એક સ્ત્રીએ ચોખા વેચવા આવેલા માણસ ને કહ્યું તમે તો લૂંટવા જ બેઠા છો, આટલો બધો ભાવ હોય? તો તે માણસે સામે એવો જવાબ આપ્યો કે તે સ્ત્રી…

શહેરમાં ધનિક લોકો ના વિસ્તાર માં એક શેરી માંથી એક માણસ ચોખા લઇ લો, ચોખા લઇ લો, એવી બૂમ પાડતો હતો. એક ફ્લેટ ના ત્રીજા માળેથી એક બહેને બાલ્કની માં આવી ને કહ્યું કે ઉભો રહે હમણાં આવું છું.

માણસ અત્યંત તાપ માં બહેન ની રાહ જોઈને ઉભો રહ્યો, 5-7 મિનિટ પછી એ બહેન નીચે આવ્યા અને પૂછ્યું કે શું ભાવ છે ચોખા નો? માણસએ કહ્યું કે 40 રૂપિયે કિલો ત્યારે બહેને માણસ ને મોઢું બગાડી કહ્યું કે તમારે તો લૂંટી જ લેવા છે. આટલો ભાવ હોય!!!

તે માણસ સાયકલ ઉપર ત્રણ બોરી ચોખા લઇ ને નીકળો હતો. પરસેવા થી નીતરતો હતો માણસ એ કહ્યું કે બહેન હું આના થી ઓછા ભાવે નહિ વહેંચી શકું, તમારે કેટલા ચોખા જોઈએ છે કહો તો થોડા ઓછા કરી આપું?

બહેને કહ્યું કે મારે દસ કિલો ચોખા જોઈએ છે, બોલો કેટલો ભાવ લગાવશો? ત્યારે માણસ એ કહ્યું કે તમે વીસ રૂપિયા ઓછા આપજો ચાલો લઇ લો. તમને ખબર છે ચોખા ની ખેતી અમે કરીએ, ત્યારે ચાર ચાર મહિના સુધી રખેવાળી કરવી પડે. એટલું પાણી પાવું પડે. રાત દિવસ અમે મજૂરી કરીએ છતાં પણ પાક બગડી ના જાય એનો ભય તો અમારા પર સતત અને સતત રહે છે.

અને ક્યારેક તો પાક તૈયાર થઇ અને બજાર માં મફત ના ભાવ માં વેંચવું પડે. ચાર મહિના પરસેવો પાડ્યા પછી પણ અમારી પાછળ કશું વધે નહિ તો અમારે અમારા પરિવાર નું ગુજરાન કેમ કરી ને ચલાવવું?

આવી પરિસ્થિતિ માં તો ખેડૂતો ને માથે દેવું થઇ જાય અને જમીન પણ વહેંચવી પડે છે. અમારી પાસે તમારા જેવા ફ્લેટ કે બંગલા નથી. બીપી ખેતરમાં ઝોપડી માં અમે આખો પરિવાર રહીએ છીએ અને ખેતરમાં જ મજૂરી કરીએ છીએ. આ સ્ટોરી તમે justgujjuthings.com પર વાંચી રહ્યા છો.

ત્યારે બહેને કહ્યું કે શોપિંગ મોલ માં 38 ના ભાવ માં મળે છે. તમે મને તે ભાવ કીધો એટલે હું તમારી પાસેથી લઇ રહી છું. ત્યારે તે ખેડૂતે કહ્યું કે બહેન તમે મોલમાંથી ખરીદી કરો છો એવી જ રીતે મોટી મોટી હોટલમાં જઇને આજ ચોખામાંથી અરે આવા પણ નહીં કદાચ આનાથી પણ સસ્તા ચોખામાંથી બનેલી બિરયાની તમે 700-800 રૂપિયા કિલો ખરીદીને આવો છો અથવા ત્યાં જમો છો.

પરંતુ તમને મારા ચોખા મોંઘા લાગે છે જ્યારે એ બધું તમને સસ્તું લાગે છે, અમારી ઉગાડેલી વસ્તુઓના તમે કેટલા ભાવ આપો છો એ બધી ખબર હવે અમને પડી ગઈ છે. તમે લોકો જે મરચું એક કિલોના ચારસો રૂપિયા આપીને ખરીદો છો તે અમારી પાસેથી સો રૂપિયામાં ખરીદવામાં આવતું હોય છે.

ખેડૂતો ચોખા થેલીમાં બાંધી આપ્યા અને બહેન ને આપ્યા એટલે બહેને કહ્યું કે તમને હું ઉપર જઈને પૈસા આપું છું. સાથે કહ્યું કે ભાઈ તમે ભણેલા હોય એવું લાગી રહ્યું છે? બસ આ શબ્દો બોલ્યા અને ખેડૂતના આંખમાંથી આંસુ આવી ગયા અને કહ્યું કે મને ભણાવવા માં મારા પિતાજી એ ખુબ જ ભોગ આપ્યો છે. અને આખી જિંદગી ની બચત મારા ભણવા પાછળ કોલેજ ની ફી અને હોસ્ટેલ ના ખર્ચ માં વાપરી નાખી છે.

અને હવે મને ક્યાંય નોકરી મળતી નથી એટલે હું મારા જ ખેતર માં મજુર બની અને ખેતી કરું છું. પિતાજી પણ કામ કરાવે છે પણ હવે તેનું શરીર જેટલો સાથ દે એટલું કરે છે. નોકરી માં લાગવગ હોય તો રાખે અને અથવા ઉપર ના અધિકારી ને ખુશ કરો તો રાખે.

હવે અમારી પાસે આવી કોઈ ઓળખાણ નથી કે કોઈ ને ખુશ કરી શકાય, એટલા રૂપિયા પણ નથી. એટલે મારા જેવા ને આ કામ કે જે બાપ દાદા ના જમાના થી અમે કરતા આવ્યા છીએ એ જ કરવાનું આવ્યું. આ સ્ટોરી તમે justgujjuthings.com પર વાંચી રહ્યા છો.

પિતાજી એ તો મારા માટે સપનું જોયું હતું કે દીકરા ને ભણાવી ગણાવી ને સરકારી નોકરી માં લગાવી દેવો છે. જેથી જે મજૂરી મેં આખી જિંદગી કરી તે મારે કરવી નો પડે અને મારી પાછળ આખી જિંદગી ની કમાણી લગાવી દીધી.

બહેન આખી વાત સાંભળીને ભાવુક થઈ ગયા તરત જ ખેડૂતને કહ્યું કે તમારી સાઈકલ અહીં નીચે પ્લેટમાં રાખી દો અને થેલી લઈને ઉપર આવો, તેની પાસે જેટલા ચોખા હતા તે બધા ચોખા 40 રૂપિયાના ભાવથી ખરીદી લીધા અને સગા ભાઈ જેટલું હેતથી જમાડીને ખેડૂત ને વિદાય આપી.

સાથે કહ્યું કે હવે કોઇપણ નાનો માણસ કંઈ પણ વેચવા આવશે તો હું જીવનભર તેની પાસે કિંમત ઓછી નહીં કરાવું અને તેને પૂરતો સહકાર આપવાની કોશિશ કરીશ. ખેડૂત પણ તેને નમસ્કાર કરીને ફરી પાછો નીચે જતો રહ્યો.

જો આ સ્ટોરી તમને પસંદ પડી હોય તો દરેક લોકો જોડે શેર કરજો તેમજ આ સ્ટોરીને કમેન્ટમાં 1 થી 5 ની વચ્ચે રેટિંગ પણ આપજો. આ સ્ટોરી તમે justgujjuthings.com પર વાંચી રહ્યા છો.