રાજા પાસે આવીને એક માણસે ફરિયાદ કરી કે તેનો મિત્ર તેના રૂપિયા નથી આપતો, પછી બીજા જ દિવસે રાજાએ એવું કર્યું કે મિત્રએ કહ્યું...

બહુ જુના સમય ની વાત છે. નાના ગામ ના એક ગરીબ માણસ કે જે પોતે મજૂરી કરીને પોતાનું ગુજરાન ચલાવતો હતો. તેમને સંતાનમાં એક માત્ર પુત્રી હતી. અને તે તેના લગ્ન માટે બચત કરી અને રૂપિયા ની બચત કરતો હતો. અને તેના એક મિત્ર ને કરિયાણાની મોટી દુકાન હતી.

તેને રૂપિયા સાચવવા માટે આપતો. તેનો આ ક્રમ સત્તર વર્ષ સુધી ચાલ્યો. અને હવે દીકરી ની સગાઇ નક્કી કરી અને થોડા સમય માં લગ્ન કરવાનું નક્કી કર્યું. ત્યારે એ ગરીબ માણસ તેના મિત્ર પાસે રૂપિયા લેવા માટે જાય છે. અને તેનો મિત્ર તેને એમ કહી ને કાઢી મૂકે છે કે તે મને રૂપિયા આપ્યા હોય તો તેની જમા ચીઠી કે કઈ લખાણ હોય તો મારી પાસે લઇ આવ તે મને રૂપિયા આપ્યા જ નથી.

હવે તે ગરીબ માણસ ભીંસ માં આવી ગયો કે આટલા વર્ષ સુધી બચત ના રૂપિયા ભેગા કરી અને સાચવવા માટે આપ્યા હતા. અને મિત્રતા ના હિસાબે ક્યારેય લખાણ પણ લીધું નથી. અને આજે દીકરી ના લગ્ન નજીક આવી ગયા છે. અને મારી પાસે બીજા રૂપિયા ની સગવડતા પણ થતી નથી. આ સ્ટોરી તમે justgujjuthings.com પર વાંચી રહ્યા છો.

તેથી બે ત્રણ દિવસ વિચાર કરી ને તે રાજા પાસે ગયો અને બધી વાત કહી, રાજા પણ વિચારમાં પડી ગયા કે બિચારા ની દીકરી ના લગ્ન છે. અને તેનો મિત્ર ફરી ગયો છે. અને વિશ્વાસ ના હિસાબે એક પણ પહોંચ પણ લીધેલી નથી. પહોંચ છે નહિ એટલે તેનો મિત્ર રૂપિયા આપવાનું પણ કાબુલ કરશે નહિ.

જેથી તેની સાથે કોઈ જાત ની તકરાર કરવી યોગ્ય નહિ લાગતા રાજા એ ગરીબ માણસ ને કહ્યું કે થોડા દિવસ પછી દશેરા છે. ત્યારે હું રથમાં બેસી અને ગામ વચ્ચે થી પસાર થઈશ. અને તે દરમ્યાન હું તારા મિત્ર ની દુકાન પાસે થી પણ પસાર થઈશ. ત્યારે તારે તારા મિત્ર ની દુકાન ની બાજુ ની દુકાન પાસે ઉભા રહી જવાનું.

દશેરા ના દિવસે રાજા રથ પર સવાર થઈને ગામમાં સરઘસ કાઢી ને નીકળ્યા. અને ગરીબ માણસ ત્યાં ઊભો હતો. ત્યાં પોતાનો રથ ઉભો રખાવીને નીચે ઉતાર્યા. અને ગરીબ માણસ ને પોતાના નાનપણ નો મિત્ર ગણાવી અને ભેટી પડ્યા. આ સ્ટોરી તમે justgujjuthings.com પર વાંચી રહ્યા છો.

અને પોતાની સાથે રથ માં બેસાડી ને રાજમહેલ માં લઇ ગયા. આ બધું તેના મિત્ર એ જોયું અને જોતા વેંત જ ગભરાઈ ગયો કે હું કોના રૂપિયા દબાવી ને બેઠો છું? આને તો રાજા સાથે પણ વર્ષો જુના સંબંધ છે. અને આપણી વાત રાજા ને કહેશે તો આપણું તો રાજા બધું ધનોતપનોત કાઢી નાખશે.

તે તરત જ ગરીબ માણસ ના ઘરે ગયો. અને તે રાજા ના મહેલ માંથી આવે તેની રાહ જોવા લાગ્યો. થોડી વાર માં એ ગરીબ માણસ આવ્યો. ત્યારે તેના મિત્ર એ કહ્યું કે મને જુના ચોપડા માંથી તારો બધો હિસાબ મળી ગયો છે.

અને તું અત્યારે જ મારી પાસે આવ અને આટલા વર્ષો ના વ્યાજ સાથે તારા રૂપિયા લઇ જા. આમ રાજા એ તે ગરીબ માણસ ને મુશ્કેલી માંથી બહાર કાઢ્યો અને દીકરી ના લગ્ન ધામધૂમ થી થયા.

આવો જ એક બીજો કિસ્સો છે એક ખેડૂત ને તેનું ખેતર વેચવું હતું. ઘણા ગ્રાહકો જોવા માટે આવે પણ બધા ખેડૂત પાસેથી અડધા ભાવે ખેતર ની માંગણી કરે. ખેતર ની આજુબાજુ ના ખેતર વાળા ને પણ ખરીદવું હતું. પણ બધા લોકો રાહ જોઈ ને બેઠા હતા કે ભાવ નીચા કરે.

ત્યારે આપણે ખરીદી લઈશું ખેડૂત બિચારો મુંજાઈ ગયો કે બજારભાવ કરતા અડધા ભાવે મારે ખેતર કેમ વેચી દેવું માટે તે પણ થોડા દિવસ ની રાહ જોઈ રહ્યો હતો. એક દિવસ ખેડૂત નો એક મિત્ર તેને ત્યાં આવ્યો જેનું આખા પંથક માં ખેતીવાડી નું મોટું કામકાજ હતું.

અને આખા પંથક માં મોટા માણસ તરીકે ઓળખાતો હતો. બંને મિત્રો જમીને ખેતર માં આંટો દેવા આવ્યા ત્યારે આજુબાજુ ના ખેતર વાળા જોઈ રહ્યા હતા કે આવડો મોટો ખેડૂત આના ઘરે ક્યાં થી આવી ગયો. અને તેને જોઈ ને બધા ઊંચા-નીચા થઇ રહ્યા હતા.

તેના મિત્ર ને વાત કહી કે મારે મારુ ખેતર વેચવું છે. પણ બધા અડધા ભાવે માંગણી કરે છે મારે કેમ કરી ને વેચવું અને રૂપિયા ની જરૂરિયાત પણ સખત છે. જેથી મારી પાસે કોઈ રસ્તો નથી.

તેના મિત્ર એ વાત સાંભળી ને તેને સાથે લઇ ને આજુબાજુ વાળા ના ખેતર માં પણ ચક્કર લગાવ્યું અને ઘરે પાછા આવ્યા ત્યારે તેના મિત્ર ને સમજાવ્યું કે હવે તને કાલ થી બધા પૂછશે કે આ ભાઈ કેમ આવ્યા હતા. ત્યારે બધા ને એમજ કહેવાનું કે મારા ખેતર નો સોદો કરવા આવ્યા હતા.

અને મેં તેને પુરા ભાવે મારુ ખેતર વેચી નાખ્યું અને બીજા દિવસ થી ગામ ના જે લોકો ને ખેતર ખરીદવું હતું, પણ રૂપિયા અડધા આપવા હતા તે બધા ને અફસોસ સિવાય કઈ વધ્યું નહિ. પણ બે ત્રણ વ્યક્તિ ને તેનું કહેતા પુરાભાવ થી પણ વધારે રૂપિયા આપી.

અને ખેતર ખરીદવાની ઇરછા થઇ અને તે મોટા ખેડૂત ને મળવા માટે ગયા. ત્યારે તેને કહ્યું કે મેં ખેતર ખરીદી લીધું છે, અને હવે મારે ડબલ ભાવ આવે ત્યારે જ વેચવું છે. એટલે જેને ડબલ ભાવે ખરીદવું હોય તે આવજો થોડા દિવસ તો ગામમાં સન્નાટો છવાય ગયો.

કે આપણે અડધા ભાવે ખરીદવા ની રાહ જોઈ રહ્યા હતા. હવે તે ખેતર જોઈતું હોય તો બજારભાવ કરતા પણ ડબલ ભાવ આપવો પડશે. થોડા દિવસ પછી ગામ નો જ એક ખેડૂતે જયારે ડબલ ભાવે ખરીદવાની તૈયારી બતાવી.

અને સોદો કરવા નું કહ્યું ત્યારે એ મોટા ખેડૂતે તેના મિત્ર ને બોલાવી અને ડબલ ભાવે સોદો કરાવી આપ્યો અને અડધા ભાવે માંગી રહેલા ખેતર ના ડબલ ભાવ અપાવ્યા આ બંને સ્ટોરી માં અગત્ય નું પાત્ર તે બંને ના મિત્ર છે. આ સ્ટોરી તમે justgujjuthings.com પર વાંચી રહ્યા છો.

એક રાજા અને બીજા મોટા ખેડૂત જીવન માં સાચા મિત્રો નું આજે પણ એટલું જ મહત્વ છે. માટે મિત્ર એવા બનાવો કે સંકટ સમય માં બાજુમાં ઉભા રહે. અને ખભે હાથ મૂકી ને કહે કે આટલી વાત માં શું મૂંઝાઈ રહ્યો છે, હું બેઠો છું ને? તારે શેની ચિંતા કરવાની?

જો તમને આ સ્ટોરી પસંદ પડી હોય તો દરેક લોકો જોડે શેર કરજો તેમજ કમેન્ટમાં 1 થી 10 ની વચ્ચે રેટિંગ પણ આપજો.