દાદાને દરરોજ પૂજા કરતા જોઈને એક દિવસ પૌત્રી દાદાની જગ્યાએ બેસી પૂજા કરવા લાગી, થોડી વાર પછી દાદા આવ્યા તો તે પૌત્રી જે બોલી રહી હતી તે સાંભળીને…

અરવિંદભાઈએ ખૂબ જ વૈભવશાળી મકાનમાં પરિવાર સાથે રહેતા હતા. પરિવારમાં તેની પત્ની, તેનો એક દીકરો, વહુ અને એક પૌત્રી એમ કુલ મળીને પાંચ સભ્યો રહેતા હતા.

અરવિંદભાઈ ની પૌત્રી અવની દાદાની ખૂબ જ વહાલી હતી, અને એટલા માટે જ જ્યારે પણ સમય મળે ત્યારે તે દાદા સાથે જ રમવાનું પસંદ કરતી.ખાસ કરીને તેના દાદા જ્યારે સવારે પૂજા કરવા માટે મંદિરમાં જતા ત્યારે કાયમ અવની તેને પૂજા કરતા જોવે અને કાયમ અવની ને મનમાં વિચાર આવતો કે તે પણ પૂજા કરે.

પરંતુ દાદાજી સવારે ત્યાં હાજર હોય એટલે પૂજા કરવાનો મોકો અવની ને મળતો નહીં. એક દિવસ સવારે દાદા ની તબિયત જરા નરમ હોવાથી સ્નાનાદિ કાર્ય પુરા કરીને તૈયાર થવામાં થોડું મોડું થઈ ગયું. અવની ને જાણે આ સમયે મંદિરમાં પૂજા કરવાનો મોકો મળી ગયો.

આ મોકાનો લાભ લઈને તેને મંદિરમાં પૂજા ચાલુ કરી દીધી, અવની એક પછી એક દરરોજ જેમ દાદા પૂજા કરતા એમ પૂજા કરવા લાગી, દાદા પણ તૈયાર થઈને મંદિરના રૂમ પાસે આવ્યા, પરંતુ અંદરથી અવનીનો અવાજ આવતો હોવાથી દાદાએ જોયું કે અંદર અવની શું કરી રહી છે?

દાદા મંદિર ના રૂમ ની બહાર જ ઉભા ઉભા અવની ને પૂજા કરતી જોઈ રહ્યા હતા. સૌ પ્રથમ પોતાની જેમ જ દરેક ભગવાનને બધી સામગ્રી વગેરે પધરાવીને પૂજા કરી રહી હતી. સાથે સાથે ભગવાનને પ્રાર્થના પણ કરી રહી હતી.

અવની ના શબ્દો દાદાને ચોખા સંભળાઈ રહ્યા હતા. ભગવાનને કહ્યું કે ભગવાન તમે મારા દાદાજી ની તબિયત સારી કરી દેજો. અને તેને એકદમ સ્વસ્થ રાખજો, દાદાને પગનો દુખાવો પણ ઓછો થઈ જાય તેવું કરી આપજો, અને દાદી ને પણ પગનો દુખાવો સારો થઈ જાય તેવું કરજો.

અવનીએ આગળ કહ્યું કે જો દાદા દાદી ની તબિયત ખરાબ થઈ જશે તો મને દરરોજ સાંજે ચોકલેટ કોણ લઇ આપશે? અને હું અને દાદા દોડ ની રમત કઈ રીતે રમીશું? દાદા આ વાક્ય સાંભળીને હસવા લાગ્યા, અવની નિર્દોષભાવે ભગવાનને પ્રાર્થના કરી રહી હતી તે જોઇને દાદાનો જાણે પગનો દુખાવો મટી ગયો અને તે ત્યાં જ ઉભા ઉભા સાંભળી રહ્યા હતા.

અવનીએ આગળ પ્રાર્થના કરતાં કહ્યું કે મારા જેટલા પણ મિત્રો છે તે બધા મિત્રો ની તબિયત પણ સારી રાખજો કારણકે એની તબિયત ખરાબ હશે તો મારી સાથે કોણ રમશે?

અવનીએ ફરી પાછું કહ્યું કે મારા માતા પિતાની તબિયત પણ એકદમ સારી રાખજો, કારણ કે જો એની તબિયત ખરાબ થશે તો મારું આવી સારી રીતે ધ્યાન કોણ રાખશે? આ સ્ટોરી તમે justgujjuthings.com પર વાંચી રહ્યા છો.

પછી અવની થોડી ભગવાનની નજીક ગઈ દાદા ને એમ થયું કે હવે અવની ભગવાનના ચરણ સ્પર્શ કરીને તેની પ્રાર્થના પૂરી કરશે. પરંતુ અવની એ ભગવાનની નજીક જઈને કહ્યું કે ભગવાન તમને જો ખોટું ન લાગે તો એક વાત કહેવા માગું છું કે, તમે બધાની તબિયતનું ધ્યાન રાખજો પરંતુ તે બધા પહેલા તમે તમારું ધ્યાન પણ રાખજો. કારણ કે જો તમને કંઈક થઈ ગયું તો અમારા બધાનું શું થશે?

દાદા આ વાક્ય સાંભળીને ભાવુક થઈ ગયા, અવની જે નિખાલસ ભાવે ભગવાનને પ્રાર્થના કરી રહી હતી તે સાંભળીને દાદાની આંખો ભીની થઈ ગઈ અને વિચારવા લાગ્યા કે આવી પ્રાર્થના અમે કોઈ દિવસ કરતો નથી પરંતુ ક્યારેય કોઈ દિવસ સાંભળી પણ નથી. આ સ્ટોરી તમે justgujjuthings.com પર વાંચી રહ્યા છો.

દાદા પણ અવની જેવી પૌત્રીને પામીને જાણે આજે ખૂબ જ ભાગ્યશાળી મહેસૂસ કરી રહ્યા હતા.

જો આ સ્ટોરી તમને પસંદ પડી હોય તો દરેક લોકો સાથે શેર કરજો, તેમજ આ સ્ટોરી કેવી લાગી તે કોમેન્ટ કરીને અચૂક જણાવજો. આ સ્ટોરી તમે justgujjuthings.com પર વાંચી રહ્યા છો.