એક ભાઈએ લારીવાળા સાથે ખોટું કર્યું, થોડા જ દિવસોમાં તેની સાથે એવું થયું કે તે તરત જ...

એક ગરીબ વ્યક્તિ ફળ ની લારી ચલાવતો. લારી માટે તેનો ઘરનું ગુજરાન માંડ માંડ ચાલતું. અને ખર્ચ થયા પછી જો કોઇ પણ પૈસાની બચત થઈ હોય તો તરત જ તેના પરિવારને ગામડે મોકલાવી દેતો. વાત વર્ષો પહેલાની છે જ્યારે નોટ બંધી કરવામાં આવી હતી, નોટ બંધી થયા પછી આ વ્યક્તિ ની લારી ઉપર માણસો ઘણી વખત પાછા જતા માત્ર એટલા માટે કે તેઓ પાસે મોટી નોટ હોય અને આ વ્યક્તિ પાસે છુટ્ટા ના હોય. આ સ્ટોરી તમે justgujjuthings.com પર વાંચી રહ્યા છો.

થોડા જ દિવસો પછી કોઈએ તેને સજેશન આપ્યું કે ભાઈ તમે ઓનલાઇન પેમેન્ટ શું કામ નથી સ્વીકારતા, તે વ્યક્તિએ કહ્યું મારી પાસે મોબાઇલ નથી સાહેબ બેંકમાં ખાતું છે પરંતુ એ માટે મોબાઈલ હોવો જોઈએ એ મારી પાસે નથી અમારા ઘરમાં માત્ર એક જ મોબાઇલ છે જે મોબાઇલ ગામડે પડ્યો હોય છે.

હું અહીં શહેરમાં રહું છું અને આમાંથી જે પણ કમાણી થાય તેમાંથી મારુ ઘર ચલાવું છું અને બચત થાય એ ગામડે મોકલી દઉં છું. થોડા જ સમય પછી એક વ્યક્તિએ તેને આવીને કહ્યું ભાઈ આ રીતે તમે બેન્કમાં ખાતું હોય તો online પેમેન્ટ સ્વીકારી શકો છો.

તેને ઓનલાઈન પેમેન્ટ સ્વીકારવાનું ચાલુ કર્યું, હવે પહેલા કરતા જે લોકો કઈ વસ્તુ લીધા વગર પાછા જઈ રહ્યા હતા તે લોકો કદાચ એક ફળ લેવા આવ્યા હોય તો સાથે બીજું પણ લઈને જતા અને online પૈસા આપી દેતા. થોડા દિવસો પછી એક ગ્રાહક તેની લારી ઉપર આવ્યો અને તેને કહ્યું મને એક સારું તરબૂચ આપો.

તેને તરબૂચ આપી અને ભાવ કહ્યું ત્યારે તે ગ્રાહક એ લારીવાળા ભાઈને કહ્યું ભાઈ મારી પાસે પૈસા નથી હું તમને ઓનલાઇન પેમેન્ટ કરી દઉં છું. એમ કહીને થોડા સમય મોબાઈલ માં કંઈક કર્યું અને સામે લારી વાળા ભાઈને જોઈને કહ્યું ભાઇ પેમેન્ટ કરી દીધું છે જોઈ લેજો, એટલે લારીવાળાએ કહ્યું કાંઈ વાંધો નહીં સાહેબ તમે પૈસા આપી દીધા છે તો મને મળી જ ગયા હશે પરંતુ હું જોઈ નહી શકું કારણકે અમારો એક જ મોબાઇલ છે જે મારા ગામડે પડ્યો છે. એટલે હું દર રવિવારે ગામડે જવું છું ત્યારે મારે વાત થઇ જશે.

આ સાંભળીને પેલો ગ્રાહક ત્યાંથી જતો રહ્યો, ધીમે ધીમે દિવસો વિતતા ગયા એ ગ્રાહક દરરોજ આવે અને એને જોતા હોય એટલા તરબુચ લઈ જાય. એ ગ્રાહક હવે દરરોજ આવવા લાગ્યો અને ત્યાંથી દરરોજ તરબૂચ લઈ જાય અને પૈસા ઓનલાઇન જમા કરાવી આપે.

એક દિવસની વાત છે જ્યારે એ ગ્રાહક દરરોજની જેમ પાછો આજે તરબૂચ લેવા આવ્યો હતો, તરબૂચ લીધું અને મોબાઇલની સ્ક્રીન લારી વાળા ભાઈને બતાવીને કહ્યું ભાઇ પેમેન્ટ મોકલી દીધું છે, તે ભાઈએ કહ્યું ઠીક છે અને તે ગ્રાહક ત્યાંથી રવાના થઈ ગયો પરંતુ આજે એ લારી ઉપર બીજો ગ્રાહક પણ ઉભો હતો જેને આ ગ્રાહકને જોયું કે તેને ઓનલાઈન પેમેન્ટ કર્યું જ નથી માત્ર સ્ક્રીનશોટ દેખાડીને કહ્યું કે ભાઈ પેમેન્ટ થઈ ગયું.

એટલે તે ગ્રાહક એ લારી વાળા ભાઈને કહ્યું અરે ભાઈ તમને પૈસા મોકલ્યા જ નથી, એ ભાઈ એ તો માત્ર તમને ફોટો દેખાડ્યો છે તમારા ખાતામાં પૈસા જમા જ નહીં થયા હોય તમે જોઈ લો...

એટલે લારીવાળાએ કહ્યું મને ખબર છે મારા ખાતામાં પૈસા નથી આવ્યા મારો મોબાઇલ અહીં નથી અમારા ગામડે પડ્યો છે પરંતુ આ ભાઈ દસ દિવસ પહેલાં જ્યારે પહેલી વખત તરબૂચ લેવા આવ્યા હતા ત્યારે તેઓએ મને ઓનલાઇન પેમેન્ટ મોકલ્યું હતું... અને ચેક કરવા માટે કહ્યું હતું હું ત્રણ દિવસ પછી રવિવારે ગામડે જઈને મોબાઈલ ચેક કર્યો તો તેમાં તે ભાઈનું કોઈ જ પેમેન્ટ આવ્યું ન હતું.

મને ત્યારે જ ખબર પડી ગઈ કે આ ભાઈએ કોઈ જ પેમેન્ટ કર્યું નથી, અને આ ભાઈ દસ દિવસથી દરરોજ તરબૂચ લઈ જાય છે પરંતુ મને એવું લાગ્યું કે ભાઈની કંઈક મજબૂરી હશે તો જ આવું ખોટું કરતા હશે, ત્યારે પહેલો ગ્રાહક થોડો અસ્વસ્થ થઈ ગયો અને કહ્યું અરે ભાઈ તમારે આવી રીતે ખબર હોવા છતાં તરબૂચ થોડી આપી દેવાય... આ સ્ટોરી તમે justgujjuthings.com પર વાંચી રહ્યા છો.

ત્યારે તે લારીવાળાએ જવાબ આપતા કહ્યું સાહેબ હું વર્ષોથી જોતો આવ્યો છું કે ભગવાન જેવો ન્યાય કરે છે તેવો ન્યાય કોઈ પણ કરતું નથી, આપણે તો સામાન્ય માણસો છીએ આપણે કશું ન કરી શકીએ... એ ભાઈ દરરોજ મારી પાસેથી તરબૂચ લઈ જાય છે એમ જાણીને કે આજુબાજુ માંથી કોઈ જોતું નથી અને ભાઈ ને પણ ખબર પડતી નથી પરંતુ એ ભાઈ ને એ નથી ખબર કે ઉપરવાળો બધું જુએ છે અને હકીકતમાં ઉપરવાળાનો ન્યાય થાય ત્યારે એકદમ બરાબર ન્યાય થાય છે.

પેલો ગ્રાહક પણ ત્યાંથી લારીવાળાને ગર્વ ની નજરે જોઈને જતો રહ્યો, ત્યાર પછી લગભગ થોડા દિવસ સુધી ફરી પાછો જુનો ગ્રાહક તે લારીમાંથી રોજ તરબુચ લઈ જતો. એક દિવસ ત્યાં આવ્યો અને પોતાના ખિસ્સામાં હાથ નાખીને ઘણા બધા રૂપિયા તે લારીવાળાને આપ્યા. અને કહ્યું ભાઈ માફ કરી દેજે પરંતુ હું તારી પાસેથી તરબૂચ લઈ જતો તેના પૈસા ક્યારે ઓનલાઇન ટ્રાન્સફર કર્યા જ નથી.

લારીવાળાને આ વાતની ખબર હોવા છતાં તેને અજાણ બની ને કહ્યું અરે ભાઈ તો તમે આવું કેમ કર્યું? અને આજે અચાનક આટલા બધા રૂપિયા એક સાથે કેમ આપવા આવ્યા? ત્યારે પહેલા વ્યક્તિ એ જવાબ આપ્યો કે ભાઈ સાચું કહું તો મને બે દિવસ પહેલા એવો અનુભવ થયો જે આજ સુધી ક્યારેય નથી થયો, હું રસ્તામાં જઈ રહ્યો હતો અને અચાનક જ મને ફોન આવ્યો મેં ફોન ઉપાડ્યો તો મારા પત્ની નો ફોન હતો તેને કહ્યું મમ્મી ને જરા હાથ માં વાગી ગયું છે તમે ઝડપથી તેઓને હોસ્પિટલે લઈ જાઓ, એટલે હું મારી માતા ને લઈને હોસ્પિટલે જઈ રહ્યો હતો ત્યારે મને માતાએ જે શબ્દો કીધા એ શબ્દો હું આજે પણ નથી ભૂલી શકયો...

માતાને થોડું લોહી નીકળી રહ્યું હતું અને હાથમાં દુખતું પણ હતું એટલે રસ્તામાં જતા જતા તેઓ બોલી રહ્યા હતા હે ભગવાન મને આવું શું કામ થયું, મેં ક્યાં કોઈનું કાંઈ બગાડ્યું છે તો મારી સાથે આવું થાય છે? બસ આ વાક્ય સાંભળીને મારું બાઈક થંભી ગયું તરત જ મેં તમારી સાથે કરેલા અન્યાય ને યાદ કર્યો ઝડપથી હોસ્પિટલ જઈને મમ્મીને ડ્રેસિંગ કરાવી આપ્યું અને ભગવાનની કૃપાથી તેઓનો હાથમાં બીજી કોઈ મોટી ઈજા ન હોવાથી બે જ દિવસમાં સારું પણ થઈ ગયું પરંતુ મમ્મીના એ શબ્દો મારા મનમાં ઊંડી છાપ છોડી ગયા.

એટલે હું તમને આ બધા પૈસા પાછા આપવા માટે આવ્યો છું અને મહેરબાની કરીને મને માફ કરી દો, લારીવાળા ભાઈ એ પણ તેને બધી વાત કરી અને કહ્યું ભાઈ તમારો ખુબ ખુબ આભાર હવે તમે મને આટલા પૈસા એક સાથે આપ્યા છે તો એ પૈસામાંથી હું આવતી કાલે ગામડે જઈશ ત્યારે બાળકો માટે કંઈક નવી વસ્તુ લઈને જઈશ.

ત્યારે તે ગ્રાહક એ કહ્યું અરે ભાઈ એને કંઈ જરૂર નથી કારણકે હું થોડી બીજી ભેટ લઈને આવ્યો છું મને થોડા જ દિવસોમાં ખબર પડી ગઈ કે ભગવાન નો ન્યાય કેવો હોય છે... એટલે આ ભેટ લઈને જ તમે તમારા ઘરે જજો. આ સ્ટોરી તમે justgujjuthings.com પર વાંચી રહ્યા છો.

આ સ્ટોરી તમને કેવી લાગી તે કમેન્ટ કરીને અચૂક જણાવજો, તેમજ આ સ્ટોરી ને દરેક લોકો જોડે શેર કરજો...