દાદીએ દીકરા દીકરી સાથે મોટી હોટલમાં જમવાની જીદ કરી તો જમવા ગયા,જમીને બિલ આવ્યું તો દાદીએ કહ્યું...

આ વાત એક મધ્યમ વર્ગ ના દાદીમા ની છે જે શહેર માં તેના પૌત્ર અમિત અને પૌત્રી સરોજ સાથે રહેતા હતા. અમિત ખાનગી શાળા માં નોકરી કરતો હતો અને સરોજ અભ્યાસ કરતી હતી. બંને ના માતા પિતા ગામડે ખેતીવાડી નું કામ સંભાળતા હતા. અમિત, સરોજ પોતાના કામમાંથી સમય કાઢી ને દાદી પાસે બેસી શકે તેવી અનુકૂળતા રહેતી નહિ, રવિવાર ની રજા માં ઘર ના વધારાના કામ માં દાદી ને મદદ કરતા. આ સ્ટોરી તમે justgujjuthings.com પર વાંચી રહ્યા છો.

દાદી ને પોતાના બંને પૌત્ર પૌત્રી પોતાની સાથે સમય પસાર કરે તેવી બહુ ઈચ્છા થતી. પરંતુ અમિત સરોજની પાસે આખા અઠવાડિયા માં રવિવાર સિવાય સમય રહેતો નહિ.

ક્યારેક રવિવારે ભાઈ બહેન કોઈ હોટેલ માં જમવા જતા તો ક્યારેક પૈસા ની ખેંચ હોઈ તો ન પણ જાય અને ઘરે જ જમી લેતા. એક વખત દાદી એ કીધું કે મને પણ તમારી સાથે હોટેલ માં લઇ જાવ ત્યારે ભાઈ બહેન એકબીજા ની સામે જોવા મંડ્યા કે પૈસા ની ખેંચ ચાલી રહી છે તો દાદી ને કેવી રીતે હોટેલ માં લઇ જવા?

ભાઈ પાસે પુરા પૈસા હતા નહિ ત્યારે બહેન સરોજે કહ્યું કે મારી પાસે થોડી બચત કરેલા પૈસા પડ્યા છે. આપણે બા ને હોટેલ માં લઇ જઇયે ત્યાં આપણે છાસ પાપડ સલાડ તેમજ અન્ય મોંઘી વસ્તુઓ અથવા બિનજરૂરી વસ્તુઓ નહીં મંગાવિએ પણ બાની હોટેલમાં જવાની ઇચ્છા છે તો તે આપણે પૂરી કરીએ.

બા ને કીધું કે ચાલો આપણે આજે હોટેલ માં જમવા જઈશું. એમ કહેતા ની સાથે તો બા ખુશ-ખુશાલ થઇ ગયા અને નવા કપડાં પહેરી ને તૈયાર થઇ ગયા જાણે કોઈ ના લગ્ન માં જવાનું હોઈ! બા નો હરખ સમાતો નહતો. ત્રણેય હોટલ માં જવા નીકળ્યા રસ્તામાં હોટેલ આવી ત્યાં જવાનું કીધું એટલે બા કહે મારે આવી હોટેલ માં નથી જમવું... આગળ ચાલ કોઈ મોટી હોટેલ માં જઇએ.

ભાઈ બહેન તો મુંજાઈ ગયા કે બા નું શું કરવું!! પણ બા ની જીદ સામે કઈ બોલી શકયા નહીં. થોડા આગળ જતા મોટી હોટેલ આવી જેને જોતા બા બોલ્યા કે આપણે આ હોટેલ માં જમવા જવું છે.

અને અંદર ભાઈ બહેન ને લઇ ને ગયા, ભાઈ બહેન એક બીજા સૌ જુએ કે આપણે બંને પૈસા ભેગા કરીયે તો એક વ્યક્તિ નું બિલ ચૂકવી શકીએ એમ છીએ પણ જે થશે તે જોયું જશે એમ કહી ને મન મનાવ્યું. વેઈટર પાણી નો ગ્લાસ લઇ ને આવ્યો અને શું લાવું તેમ પૂછતાં બા એ જ સીધો જવાબ આપ્યો કે અમે ચાલી ને આવ્યા છીએ થોડી વાર પછી અમે નક્કી કરી ને કહીશું. આ સ્ટોરી તમે justgujjuthings.com પર વાંચી રહ્યા છો.

આમ ને આમ બા એ એક કલાક નો સમય કાઢી ને બંને સાથે ખુબ ગપ્પા માર્યા, અવનવી વાતો કરી. બંને લોકોની નોકરી-ભણતર કેવું ચાલી રહ્યુ છે તેનું પૂછ્યું વગેરે અનેક વસ્તુઓ ઉપર ચર્ચા કરી વચ્ચે બે વખત તો ફરી પાણી મંગાવ્યું એક કલાક પછી વેઈટરને બોલાવી ને બા એ મોંઘા ભાવની ત્રણ થાળી મંગાવી સાથે મીઠાઈ અને આઈસક્રીમ પણ મંગાવ્યા. ત્રણેય ખુબ જ મજા કરી ને જમ્યા, હવે બિલ આવવાનું બાકી હતું બંને ભાઈ બહેન પોતાના ખિસ્સા માં રહેલા પૈસા ભેગા કરી ને ગણતા હતા ત્યાં બિલ આવી ગયું.

હજુ કોઈ બિલ ચૂકવવા માટે હાથ આગળ કરે તે પહેલા બા એ બિલ લઇ ને પોતાના પાસે રહેલા પૈસા માંથી બિલ ચૂકવી દીધું અને ભાઈ બહેન ને કીધું કે તમે બંને મારી સાથે આ બે ત્રણ કલાક રહો એટલા માટે તમારી સાથે હોટેલ માં આવવાની જીદ કરી હતી તમે લોકો નવી પેઢી ના જુવાનિયાઓની પાસે અમારા જેવા વડીલો સાથે રોજ પંદર-વીસ મિનિટ પણ બેસવા નો સમય નથી હોતો.

અને એટલા માટે જ આજે મારે આવી રીતનું બહાનું બનાવું પડ્યું. અમને પણ સંતોષ થાય કે અમે અમારા સંતાનો પૌત્રો સાથે બેસી ને આનંદ કર્યો. આમ બોલતા જ બા ના ચહેરા ઉપર સંતોષ થયાનો ઝગમગાટ છવાઈ ગયો. આ સ્ટોરી તમે justgujjuthings.com પર વાંચી રહ્યા છો.

આપણા ઘર માં રહેતા વૃદ્ધો - વડીલો ને આપણે પણ આવી રીતે ભલે આપણે થોડો સમય આપી એ અને તેની પાસે થી આપણી કોઈ પણ બાબતની સલાહ સૂચન લઈએ તો તેને માન - સન્માન આપ્યું કહેવાય અને આપણા વડીલો સાથેની લાગણી આશીર્વાદ મેળવતા રહીએ તો વડીલો ના પાછળના સમય નું જીવન આનંદમય બની રહેશે.