વર્ષો પહેલાની વાત છે, ગર્લ્સ સ્કૂલ હતી. અને તે દિવસે સ્કૂલમાં કોઈ પ્રતિષ્ઠિત વ્યક્તિ આવવાનું હતું, કોણ આવવાનું હતું તેના વિશે બધા લોકો ચર્ચાઓ કરી રહ્યા હતા. મહિલા સબ ડિવિઝનલ મેજિસ્ટ્રેટ આવવાના હતા, બધી છોકરીઓ પણ એકદમ ખુશ થઈ ગઈ હતી કારણકે આ એસડીએમ મહિલા એસડીએમ હતા. અને તેનામાંથી ઘણું બધું જાણવા મળશે એટલે બધી છોકરીઓ ઉત્સાહિત પણ હતી.
બધી છોકરીઓ એકબીજા સાથે એસડીએમ ના આવવા વિશે ચર્ચાઓ કરી રહી હતી, એવામાં છેલ્લી બેંચ પર એક છોકરી જાણે વિચાર મગ્ન થઈને તેની બોલપેન અને તેના ઢાંકણા સાથે રમી રહી હતી.
સ્કુલમાં આજે કોણ આવવાનું છે તેની ચર્ચા તો ઠીક પરંતુ શું કામ આવી રહ્યું છે તેની પણ ચર્ચા કોઈ સાથે કરી રહી નહોતી. તે માત્ર છેલ્લી બેંચ પર બેઠા બેઠા પોતાના માં જ જાણે મગ્ન હતી. એ છોકરી નું નામ હતું ક્રિષ્ના.
સ્કૂલ જ્યાં આવેલી હતી ત્યાંથી તેનું ગામડું લગભગ થોડું જ દૂર હશે. ક્રિષ્ના એ ગામડાની એક ખેડૂત ની દીકરી હતી. ત્યાંથી તેના ગામડા નું અંતર ખૂબ નજીક તો નહોતું પણ ૪ થી ૫ કિલોમીટર જેટલું હશે, દરરોજ સવારે સાઇકલ લઇને તે આવતી હતી.
સ્કૂલમાં બીજી બધી છોકરીઓ સાથે તેને વધારે પડતું ફાવતું નહીં, કારણ કે બીજી બધી છોકરીઓ જેટલા તે લોકો પૈસાદાર ન હતા, પરંતુ તેમાં ક્રિષ્ના તો શું વાંક?
તેની જિંદગી પહેલાથી જ જાણે નક્કી હતી. ઇન્ટરમિડીયેટ પતી જાય પછી આગળ ભણી શકે તેમ ન હતી કારણકે તેના પિતાએ કહ્યું હતું કે તેની પાસે એકઠા કરેલા પૈસા છે તે લગ્નમાં વાપરી શકે અથવા પછી આગળના ભણવામાં.
ક્રિષ્નાના પરિવારમાંથી કોઇ પણ મેટ્રિક થી વધારે ભણેલું ન હતું, અને તે પણ તેના ક્લાસમાં બેઠી બેઠી એ જ વિચારી રહી હતી કે આ તેનો છેલ્લો ક્લાસ છે અને હવે બસ તેના લગ્ન કરી દેવામાં આવશે. કદાચ આને આ જ વિચારો તેને સપના જોવાથી પણ રોકી રહ્યા હતા. અને એટલા જ માટે જે રીતે બધી છોકરીઓ ઉત્સાહિત હતી તે રીતે એસડીએમ સ્કૂલમાં આવવાના છે તેની ખુશી ક્રિષ્ના ને કોઇ પ્રકારની નહોતી.
થોડા સમય પછી સ્કૂલમાં એસડીએમ આવી, લગભગ ૨૪ થી 25 વર્ષની છોકરી તેની સાથે ચાર પોલીસકર્મીઓ અને સરકારી ગાડીમાં આવ્યા હતા.
અંદાજે બે કલાકના કાર્યક્રમ પછી મહિલા એસડીએમ તો ચાલ્યા ગયા પરંતુ ક્રિષ્ના ના દિલમાં જાણે મોટો ફેરફાર થઈ ગયો, તે જે જિંદગીને સમજી ને બેઠી હતી એ જ જિંદગી હવે તેને સારી લાગવા લાગી હતી. હવે તેના મનમાં નવા નવા સપનાઓ પણ આવતા હતા.
ઘરે ગયા પછી તે રાત્રિના તેને ઊંઘ પણ ન આવી,સ્કૂલમાં પણ તે સતત એ જ વિચારમાં રહ્યા કરતી કે હવે આગળ હું શું કરું?
ક્રિષ્ના હવે ઉડવા માંગતી હતી પરંતુ બીજી બાજુ તેને ઘરની પરિસ્થિતિ પણ તેના સપના અને તેની મંઝિલ ની વચ્ચે આવીને ઊભી રહી હતી, ખૂબ જ વિચાર્યા પછી બીજા દિવસે ઘરે જઈને તેને મમ્મી પપ્પા ને બધું કહી દીધું.
તેના પિતાએ તેને બેટી અને કહ્યું કે મારી પાસે જે જમીન પડી છે તે જમીનની કિંમત આશરે એક લાખ રૂપિયા જેટલી છે. તેને તે જમીન ક્રિષ્ના ના લગ્ન માટે રાખી હતી.
પછી તેના પિતાએ તેને કહ્યું કે તેઓ એક જ વસ્તુ પૂરી કરી શકે છે, જેમાં અથવા તો ક્રિષ્ના ના લગ્ન થાય અથવા પછી તેના સપના પૂરા થાય.
ક્રિષ્ના એ બહુ વિચાર્યા પછી તેના સપના પૂરા કરવાનું વિચાર્યું અને નિર્ણય લીધો.