આઇસ્ક્રીમ વાળા ભાઈએ પૂછ્યું તું કેમ દરરોજ આઈસ્ક્રીમ ખાવા નથી આવતો? 4 વર્ષના છોકરાએ એવો જવાબ આપ્યો કે પેલા ભાઈ જવાબ સાંભળીને...

શહેર માં એક સુખી સંપન્ન લોકો ના વિસ્તાર માં એક પરિવાર એવો પણ રહેતો હતો. જે આર્થિક તંગીના કારણે તેના ચાર વર્ષના દીકરા ને તેના વિસ્તાર માં આવતા આઈસ્ક્રીમ વાળા પાસેથી ખરીદી ને આઈસ્ક્રીમ ખવડાવી શકતો નહોતો. આઈસ્ક્રીમ વાળો તે વિસ્તાર માં રોજ બપોર ના સમયે આવતો અને બધા છોકરાઓ આઈસ્ક્રીમ ખરીદતા. આ સ્ટોરી તમે justgujjuthings.com પર વાંચી રહ્યા છો.

ત્યારે આ ચાર વર્ષ નો દીકરો તેની બારી માંથી જોઈ રહેતો અને આઈસ્ક્રીમ વાળો પણ તેને રોજ જોતો કે આ છોકરો ક્યારેય આઈસ્ક્રીમ ખાવા આવતો નથી. એક દિવસ આઇસ્ક્રીમવાળા ને મન થયું અને બારી પાસે જઈ ને તે દીકરા ને કહ્યું બેટા તને આઈસ્ક્રીમ ખાવો પસંદ નથી?

તું ક્યારેય આઈસ્ક્રીમ ખરીદવા કેમ નથી આવતો? ચાર વર્ષ ના એ માસુમ દીકરા એ કહ્યું કે મને આઈસ્ક્રીમ તો બહુ જ પસંદ છે. પણ મારી માં પાસે પૈસા નથી. બાળક ની વાત સાંભળી ને આઈસ્ક્રીમ વાળા એ કહ્યું કે તારે રોજ મારી પાસે થી એક આઈસ્ક્રીમ લઇ લેવાની. મારે તારી પાસેથી પૈસા નથી જોઈતા.

પણ એ ચાર વર્ષ ના છોકરા એ કહ્યું કે હું તમારી પાસે થી પૈસા વિના કેમ લઇ શકું તે ખરાબ વાત છે હું તમને પૈસા દઈ ને પછી જ આઈસ્ક્રીમ લઈશ કારણ કે મારા મમ્મી એ મફત માં કાઈ વસ્તુ લેવાની ના પડી છે. આઈસ્ક્રીમ વાળો બાળક ની વાત સાંભળી ને આશ્ચર્યચકિત થઇ ગયો. આ સ્ટોરી તમે justgujjuthings.com પર વાંચી રહ્યા છો.

અને તે બાળક ને કહ્યું કે તારે રોજ એક આઈસ્ક્રીમ લેવાની અને બદલ માં મને એક હગ આપવાનું આમ મને મારા આઈસ્ક્રીમ ની કિંમત મળી જશે. અને તને એક આઈસ્ક્રીમ મળી જશે. ચાર વર્ષ નો દીકરો તો વાત સાંભળી ને ખુશ થઇ ગયો. અને દોડી ને ઘર ની બહાર આવ્યો. એક આઈસ્ક્રીમ લીધી.

અને એક હગ આપ્યું અને તે ખુશ ખુશ થઇ ગયો. હવે આ રોજ નું થઇ ગયું. છોકરો રોજ એક આઈસ્ક્રીમ લઇ જતો અને એક હગ આપી જતો. થોડા દિવસ પછી તે છોકરો અચાનક આવતો બંધ થઇ ગયો. અને હવે તો તે બારીએ થી પણ નજર આવતો નહિ. આઈસ્ક્રીમ વાળા થી રહેવાયું નહિ. આ સ્ટોરી તમે justgujjuthings.com પર વાંચી રહ્યા છો.

અને એક દિવસ તેને ઘર નો દરવાજો ખખડાવ્યો, ત્યારે તે છોકરા ના મમ્મી એ દરવાજો ખોલ્યો. ત્યારે આઇસ્ક્રીમ વાળા એ તેના છોકરા વિશે પૂછતાં તેની મમ્મી એ કહ્યું કે ભાઈ અમે લોકો ગરીબ માણસો છીએ. અમારી પાસે એટલા પૈસા નથી કે અમે તેને રોજ આઈસ્ક્રીમ ખવડાવી શકીયે. પણ તમે તેને મફત માં આઈસ્ક્રીમ ખવડાવતા હતા.

અને જે દિવસ થી મને ખબર પડી ત્યાર થી મને ઘણી શરમ આવી. તમે બહુ સારા માણસ છો. પણ હું મારા દીકરા ને મફત ની આઈસ્ક્રીમ ખાવા દઈશ નહિ. છોકરા ના મમ્મી ની વાત સાંભળી ને આઇસ્ક્રીમવાળા એ તેના મમ્મી ને કહ્યું કે બહેન કોણ કહે છે કે મેં તેને મફત માં આઈસ્ક્રીમ આપી છે?

હું એટલો દયાળુ નથી કે ઉપકાર કરવા વાળો નથી, હું પણ મારો ધંધો લઇ ને બેઠો છું. અને તમારા છોકરા પાસે થી મને જે મળ્યું છે. તેની કિંમત તો મારી આઈસ્ક્રીમ કરતા અનેક ગણી છે. એક છોકરા નો નિર્દોષ પ્રેમ મેળવવો તે સોના ના સિક્કા મેળવવા કરતા પણ મૂલ્યવાન છે.

તમે તમારા છોકરા ને બહુ જ સારા સંસ્કાર આપ્યા છે, પણ હું તમને જ પૂછું છું કે મારા અને છોકરા વચ્ચે ના પ્રેમ ની કઈ કિંમત છે કે નહિ? ત્યારે છોકરા ના મમ્મી ની આંખ માં આંસુ આવી ગયા. અને છોકરાને બોલાવ્યો અને છોકરો એકદમ રાજી થઇ ને દોડતો દોડતો મમ્મી પાસે આવ્યો.

ત્યારે મમ્મી એ કહ્યું કે તારે જે આઈસ્ક્રીમ ખાવો હોય તે લઈ આવ અને છોકરો આઇસ્ક્રીમવાળા ને ભેટી પડ્યો. છોકરા ને આઈસ્ક્રીમ આપી. અને તેના ઘરના દરવાજે તેના મમ્મી પાસે મુક્યો. અને એટલું જ કહ્યું કે મારે તો કોઈ સંતાન નથી. તમારે છે તો તેને ખુશ રાખો. અને તમે પણ ખુશ રહો. હું તો એક આઈસ્ક્રીમ માં પણ તેને ખુશ રાખું છું. અને હું પણ એટલો જ ખુશ થાવ છું.

જો તમને આ સ્ટોરી પસંદ પડી હોય તો દરેક લોકો જોડે શેર કરજો તેમજ કમેન્ટમાં 1 થી 10 ની વચ્ચે રેટિંગ પણ આપજો.