અમેરિકા રહેતી વહુને ડીલીવરી આવી, વહુની તબિયત ખરાબ હોવાથી એટલે દીકરાએ ભારતથી માતાને ઈમરજન્સીમાં બોલાવ્યા. માતા પાસપોર્ટ ઓફિસ ગયા ત્યાં એવું થયું કે...

ઘણા સમય પહેલાંની વાત છે, સરોજબેન શિક્ષકની નોકરીમાંથી હજુ નિવૃત જ થયા હતા. એકદમ શાંત અને સરળ સ્વભાવના સરોજબેન તેના આડોશ-પાડોશમાં, સ્કૂલમાં અને દરેક સગા સંબંધીને પૂરેપૂરું માનસન્માન આપતા તેમજ અન્ય કોઈ પણ લોકોને કંઈ પણ કામ હોય તો બધા લોકો ની બાજુમાં ઊભા રહેતા. આ સ્ટોરી તમે justgujjuthings.com પર વાંચી રહ્યા છો.

બધા લોકો તેને ઘરે આવે અને તે પણ ગમે ત્યાં જાય ત્યારે બાળકોને સારી અને સાચી સલાહ આપતા તેમજ તેનું ભવિષ્ય સારું કેમ બને એ વિશે ખાસ સૂચનો કરતા. એક દિવસની વાત છે જ્યારે સરોજબેન ની બાજુની પોળમાં રહેતા સવિતાબેન કે જેઓની ઉંમર આશરે ૭૦ વર્ષની હતી તેઓ સરોજબેન પાસે આવ્યા અને કહ્યું મારે તમારું એક કામ છે?

કોઈપણ ને મદદ માટે સદાય તત્પર રહેનારા સરોજબેને કહ્યું બોલોને શું કામ હતું. ત્યારે સવિતાબેન એ કહ્યું કે મારો દીકરો અને વહુ અમેરિકા રહે છે, વહુને હમણાં જ ડિલિવરી આવી છે પરંતુ તેની તબિયત બરાબર નથી રહેતી એટલા માટે દીકરાએ સમાચાર આપ્યા કે બા તમે જેટલું બને તેટલું ઝડપથી પાસપોર્ટ કઢાવીને અહીંયા આવી જાઓ. જેથી અહીંયા આવીને તમે માતાનું અને બાળકનું ધ્યાન રાખી શકો.

સવિતાબેન એ પોતાની વાત આગળ વધારતાં કહ્યું કે તે બે દિવસથી પાસપોર્ટ ઓફિસે ધક્કા ખાય છે પરંતુ કોઈ જવાબ પણ દેખાતું નથી અથવા તેનું કામ કરવામાં કોઈને રસ નથી. તો તમે મારી સાથે આવીને મને આ કામ પૂરું કરવામાં મદદ કરી શકશો? સરોજબેન એ તરત જ હા પાડી.

સરોજબેન સવિતાબેનની સાથે પાસપોર્ટ ઓફિસ તરત પહોંચી ગયા. એ સમયે દલાલો વગર આ બધી પ્રક્રિયા કરવી એ થોડી અઘરી હતી. અને દલાલો ને પૈસા આપો એટલે જેવી ઉતાવળ હોય એટલા પૈસા થતા. પૈસા પણ ઘણા માગતા પરંતુ સરોજબેન પોતે શિક્ષક હોવાથી આ રીતે પૈસા ની લેવડ દેવડના ચુસ્ત વિરોધી હતા. આ સ્ટોરી તમે justgujjuthings.com પર વાંચી રહ્યા છો.

સવારના ઓફિસ ખુલ્લી ત્યારથી એક એક કાગળ કમ્પલીટ કરાવતા કરાવતા છેલ્લે પૈસા ભરવાની લાઈનમાં ઊભા રહ્યા. સવારનું કોઈએ પાણી પણ નહોતું પીધું અને દોડાદોડી કરીને બધા કાગળ કરાવ્યા હતા. સરોજબેન નો વારો આવ્યો ત્યાં જ કેશિયરે બારી બંધ કરી દીધી, કેશિયર ને ઘણું સમજાવ્યું કે અમે સવારના અહીં ઊભા છીએ અને ઇમરજન્સી કામ છે. એટલે તમે અમારા એકના પૈસા લઈ લો.

પરંતુ તે વ્યક્તિએ ચોખ્ખી ના પાડી દીધી અને કોઈ પણ વાતની ગંભીરતા સમજ્યા વિના કહી દીધું કે તમારે જ્યાં ફરિયાદ કરવી હોય ત્યાં કરો હું અત્યારે તમારા પૈસા નહીં લઉં. તમારા આવતીકાલે સવારે જ આવવું પડશે.

મોટા ઉંમરના બે મહિલાઓ હેરાન થયા પરંતુ તેનો ટાઈમ થયો એટલે તે તરત જ નીકળી ગયો. આવું માનવતા વિનાનુ વર્તન જોઈને સરોજબેન ગુસ્સે થઈ ગયા, પરંતુ સાથે સાથે તે જાણતા હતા કે ગુસ્સાથી કંઈ કામ નહીં થાય.

તેનું ધ્યાન કેશિયર સામે હતું. કેશિયર પોતાનું ટીફીન લઇ ને બીજા માળે જવા લાગ્યો. ત્યારે સરોજબેન પણ સવિતાબેન ને લઇ ને તેની પાછળ જવા લાગ્યા. બીજા માળે કેશિયર એક ટેબલ ઉપર પોતાનું ટિફિન ખોલી ને જમવા લાગ્યો. કેશિયર એકલો જ બેસી ને જમતો હતો.

તેના સહકર્મચારી પણ કોઈ તેની સાથે બેઠા નહોતા, ત્યારે સરોજબેન અને સવિતાબેન સામે ના ટેબલ ઉપર બેસી ગયા. કેશિયરે તેની સામે જોયું અને મોઢું બગાડી ને જમવા લાગ્યો ત્યારે સરોજબેન તેની સામે હસ્યા અને પૂછ્યું કે રોજ ટિફિન ઘરે થી જ લઇ ને આવો છો? એટલે તેને જવાબ દેવા ની ઇરછા ના હોય તેમ મોઢું હલાવી ને હા કહ્યું.

સરોજબેને તેને કહ્યું કે તમારી પાસે તો રોજ ઘણા લોકો આવતા હશે રોજ નવાનવા લોકો સાથે મળવા નું થતું હશે અને કેશિયરે જવાબ આપ્યો કે હા મારે તો રોજ એક થી એક મોટા અધિકારીઓ સાથે મળવાનું થાય છે. અને બધા અધિકારીઓ મારી ખુરશી ની સામે લાઈન માં ઉભા રહે છે. અને પોતાનો નંબર આવવા ની રાહ જુએ છે.

બહુ જ અભિમાન સાથે જવાબ આપ્યો જે સરોજબેન શાંતિ થી સાંભળતા રહ્યા અને પૂછ્યું કે તમારી પાણી ની બોટલ માંથી અમે પાણી પી શકીએ? કેશિયરે હા કહેતા સરોજબેને અને સવિતાબેને થોડું થોડું પાણી પીધું પછી કહ્યું કે તમારા ટિફિન માંથી બહુ જ સારી રસોઈ ની સુગંધ આવે છે. અને કહ્યું કે તમારા પત્ની બહુ જ સારી રસોઈ બનાવતા લાગે છે?

તો કોઈ જવાબ આપ્યો નહિ એ છાનોમાનો જમતો રહ્યો ત્યારે સરોજબેને કહ્યું કે તમે બહુ મહત્વપૂર્ણ હોદા ઉપર બેઠા છો મોટા મોટા લોકો તમારી પાસે આવે છે પણ તમે તમારી ખુરશી ની ઈજ્જત કરો છો? હવે કેશિયરના મગજ માં ઝટકો લાગ્યો અને પૂછ્યું કે તમારો કહેવાનો મતલબ શું છે?

ત્યારે સરોજબેને કહ્યું કે તમે જે પદ ઉપર બેઠા છો ત્યાં તમે મોટા મોટા અધિકારીઓ સાથે પણ કામ કરો છો પણ તમે તમારા કામ ની ઈજ્જત નથી કરતા. તમે જો તમારા કામ ની ઈજ્જત કરતા હોત તો આવો વ્યવહાર કરતા ના હોત. જેવો તમે અમારી સાથે કર્યો.

જુઓ તમારી ઓફિસ માંથી પણ તમારો કોઈ મિત્ર નહિ હોય કે જે ટિફિન તમારી સાથે જમવા બેસે અને તમે પણ નિરાશ થઇ ને ટિફિન જમવા બેઠા છો, અને લોકો નું પૂરું થતું કામ તમે પૂરું કરવાની બદલે અટકાવી દો છો… આ સ્ટોરી તમે justgujjuthings.com પર વાંચી રહ્યા છો.

તમારી પાસે આવનાર નું કામ પૂરું કરી ને તમે દરેક વ્યક્તિ સાથે એક સારા સંબંધ ની શરૂઆત કરી શકો છો, પણ તમારું દુર્ભાગ્ય જુવો કે તમે આ હોદા નો લાભ ઉઠાવવાની બદલે બધા સાથે સંબંધ બગાડો છો, હું તો કાલે આવી ને પૈસા ભરી જઈશ… મારુ કામ કઈ અટકવાનું નથી. પણ તમારી પાસે તો એક નવી ઓળખાણ બનાવવાનો મોકો હતો… જે તમે ચુકી ગયા છો…

દલાલો ના કામ કરી ને તમે પૈસા તો રોજ કમાઈ લેશો, પણ કોઈ ની સાથે સંબંધ નહિ કમાઈ શકો, આ વાત સાંભળતા તે જમવાનું બંધ કરી દીધું હતું. ત્યારે સરોજબેને કહ્યું કે આટલા રૂપિયા હશે. પણ તમારા ઘર વાળા લોકો પણ તમારા થી દુઃખી હશે, કોઈ મિત્ર નથી આવડી મોટી ઓફિસ માં એ તો હું જોઈ ચુકી છું.

આટલી વાત સાંભળતા જ કેશિયર રડવા જેવો થઇ ગયો. અને સરોજબેનને કહેવા લાગ્યો કે બેન તમારી વાત બિલકુલ સાચી છે મારી પત્ની મારી સાથે ના ઝઘડા થી કંટાળી ને પોતાના પિયર ચાલી ગઈ છે. મારા સંતાનો પણ મારી સાથે કામ વગર બોલતા નથી.

મારી માતા મને ટિફિન બનાવી આપે છે, જે હું એકલો એકલો અહીંયા ખાવ છું. ઓફિસ થી છૂટી ને ઘરે જાવ છું, તો ઘર પણ મને ખાવા દોડે છે. મને એ ખબર નથી પડતી કે વાંધો છે, પણ ક્યાં છે. ત્યારે સરોજબેને કહ્યું કે ઘર ના લોકો સાથે શાંતિથી રહો અને પરિવાર સાથે પ્રેમ થી રહે એ માટે જે પણ કરવું પડે તે બધું કરો.

તમારી આજુ બાજુ વાળા ને કે બીજા કોઈ ને પણ કઈ કામ હોય તો તેને મદદ માં આવો, અને જુઓ હું પણ અહીંયા મારા કામે નહિ પણ આ સવિતા બેન ના કામ ખાતે દોડાદોડી કરી રહી છું. જેમાં મારો કોઈ સ્વાર્થ નથી. અને નિસ્વાર્થ ભાવે મારા બધા ની સાથે સંબંધ છે. એટલે હું બધા ને ગમું છું, અને મને આ બધા લોકો ગમે છે.

આટલું સાંભળીને કેશિયર ત્યાંથી ઉઠતા વેંત બોલ્યો કે તમે લોકો નીચે મારી બારી પાસે આવો, હું તમારા પૈસા હમણાં જ જમા લઉ છું. એટલે તમારે લોકોને ધક્કા નહિ થાય, કેશિયરે સરોજબેન નો ફોન નંબર માંગ્યો જે સરોજબેને આપ્યો અને ત્યાંથી ઘરે ગયા.

દિવાળી ના દિવસે એક અજાણ્યા નમ્બર ઉપર થી સરોજબેન ને ફોન આવ્યો, અને દિવાળી ની શુભકામનાઓ આપી. સરોજબેને પણ સામે હેપી દિવાળી કહ્યું અને કહ્યું કે આપ કોણ બોલો છો? મને ઓળખાણ ના પડી?

ત્યારે ઓળખાણ આપતા કહ્યું કે પાસપોર્ટ ઓફિસ માં જે કેશિયર ને તમે સલાહ આપેલી હું એ જ માણસ બોલું છું. જયારે તમે ગયા તો પાછળ થી હું એ જ વિચારતો હતો કે પૈસા તો ઘણા દઈ ને જાય છે, પણ સાથે બેસી ને જમવાવાળું તો કોઈ નથી મળતું અને બીજે જ દિવસે હું સાસરે જઈ ને મારી પત્ની ને સમજાવી ને મારા ઘરે લઈ આવ્યો.

હવે અમે બંને માણસો અને મારા દીકરા દીકરી આ દિવાળી એ આપણા આશીર્વાદ લેવા આપણી પાસે આવવા માંગીએ છીએ, તો મને તમારું સરનામું લખાવો. ત્યારે કેશિયર ની પત્ની એ કહ્યું કે આ બેન કોણ છે? તો જવાબ માં કહ્યું કે ઓફિસ માં પૈસા તો બધા પાસે થી મળતા હતા. પણ સંબંધ કેમ બનાવવો અને બધા ની સાથે સારો સંબંધ રાખવો? એ આ બેને મને શીખવ્યું…

સરોજબેન પણ આજે વિચારતા હતા કે પૈસા કરતા સંબંધ નું મહત્વ એટલું બધું છે કે માણસ પૈસા ઓછા કે વધારે હોય તો ચલાવી શકે પણ ઘર પરિવાર સગા-વહાલા અને ઓળખીતા લોકો સાથે પ્રેમ થી રહેતા હોઈ એને કઈ હરાવી ના શકે.

જો આ સ્ટોરી તમને પસંદ પડી હોય તો દરેક લોકો જોડે શેર કરજો તેમજ આ સ્ટોરી ને કમેન્ટમાં 1 થી 10 ની વચ્ચે રેટિંગ પણ આપજો.