પણ કરી નાખી હતી.

અને ચાર મહિના માં લગ્ન પણ હતા હવે અમે બંને માણસો દરેક દિવસે દીકરા ને યાદ કરી ને રડીએ છીએ. અમે કેવા કેવા સપના જોયા હતા કે દીકરાના લગ્ન થઇ જાય અને બે વર્ષ માં હું નિવૃત થઇ જાવ એટલે અમે બંને માણસ અમારા પૌત્ર કે પૌત્રી ને રમાડી ને અને ધર્મ કાર્ય કરી ને અમારો નિવૃત્તિ નો સમય પસાર કરીશુ. પણ આ એક હેલ્મેટ ના હિસાબે અમારા પરિવારનો માળો મારા દીકરા ના ગયા પછી વેરવિખેર અને સુનો સુનો થઇ ગયો.

હવે હું દરેક દીકરા ને મારા દીકરા ની જેમ જ સમજાવું છું. જેથી કાયદાનું પાલન પણ થાય અને તમારી અને તમારા પરિવાર ની સલામતી રહે. ત્યારે બાઈક સવારે કહ્યું કે હું હવે જિંદગી માં ક્યારેય પણ હેલ્મેટ પહેર્યા વિના બાઈક નહિ ચલાવું કે કોઈ ની સાથે પણ હેલ્મેટ વિના જે ચલાવતો હશે, હું તેની સાથે ક્યારેય પણ નહિ બેસું.
એટલું બોલતા બોલતા તેના આંખમાંથી પણ આંસુ આવવા લાગ્યા અને આગળ કહ્યું કે મને પણ મારા પિતા અવારનવાર હેલ્મેટ પહેરવાની સલાહ આપતા રહે છે, પણ હું નથી માનતો, આજે મને બરાબર સમજાઈ ગયું કે પિતા શુ કામ વારંવાર એક ને એક સલાહ આપતા રહે છે. આ સ્ટોરી તમે justgujjuthings.com પર વાંચી રહ્યા છો.

જો આ સ્ટોરી તમને પસંદ પડી હોય તો દરેક લોકો સાથે શેર કરજો, તેમજ આ સ્ટોરીને કમેન્ટમાં ૧ થી ૧૦ ની વચ્ચે રેટિંગ પણ આપજો.