એક દીકરી ચોકલેટ આઇસ્ક્રીમ ખાવા હોટલમાં ગઈ ત્યારે તેની પાસે પૂરતા પૈસા હોવા છતાં તેને તેનાથી સસ્તો આઈસક્રીમ મંગાવ્યો. હોટલના માલિકે જ્યારે કારણ પૂછ્યું ત્યારે દીકરીએ એવું કહ્યું કે...

10 વર્ષ ની મોનિકા આજે ઘરે એકલી હતી. તેના મમ્મી પપ્પા લગ્ન પ્રસંગે સવાર થી બહાર ગયા હતા, મોનીકા ને સ્કૂલ માં વાર્ષિક પરીક્ષા આવતી હોવાથી તે લગ્ન માં નહોતી ગઈ. સવારે મમ્મી સાથે પાકો નાસ્તો કરી લીધો હતો. એટલે બહુ ભૂખ લાગી નહોતી.

પણ મમ્મી પપ્પા જતા જતા તેને પચાસ રૂપિયા આપતાં ગયાં તને ભૂખ લાગે તો સોસાયટી ની બહાર નાસ્તા વાળા ની દુકાને થી તારે જે ખાવું હોય તે લઇ ને ખાઈ લેજે અને ભણવામાં ધ્યાન આપજે ટીવી જોવા ના બેસતી.

બપોરે ત્રણ વાગ્યા એટલે મોનિકાને થોડી ભૂખ લાગે તેને વિચાર કર્યો કે કંઈક નાસ્તો લઈને આવું, એમ વિચારીને તે ઘરને તાળું મારીને બહાર ગઈ. આઇસક્રીમની દુકાન જોઇને તેને આઈસ્ક્રીમ ખાવાનો ખૂબ જ મન થઈ ગયું. અને નાસ્તાની બદલે તે આઈસક્રીમ ખાવા માટે તે દુકાને જતી રહી. આ સ્ટોરી તમે justgujjuthings.com પર વાંચી રહ્યા છો.

મેનુ કાર્ડ લઇને આઈસક્રીમના નામ અને ભાવ જોવા લાગી, ચોકલેટ આઈસ્ક્રીમ ખાવાનો ખૂબ જ હતું પરંતુ ચોકલેટ નો આઈસ્ક્રીમ ૫૦ રૂપિયાનો હતો. તેને વેઇટરને બોલાવી ને પૂછ્યું કે શું ચોકલેટ નો આઈસ્ક્રીમ નાની પ્લેટમાં મળી શકે?

આ સવાલ સાંભળીને વેઇટર જાણે જવાબ દઈ રહ્યો હોય તેમ તોછડાઈથી કહ્યું કે ના આવે અને આખી પ્લેટ નો ભાવ પચાસ રૂપિયા છે. ત્યાંથી જતો રહ્યો, અને મન માં ને મન માં બોલ્યો કે લોકો પણ પુરા પૈસા હોઈ નહિ અને. આવી જાય છે આઇસ્ક્રીમ ખાવા માટે… આ સ્ટોરી તમે justgujjuthings.com પર વાંચી રહ્યા છો.

થોડા સમય પછી મોનિકાએ ફરી પાછા વેઇટરને બોલાવ્યો અને કહ્યું મારા માટે એક વેનીલા આઇસક્રીમ ની પ્લેટ લઇ આવો. વેઇટર તરત જ વેનીલા આઈસ્ક્રીમ લઇ આવે છે અને મોનિકા નિરાંતે આઇસક્રીમ ખાઇને તેનું બીલ મંગાવે છે, વેનીલા આઈસ્ક્રીમ ના 35 રૂપિયા હોવાથી બિલ 35 રૂપિયા નું વેઇટર લઈને આવે છે.

મોનિકા એ પચાસ રૂપિયા ની નોટ મૂકી, વેઈટર બિલ એકાઉન્ટ માં જમા કરાવી ને પંદર રૂપિયા પાછા આપે છે. ત્યારે વેઈટર પણ વિચાર કરવા છે કે ચોકલેટ નો ભાવ જોઈ ને નાની પ્લેટ માંગી. અને વેનીલા ખાધી. પણ તેની પાસે તો ચોકલેટ ના રૂપિયા હતા, છતાં પણ તેને આવું કેમ કર્યું? વિચારતા વિચારતા તે મોનિકા ના ટેબલ પાસે આવે છે. અને તેને પંદર રૂપિયા ટેબલ પર રાખે છે.

મોનિકા તેની જગ્યાએથી ઊભા થતા કહે છે કે, અંકલ આ તમારી ટીપ ના રૂપિયા છે. ત્યારે વેઈટર ને પણ લાગી આવ્યું કે મને ટીપ દેવા માટે તેને ભાવતો ચોકલેટ નો આઈસ્ક્રીમ ખાધો નહિ. અને મને ટીપ આપી. આ સ્ટોરી તમે justgujjuthings.com પર વાંચી રહ્યા છો.

તેને તરત જ તેને શેઠ પાસે જઈ ને આ વાત કરી ત્યારે શેઠ પણ તેનાથી ખુબ જ પ્રભાવિત થયા. અને તેને મોનિકા ને પોતાની પાસે બોલાવી ને પૂછ્યું કે તારી પાસે ચોકલેટ નો આઈસ્ક્રીમ ના રૂપિયા હતા. તો પણ તે ટીપ આપવા માટે વેનીલા નો આઈસ્ક્રીમ કેમ ખાધો?

ત્યારે મોનિકા એ જવાબ આપતા કહ્યું કે મારા પપ્પા જ્યારે પણ બહાર હોટેલ માં જાય, ત્યારે ટીપ આપતા. એક વખત મેં તેને પૂછ્યું કે પપ્પા આ શેના માટે આપો છો? આપણે બિલ તો આપી દીધું…

ત્યારે મારા પપ્પા એ કહ્યું કે વેઈટર ના ઘરે પણ તારા જેવા નાના બાળકો હોય તેના માટે આપણે આ રૂપિયા તેને આપીએ છીએ, જેનાથી તે પણ તેના બાળકો ને તે મોજશોખ ની કે ભણવાની ચીજવસ્તુ લઇ શકે.

કારણ કે તેના પગાર માં તો તેનું ઘર જ માંડ માંડ ચાલતું હોય. આ સાંભળી ને હોટલ નો માલિક ખુશ થઇ ગયો. અને એક ચોકલેટ નો આઈસ્ક્રીમ તેને તરફથી મોનિકા ને ગિફ્ટ માં આપ્યો. મોનિકા પણ તેનો મનપસંદ આઈસક્રીમ મેળવીને ખુશ થઈ ગઈ.

ઘરે જઈને જ્યારે માતા પિતા પાછા આવ્યા ત્યારે તેને બધી વાત કરી, ત્યારે તેના માતા-પિતા પણ ભાવુક થઈ ગયા. કારણકે તેઓ પણ વિચારવા લાગ્યા કે આપણે કહેલા થોડા શબ્દો ની બાળકો ઉપર કેવી ગંભીર અસર થાય છે.

જો આ સ્ટોરી તમને પસંદ પડી હોય તો દરેક લોકો જોડે શેર કરજો તેમજ આ સ્ટોરીને કમેન્ટમાં 1 થી 10 ની વચ્ચે રેટિંગ પણ આપજો.