રમેશની ફ્રુટ ની દુકાન હતી. જે તેઓ પોતે ખૂબ જ ઈમાનદારીથી ચલાવતા હતા. ફ્રુટ ની દુકાન માં જો જરા પણ ખરાબ ફળ હોય તો તે તેને વહેંચવાની બદલે બાજુમાં રાખી મૂકતો અને સાંજે જ્યારે દુકાન બંધ કરે ત્યારે નજીકમાં આવેલી ગૌશાળામાં ગાયોને આ ફળ ખવડાવી દેતો.
ગાયોને ફળો આપતી વખતે તેને નુકસાની જઈ રહી છે તેઓ જરા પણ વિચાર કરતો નહીં અને કાયમ પોતે ઈમાનદારીથી ધંધો કરતો. ઘણા બધા ગ્રાહકો આ વાત જાણતા હતા એટલે તેના એટલા બધા ગ્રાહકો બંધાઈ ગયા હતા કે જે લોકો તેની પાસેથી ફળ લેતા તે બીજે ક્યાંય ફળ ની ખરીદી ના કરતા.
એક દિવસની વાત છે જ્યારે રમેશ સવારે દુકાન ખોલી સાફ કરી અને ભગવાનના પૂજાપાઠ કરી ને હજુ નવરો થયો કે તરત જ એક ગ્રાહક આવ્યા અને ગ્રાહકે આવીને તેને સફરજન તેમજ કેળાના ભાવ પૂછ્યા એટલે રમેશ એ કહ્યું કે કેળા 50 રૂપિયે ડઝન અને સફરજન 100 રૂપિયે કિલો.
તે ભાઈ ફળ લેતા હતા એવામાં જ એક સ્ત્રી આવી, તેનો પહેરવેશ કોઈ સામાન્ય સ્ત્રી જેવો નહોતો. જુના કપડા પહેર્યા હતા. કપડા ને જોઈને ચોખ્ખું દેખાઈ રહ્યું હતું કે આ સ્ત્રીએ તે કપડા ઘણા દિવસોથી ધોયા જ નહીં હોય.
રમેશ ભાઈ ની દુકાને આવીને તેને પણ કેળા અને સફરજન નો ભાવ પૂછ્યો. ત્યારે રમેશ એ એ કીધું કે બહેન ફળમાં ભાવ તો હમણાં ઘટી ગયા છે, અને ફળ ની આવક વધી ગઈ છે તમને કેળા ૧૦ રૂપિયે ડઝન અને સફરજન એક કિલોના 30 રૂપિયા લેખે આપવામાં આવશે.
પહેલા આવેલા પુરુષ ગ્રાહક તો રમેશ ની સામે એવા તે જોવા લાગ્યા કે જાણે હમણાં જ થોડી વારમાં રમેશ સાથે ઝગડી પડશે. રમેશ પણ સ્થિતિ ઓળખી ગયો અને તરત જ તે ગ્રાહકને ઈશારો કરીને થોડા સમય સુધી ચૂપ રહીને રાહ જોવા માટે આજીજી કરી. વિનંતી નો ઈશારો જોઈને તે ગ્રાહક પણ કશું બોલ્યા નહીં.
તે સ્ત્રી ફળ લઇ ને જેવી બહાર નીકળી તો મનમાં ને મનમાં ખુશ થતી હતી અને બોલતી જતી હતી કે હે ભગવાન જો આવી રીતે બધી વસ્તુઓ સસ્તી મળવા લાગે તો મારા જેવા લોકોના બાળકો પણ આવી વસ્તુઓ ખાવા પામે. આટલું કહી ઉપર જોઈને ભગવાનનો આભાર માન્યો અને કહ્યું મારા બાળકો આ ફળ ખાઈને અત્યંત ખુશ થશે ભગવાન તમારો ખુબ ખુબ આભાર.
