વિમાન આમતેમ હાલક-ડોલક થઈ રહ્યુ હતુ, બધા લોકો ડરી ગયા પણ એક છોકરાને બિલકુલ બીક નહોતી, કારણ જાણશો તો તમે પણ કહેશો કે…

એક ખૂબ મોટા બિઝનેસમેન હતા. તેનો ધંધો માત્ર દેશ પૂરતો નહીં પરંતુ આખા વિશ્વમાં ઘણા દેશોમાં ફેલાયેલો હતો. અને તેઓ પાસે કોઈપણ જાતની આર્થિક ખામી ન હતી, અત્યંત વૈભવશાળી જીવન તેઓ જીવતા હતા.

તેઓની ઓફિસે તેઓ ગાડી લઈને જાય તો લગભગ ત્રણ કલાક જેટલો સમય લાગે, પરંતુ આ સમય પણ ઓછો કરવા માટે તેઓએ પોતાનું પ્રાઇવેટ હેલિકોપ્ટર રાખેલું હતું. અને સાથે સાથે જો કોઈ વિદેશ યાત્રાએ જવાનું થાય અથવા પછી કોઈ બીજા રાજ્યમાં કે તેમ જવાનું થાય તો તેઓ પોતાનું ચાર્ટડ પ્લેન પણ ઉપયોગ કરતા.

એક દિવસ તેને વિદેશ યાત્રાએ જવાનું થયું, પરંતુ તેઓને એક કલાક પહેલાં જ માલૂમ થયું કે તેનું ચાર્ટર્ડ પ્લેનમાં કોઇ ટેક્નિકલ ખામી સર્જાઈ ચૂકી છે અને હવે આ પ્લેન ઉડાન નહીં કરી શકે. પરંતુ એ ભાઈને ખુબ જ મોટી બીઝનેસ ડિલ નો સવાલ હતો અને સમયસર પહોંચવું પડે તેમ પણ હતું, આથી તેઓએ બીજી કોઈ ફ્લાઇટ છે કે કેમ તે તપાસ કરાવી અને સદ્નસીબે એક કલાક પછી એક પેસેન્જર વિમાન તેને જાવું હતું એ જ જગ્યાએ જઈ રહ્યું હતું. ફટાફટ બધી પ્રોસેસ પૂરી કરાવી અને તેઓ તે વિમાનમાં બેસી ગયા.

વિમાને સફળતાપૂર્વક ઊડવાનું શરૂ કર્યું, બધા મુસાફરો વિમાનમાં બેસી ગયા હતા એક ચોક્કસ ઉંચાઈ પર પહોંચ્યા પછી વિમાનમાં સીટબેલ્ટ ખોલવાની અનુમતિ પણ આપી દેવાઈ હતી, બધા લોકો રીલેક્સ થઈને બેઠા હતા એવામાં અચાનક જ વિમાનમાં કોઇ ટેક્નિકલ ખામી સર્જાણી.

પહેલા પોતાના ચાર્ટર્ડ વિમાનમાં ખામી સર્જાય પછી હવે પેસેન્જર વિમાનમાં પણ ખામી સર્જાઈ એટલે પહેલા તો પેલા ભાઈ ને થોડો ગુસ્સો આવ્યો પરંતુ ખામી સર્જાવાથી વિમાન હાલકડોલક પણ થવા લાગ્યું હતું એટલે બધા લોકો સહિત પેલા ભાઈ ને પણ ખૂબ જ ડર લાગવા લાગ્યો અને બધા લોકો ચીસો પાડી રહ્યા હતા, ઘણા લોકો તો ખૂબ જ ડરી ગયા હતા.

વિમાનમાં બધા મુસાફરને આ બાબતથી જાણ કરવામાં આવી કે વિમાનમાં કોઇ ટેક્નિકલ ખામી સર્જાઈ છે એના હિસાબે વિમાન હાલક-ડોલક થવા લાગ્યું હતું.

પેલા ભાઈ પણ ખૂબ જ ડરી ગયા હતા અને આમ તેમ બધાના ચહેરા ના હાવભાવ જોઇ રહ્યા હતા તેવા માટેની એક નજર નાના એવા બાળક પર ગઈ એ લગભગ દસથી બાર વર્ષનો છોકરો હશે પરંતુ એ છોકરો તો મજાનો પોતાની કોમિક બુક વાંચી રહ્યો હતો. એના મોઢા ઉપર સહેજ પણ ડર દેખાઈ રહ્યો ન હતો. પેલા ભાઈ પણ આશ્ચર્યચકિત થઈ ગયા કે વિમાનમાં લગભગ બધા મુસાફરો ડરી રહ્યા છે પરંતુ આ છોકરાને વળી બીક નહીં લાગતી હોય? શું આ છોકરાએ ચેતવણી નહીં સાંભળી હોય? શું આ છોકરાને ખબર નહીં હોય કે વિમાન હાલકડોલક થાય તે કેવી મુસીબત કહેવાય?

આવા એક પછી એક ઘણા સવાલ તેના મનમાંથી ચમકારની જેમ પસાર થઈ ગયા. પરંતુ બીજી જ મિનિટે બધાના આશ્ચર્ય વચ્ચે વિમાન હાલક-ડોલક થવા નું સંપૂર્ણ બંધ થઈ ગયું.

બધા લોકોએ હાસ અનુભવી, વિમાનમાં જાહેરાત કરવામાં આવી કે આપણા સાહસી પાયલોટ દ્વારા ટેકનિકલ ક્ષતિને દૂર કરી દેવામાં આવી છે અને હવે બધા મુસાફરો સંપૂર્ણપણે સલામત છે. બધા લોકોએ એકદમ રાહતનો શ્વાસ લીધો.

વિમાન નોર્મલ થઇ ગયું હોવાથી, પેલા ભાઈએ પોતાનો સીટ બેલ્ટ ખોલ્યો અને પોતાની જગ્યા પરથી ઊભા થઈને પેલા છોકરા પાસે ગયા મને જઈને તેને તેનું નામ પૂછ્યું, છોકરો હજુ પણ કોમિક બુક વાંચી રહ્યો હતો, તેને નામ પૂછવામાં આવ્યું એટલે તરત જ સ્માઇલ કરીને જવાબ આપ્યો કે મારું નામ આર્યન છે. અરે વાહ ખુબ જ સરસ નામ છે પેલા ભાઈએ જવાબ આપ્યો,

પછી તેને પૂછ્યું બેટા તને હમણાં વિમાનમાં જે પણ કંઈ થયું તે શું થઈ રહ્યું હતું તેની ખબર હતી? છોકરાએ પોતાની કોમિક બુક ને સાઇડ પર રાખીને જવાબ આપ્યો કે હા મેં બધી ચેતવણીઓ સાંભળી હતી અને હું સમજી પણ રહ્યો હતો કે વિમાનમાં શું થઈ રહ્યું છે.

પેલા ભાઈએ તરત જ તેને પૂછ્યું તો બેટા તને જરા પણ ડર ન લાગ્યો? અને તું તો એકદમ શાંતિથી તારી કોમિક બુક વાંચી રહ્યો હતો, આવું કઈ રીતે શક્ય બન્યું? આ સવાલની સાથે તેના મોઢા પર આશ્ચર્ય ભાવ આવી ગયો.

છોકરો પણ સમજી ગયો કે તે ખૂબ જ આશ્ચર્ય ચકિત થઇ ને પૂછી રહ્યા છે, એટલે છોકરાએ તરત જ હળવુ સ્મિત કર્યું પછી જવાબ આપ્યો કે અંકલ, તમને એક વાત નહીં ખબર હોય, પરંતુ આ વિમાનના પાયલોટ બીજું કોઈ નહીં મારા પપ્પા છો. અને જો આવી માં મારા પપ્પા ચલાવતા હોય તો પછી મને એની ચિંતા થાય? કોઈપણ બાપ પોતાના સંતાનને મરવા દે ખરો?

પેલા ભાઈનો ડર તો બિલકુલ ગાયબ થઈ ગયો, પરંતુ સાથે સાથે તેને એક આખા જીવન માટે બહુ જ મહત્વનો સંદેશ મળી ગયો હતો.

એ ભાઈને ખુબ જ મોટો બિઝનેસ હતો ઘણી વખત સમસ્યાઓ આવી જતી, મુશ્કેલીઓનો સામનો કરવો પડતો પરંતુ આવું કરતી વખતે તેઓ ઘણી વખત પોતાનો મગજ શાંત ન રાખી શકતા. પરંતુ આજે તેને સમજાઈ ગયું કે આપણું જીવન એક પ્રકારની મુસાફરી છે જેમાં પાયલોટ બીજું કોઈ નહીં પરંતુ આપણા પરમ પિતા એટલે કે ભગવાન છે. આપણા જીવનમાં કોઈપણ પ્રકારની ટેક્નિકલ ખામી એટલે કે મુશ્કેલીઓ આવે તો પહેલા નાના બાળક જેવો સંપૂર્ણ વિશ્વાસ જો આપણને ભગવાન ઉપર થઈ જાય તો આપણું જીવન કેવું સરસ અને સુંદર બની જાય.

જો આ વાત સારી લાગે તો દરેક લોકો જોડે અને તમારા મિત્રો જોડે ગ્રુપમાં શેર કરજો અને તમને આ લેખ કેવો લાગ્યો તે કમેન્ટમાં અચૂક જણાવજો.