એક ખુબ જ પ્રતિષ્ઠિત ઉચ્ચ સરકારી અધિકારી નિવૃત થઈને શહેરના પોશ વિસ્તારમાં રહેવા આવ્યા, થોડા જ દિવસો પછી તેની સાથે એવું થયું કે...

શહેર ના એક પોશ વિસ્તાર માં એક ઉચ્ચ સરકારી અધિકારી નિવૃત થઇ ને રહેવા માટે આવ્યા હતા. અને તે હોદા પર હતા ત્યારે તેના હાથ માં જે પાવર હતો. જેથી તેને બધા ની સાથે જે વર્તન કરવાની આદત હતી.

અને બધા લોકો ની સાથે તિરસ્કાર ભરી નજરે જોતા. તેના આવા વર્તનથી પાડોશી સાથે કોઈ જાત નો સંબંધ બનાવી શક્યા નહોતા. પોતે એકલા એકલા ઘરે થી કંટાળી જાય, ત્યારે ઘર પાસે આવેલા બગીચા માં લટાર મારવા નીકળી પડતા.

પરંતુ સામાન્ય માણસો ને કીડા મકોડા ની જેમ જ રાખવા ટેવાયેલા હતા, કોઈ ની સાથે હળી મળી ને વાત પણ કરતા નહિ. આમ પણ માણસો પાસે રૂપિયા આવે, નોકરી માં ઉચ્ચ હોદા આવે, કે તેના હાથ માં સત્તા આવે, ત્યારે તેનો નશો ચડી જતો હોય છે. અને પોતાને મન ફાવે તેવું વર્તન કરવા લાગે છે.

એક દિવસ એક વડીલ બગીચા માં બેઠા હતા. ત્યારે તેની સાથે વાત કરવા માટે બેસી ગયા. અને પોતે જયારે નોકરી પર હતા, ત્યારે તેના હાથમાં સતાનો પાવર હતો. તેની જ વાતચિત કરતા રહેતા. અને પોતાની બડાશ હાંકતા. અને કહેતા કે હું આ શહેરમાં મજબૂરી થી આવી ગયો છું. આ સ્ટોરી તમે justgujjuthings.com પર વાંચી રહ્યા છો.

મારે માટે તો મુંબઈ કે દિલ્હી જેવા શહેર જ યોગ્ય કહેવાય, અને તે વડીલ તેની બધી વાત સાંભળતા રહેતા. પરંતુ રોજેરોજ ની આ બડાશ ની વાત સાંભળી ને એક દિવસ એ વડીલે કહ્યું કે તમારે ત્યાં બલ્બ ઉડી જાય ત્યારે તમે તે જુવો છો કે તે કેટલા વોટ નો હતો? તે કઈ કંપની ની બનાવટ નો હતો?

અને તે કેટલો પ્રકાશ આપતો હતો? બલ્બ જયારે ઉડી જાય ત્યારે આ બધી વાત નું કોઈ મહત્વ નથી હોતું. તેને સીધો કચરા ટોપલી માં નાખી દેવામાં આવે છે. ત્યારે એ વડીલ ની વાત માં નિવૃત અધિકારી એ સહમતી બતાવી, ત્યારે વડીલે કહ્યું કે આપણે બધા પણ ઉડી ગયેલા બલ્બ જ છીએ.

આપણે બધા જયારે કામ કરતા હતા. ત્યારે બધા ની પાસે નાનો કે મોટો હોદ્દો હતો. ત્યારે આપણે રુઆબ થી જીવતા હતા, પરંતુ હવે એ બધી વાત નું કોઈ મહત્વ નથી રહેતું. હું આ સોસાયટી માં ઘણા વર્ષો થી રહી રહ્યો છું. પણ મેં આજ સુધી કોઈ ને એ બતાવ્યું નથી, કે હું બે વખત સંસદ સભ્ય રહી ચુક્યો છું.

અને આપણી સામે ગાર્ડન માં જે વડીલો બેઠા છે, એ તમારા થી પણ ઉચ્ચ હોદ્દા પર થી નિવૃત થઇ ને અહીંયા આજુબાજુ ની સોસાયટી માં રહે છે. અને આ બધા ઉડી ગયેલા બલ્બ જ છે. અને થોડા ઉંચા કે નીચા હોદ્દા હોય પણ અહીંયા તો બધા એક સરખા જ છે, પછી ઝીરો વોટ નો હોય કે પાંચસો વોટ નો હોય. આ સ્ટોરી તમે justgujjuthings.com પર વાંચી રહ્યા છો.

તમે તમારા ઘર ની બહાર જેમ તમારા હોદા નું વર્ણન કરતુ બોર્ડ લગાવેલું છે. તેમ આ બધા લગાવે તો તમને ખબર પડે કે તમારા કરતા પણ મોટા હોદા ના માણસો કેવી સરળતા અને બધા ની સાથે પ્રેમ થી રહે છે. અને હવે તે બધા હોદા નું મહત્વ પણ શું જેની આગળ નિવૃત લગાડવું પડે!

જયારે તમે હોદા પર હતા, ત્યારે તમારા હોદા કરતા વધારે મહત્વનું એ હતું કે તમારી પાસે આવતા માણસોની સાથે તમે કેવું વર્તન કર્યું, તમે તેને કેટલા કામ કરી આપ્યા. તમે સમાજ ને શું કામ માં આવ્યા. અને કેટલા મિત્રો બનાવ્યા કે પછી ઉદાસ ચહેરે ટેબલ ઉપર બેસી ને જનતા પર રોફ જ જમાવ્યો.

જો કે તમે કોઈ ની સાથે હસી ને વાત પણ કરી હોય તેવું મને લાગતું નથી, જે રીતે તમે સોસાયટી માં રહો છો. અને અહીંયા પણ તમને સામાન્ય માણસો ને નફરત કરતા હોય તેવું વર્તન કરો છો. પરંતુ તમે જો ડ્યૂટી પર બધાની સાથે સારા સંબંધ બનાવ્યા હોય. અને પ્રેમ થી વર્તન કર્યું હોય. આ સ્ટોરી તમે justgujjuthings.com પર વાંચી રહ્યા છો.

તો આજે તમે જે એકલતા ભર્યું જીવન જીવી રહ્યા છો, તેના બદલે લોકો તમને હળવા મળવા આવતા હોય. અને તમને પણ પોતાના ઘરે કે ઓફિસ બોલાવતા હોય, અને બધા માં ભળી ગયા હોય. તો તમે પણ પ્રેમ અને શાંતિ થી બધા ની સાથે રહેતા હોય.

બાકી દરેક ને એક દિવસ તો ઉડી ગયેલા બલ્બ થવાનું જ છે પણ ત્યારે બધાની સાથે કરેલું આપણું વર્તન જ આપણી સામે આવવાનું છે.

જો આ સ્ટોરી તમને પસંદ પડી હોય તો દરેક લોકો સાથે શેર કરજો, તેમજ આ સ્ટોરી ને કમેન્ટ માં 1 થી 10 ની વચ્ચે રેટિંગ પણ આપજો.