એક વ્યક્તિનો ધંધો ખુબ જ ઓછો થઇ ગયો હતો, આ જોઇને તેના મિત્રએ પૂછ્યું કે કેમ તારો ધંધો નથી ચાલતો? ત્યારે તેને એવો જવાબ આપ્યો કે મિત્ર સાંભળીને…

પ્રોફેસર સાહેબ ઘણા દિવસોથી તેના મિત્ર રાકેશ ની દુકાને નહોતા ગયા, એટલા માટે આજે કોલેજથી સીધા તેના મિત્રને દુકાને ગયા. બંને મિત્રો ઘણા સમય પછી મળ્યા હોવાથી એકબીજા સાથે અનેક ચર્ચાઓ કરી. સાથે ચા નાસ્તો કર્યો.

પ્રોફેસર થોડા સમય પછી બોલ્યા કે રાકેશ પહેલા હું જ્યારે તારી દુકાને આવતો ત્યારે તારા દુકાને ગ્રાહકોની ખુબ જ ભીડ રહેતી, અને તારે ત્યાં સાત આઠ જેટલા માણસો પણ કામ કરતા હતા. અને હું જ્યારે આવતો ત્યારે આપણે નિરાંતે ચર્ચા પણ ન કરી શકતા.

અને આજે આવ્યો ત્યારે જોયું કે તારી દુકાનમાં અત્યારે માત્ર બે માણસો જ કામ કરે છે અને ગ્રાહકો તો ખૂબ જ ઓછા થઈ ગયા છે. આવું કેમ છે મિત્ર? આનો જવાબ આપતા રાકેશ બોલ્યો કે એવું કંઈ નથી, આ બધું ચાલતું રહે હું બજાર નો જુનો ખેલાડી છું. અત્યારે ધંધો મંદિરમાં છે, થોડા સમય પછી સિઝન ચાલુ થઇ જશે.

સીઝન ચાલુ થાય એટલે પહેલા જેવું જ થઈ જશે, ત્યારે પ્રોફેસર ગંભીર થઈ ગયા અને કહ્યું ભાઈ તું મારો મિત્ર છે એટલે તને કહી રહ્યો છું આ વાતને તું હસવામાં ન કાઢી નાખ, હું જોઈ રહ્યો છું આજ રોડ ઉપર તારી હરીફાઈ માં બીજી ઘણી દુકાનો ખુલી ગઈ છે.

અને તે લોકો માર્કેટમાં પોતાનું સ્થાન બનાવવા માટે તારી સાથે હરીફાઈ કરી ને ગ્રાહકને સસ્તો માલ વેચી રહ્યા છે. પ્રોફેસર ની વાત માં વચ્ચે બોલીને રાકેશ એ કહ્યું કે હવે આવી દુકાનો તો ખુલ્લી અને બંધ થતી રહે હું તો આ બજાર નો જૂનો વેપારી છું.

મને એનાથી કંઇ ફરક નહીં પડે, પ્રોફેસર અને રાકેશ કોલેજના સમયથી એકબીજાને ઓળખતા હતા. અને પ્રોફેસર પણ જાણતા હતા કે આવી રીતે કહીને સમજાવવાથી રાકેશ માં કંઈ ફરક નહીં પડે. થોડા દિવસ પછી પ્રોફેસરે તેના મિત્રને પોતાના ઘરે બોલાવ્યો.

રાકેશ પ્રોફેસર ના ઘરે ગયો એટલે બન્નેએ સાથે ચા નાસ્તો કર્યા થોડી ચર્ચાઓ કરી પછી પ્રોફેસરે કહ્યું કે આજે મેં મારા ઘરની લેબોરેટરીમાં એક નવો પ્રયોગ કર્યો છે તે તને બતાવું. તને જોઈને મજા આવશે એવો જોરદાર પ્રયોગ છે.

પ્રોફેસર અને મિત્ર બંને લેબ માં ગયા અને પ્રોફેસરે એક મોટા વાટકામાં ગરમ પાણી કરી ને રાખ્યું અને તેની અંદર એક દેડકાને મૂક્યો. દેડકાને જેવો અંદર મુક્યો કે દેડકાને તે પાણી ગરમ લાગતા તે તરત જ છલાંગ મારીને બહાર નીકળી ગયો.

રાકેશ આ બધું જોઈ રહ્યો હતો. સાથે મનમાં વિચાર પણ કરી રહ્યો હતો કે આ પ્રોફેસર પણ કેવા વિચિત્ર પ્રયોગો કરી રહ્યા છે. ફરી પાછું પ્રોફેસરે એક વાટકામાં ઠંડુ પાણી લઈને દેડકાને એ વાટકામાં મૂક્યો. દેડકાને પાણી ગરમ ન હતું એટલે કોઈ ભય ન લાગતા તે આરામથી તરવા લાગ્યો.

પછી પ્રોફેસરે ઠંડા પાણીના વાટકા ને ગેસ પર મૂકીને ધીમા તાપે ગરમ કરવાનું શરૂ કર્યું. થોડીવારમાં પાણી નવશેકું થઈ ગયું એટલે દેડકા એ પાણી ના વધી ગયેલા તાપમાન અનુસાર પોતાના શરીરને એડજસ્ટ કરવાનું ચાલુ કર્યું.

થોડીવાર પછી પાણી વધારે ગરમ થયું એટલે બેટા એ ફરી પાછું તેના શરીરની શક્તિ વાપરીને પોતાનું શરીર એ પાણીમાં રહી શકે તેવી અનુકૂળતા બનાવી લીધી. થોડા સમય પછી ફરી પાછું પાણી ગરમ થયું, આ વખતે પાણી વધારે પડતું ગરમ હતું.

દેડકાને પણ હવે જેવું ઉપર જોખમ દેખાયું એટલે તરત જ દેડકો બહાર નીકળવા માટે છલાંગ મારવાની કોશિશ કરવા લાગ્યો, પરંતુ અત્યાર સુધીમાં તેના શરીરની બધી શક્તિ તેને વાપરી નાખી હતી હવે તેની પાસે વાટકા માંથી બહાર નીકળવા માટે છલાંગ લગાવવાની શક્તિ પણ નહોતી.

અને આખરે એ વાટકા માંથી બહાર ન નીકળી શક્યો અને એ દેડકાના રામ રમી ગયા. આ જોઈને રાકેશ તરત જ પ્રોફેસર ને કહેવા લાગ્યો કે અરે ભાઈ તે તો દેડકાનો જીવ લઈ લીધો, તારે મને પ્રયોગ દેખાડવા માટે દેડકા ને મારી નાખવા ની શું જરૂર હતી? આ સ્ટોરી તમે justgujjuthings.com પર વાંચી રહ્યા છો.

ત્યારે પ્રોફેસર જવાબ આપતા કહ્યું કે દેડકાનો જીવ મેં નથી લીધો પરંતુ તેને પોતાના જ હાથે પોતાના મૃત્યુનો સ્વીકાર કર્યો છે. દરેક બગડતાં વાતાવરણમાં પોતાની જાતને અનુકૂળ કરી લીધી અને પોતાનો જ જીવ ચાલ્યો ગયો. આ સ્ટોરી તમે justgujjuthings.com પર વાંચી રહ્યા છો.

આ સિવાય જો પાણી જ્યારે થોડું ગરમ હોય ત્યારે પહેલેથી જ તે દેડકો બહાર કુદકો મારીને નીકળી ગયો હોત તો તે તેનો જીવ બચાવી શક્યો હોત. અને હું તને આ પ્રયોગ એટલા માટે જ બતાવી રહ્યો છું કે તું પણ આ દેડકા જેવું વર્તન કરી રહ્યો છે.

તેનો મિત્ર આશ્ચર્યમાં આવીને પૂછવા લાગ્યો કે અરે તમે શું કહો છો મને કંઈ સમજાણું નહીં? ત્યારે તેને કહ્યું કે તારો સારો એવો ધંધો ઘટી રહ્યો છે, બજાર જેમ ચાલે છે તેમ ચાલવાની બદલે તું કશું ફેરફાર નથી કરતો. જેથી દુકાનમાં ગ્રાહક ની સંખ્યા ઘટતી જાય છે. આ સ્ટોરી તમે justgujjuthings.com પર વાંચી રહ્યા છો.

અને આ બાજુ તને એની ખબર પણ નથી પડી રહી, તો હજુ એવા વહેમમાં જીવે છે કે થોડા દિવસમાં સીઝન આવશે એટલે બધું બરાબર થઈ જશે. પરંતુ એટલું યાદ રાખજે કે ધંધામાં બદલાવ નહીં લાવે તો તારી હાલત આ દેડકા જેવી થઈ જશે.

એક સમય એવો પણ આવી શકે કે તારી પાસે ધંધાને સંભાળવા માટે પણ પૈસા ન બચ્યા હોય, અને આગળ જતા પૈસા પણ નહીં હોય અને સમય પણ નહીં હોય. પ્રોફેસર ની શિખામણ લઈને રાકેશ તેના વિચારો માંથી બહાર આવ્યો અને કહ્યું કે હું પણ મારા ધંધામાં ફેરફાર કરીને ફરી પાછો બજારમાં ટોચ પર આવીને બતાવીશ.

રાકેશ ની જેમ આપણા પણ જીવનમાં ઘણા પ્રસંગ આવતા હોય છે, અને એનાથી ડરવાની જરૂર નથી પરંતુ કહેવાય છે કે ચેન્જ એ કોન્સ્ટન્ટ છે, એ થતો જ રહેવો જોઈએ. તમારું આ વિશે શું માનવું છે તે કમેન્ટ કરીને અચૂક જણાવજો.

જો આ સ્ટોરી તમને પસંદ પડી હોય તો દરેક લોકો સાથે શેર કરજો, તેમજ આ સ્ટોરી ને કમેન્ટ માં 1 થી 10 ની વચ્ચે રેટિંગ પણ આપજો.