લગ્નના ત્રણ વર્ષ પછી વાત છૂટાછેડા સુધી પહોંચી ગઈ, થોડા દિવસો પછી પત્નીએ તેના પિતાને ફોન કરી કહ્યું મારે છૂટાછેડા નથી જોઈતા કારણ કે…

રાહુલ અને ભૂમિના લગ્ન થયાં ને ત્રણ વર્ષ થઈ ચૂક્યા હતા. રાહુલ અને ભૂમિ બંને એકબીજાને 4 વર્ષ પહેલાં મળ્યા હતા અને એકબીજા સાથે મિત્રતા થઈ હતી. સમય જતા આ મિત્રતા પ્રેમમાં પરિવર્તિત થઈ હતી અને બંને પરિવારની સંમતીથી તે બંનેએ ધામધૂમથી લગ્ન કર્યા હતા.

લગ્ન કર્યા પછી 1 વર્ષ સુધી તો તેઓનું લગ્નજીવન એકદમ સુંદર અને સારી રીતે પસાર થઈ રહ્યું હતું. પરંતુ થોડો સમય જતાં તેઓ વચ્ચે નાની બાબતોમાં મતભેદ થવા લાગ્યા અને ઝઘડો થવા લાગ્યો. શરૂઆતમાં તો બધા લોકો ને થયું કે લગ્નજીવનમાં કોઈપણ કપલમાં ઝઘડા થતા રહે છે એટલે સમય જતા આ કપલ પણ ઝઘડો કરવાનું ભૂલી જશે અને ફરી પાછા આનંદથી સાથે રહેવા લાગશે.

પરંતુ 1 વર્ષ અને 6 મહિના પછી તે બંને વચ્ચે ખૂબ જ મોટો ઝઘડો થયો. એ જ ઝઘડા માં પરિવારે વચ્ચે આવીને બંનેને સમજાવ્યા અને થોડા સમય માટે બંને વચ્ચે ફરી પાછા ઝઘડાઓ બંધ થવા લાગ્યા.

જોકે તે બંને વચ્ચે નાની બાબતોમાં અવારનવાર તકરાર થઇ જતી પરંતુ મોટો ઝઘડો ન હોવાથી તેમાં પરિવાર દખલગીરી કરતા નહીં. પરંતુ લગ્નના ત્રણ વર્ષ પૂરા થવા આવ્યા ત્યારે તેઓ વચ્ચે ભયંકર ઝઘડો થયો અને આ વખતે વાત ખૂબ જ આગળ વધી ગઇ હતી. બંને લોકો એકબીજા સાથે રહેવા પણ નહોતા માંગતા.

પરિવારે ઘણું સમજાવ્યું કે તમે બંને એકબીજાને પ્રેમ કરો છો તો પછી શાંતિથી રહો પરંતુ રાહુલ અને ભૂમિ બન્નેમાંથી કોઇ સાથે રહેવા તૈયાર ન હતું. આખરે વાત છૂટાછેડા સુધી પહોંચી ગઈ, બંને લોકો એ નિર્ણય લઈ લીધો કે હવે બસ છૂટાછેડા લઇ લેવા છે, પરિવારે ઘણું સમજાવવાની કોશિશ કરી. ભૂમિને તેના પિતા નો ફોન આવ્યો તેને પણ ઘણું સમજાવ્યું પરંતુ બંને લોકો અલગ થઈ જવા માંગતા હતા.

એક દિવસ ભૂમિના પિતાએ ભૂમિને એક સરનામું મોકલ્યું અને ફોન કરીને કહ્યું કે આ સરનામે જો ભૂમિ એક વખત જઈ આવશે તો તેના જીવનની બધી સમસ્યાઓ પૂરી થઈ જશે. એ જગ્યા પર દરેક વસ્તુનો ઈલાજ થાય છે.

ભૂમિ ને તેના પિતાની વાત થોડી રમુજી લાગી પરંતુ એ માત્ર ત્યાં જોવા માટે ગઈ કે તેની પાસે આ ઝઘડા માટે કંઈ ઈલાજ છે કે કેમ? તે જગ્યા ભૂમિએ પહેલા કોઈ દિવસ જોઈ ન હતી.

ત્યાં જઈને એક સંત સાથે મુલાકાત થઇ. સંતે ભૂમિ ને પૂછ્યું બોલ બેટા તારી શું સમસ્યા છે? આ સ્ટોરી તમે justgujjuthings.com પર વાંચી રહ્યા છો.

ભૂમિએ તેને કહ્યું કે અમે એકબીજાને પ્રેમ કરતા હતા અને માટે જ અમે ત્રણ વર્ષ પહેલાં લગ્ન પણ કર્યા હતા પરંતુ અમારા બંને વચ્ચે ખૂબ જ ઝઘડો થાય છે અને એટલા માટે જ અમે હવે અલગ થવાનું વિચારી રહ્યા છીએ.

સંત સ્મિત કરવા લાગ્યા પછી થોડા સમય પછી ભૂમિ ને કહ્યું બેટા તારી સમસ્યા ખુબ જ અઘરી છે. પરંતુ મારી પાસે એનો પણ ઇલાજ છે પરંતુ આ ઈલાજ ખુબ જ કઠિન છે, એ તારાથી નહીં થાય. ભૂમિ એ તરત જ કુતૂહલ સાથે સંતને જવાબ આપ્યો કે તમે ઇલાજ તો જણાવો, મારાથી ન થઈ શકે એવું તે વળી શું છે?

સંતે કહ્યું મારી પાસે એક અતિ પવિત્ર ઔષધિ છે જે તમારા ઝઘડાને જડમૂળથી ખતમ કરી નાખશે પરંતુ એનો ગેરફાયદો એ છે કે જ્યારે પણ તમારે ઝઘડો થાય ત્યારે એ પવિત્ર ઔષધી નો એક ઘુંટડો મોઢામાં રાખવાનો અને જ્યાં સુધી ઝગડો પૂરો ન થાય ત્યાં સુધી એ ઘૂંટડો મોઢામાંથી બહાર નહિ કાઢવાનો જો આવું થઈ જાય તો ઝઘડો પહેલા કરતા પણ વધી જશે.

ભૂમિને વાત સાંભળીને નવાઈ લાગી પરંતુ તેમ છતાં તેને તે પવિત્ર ઔષધિ લઈ લીધી અને પોતાના ઘરે પાછી જતી રહી. જમવાનું બનાવ્યું અને સાંજે પતિની આવવાની રાહ જોવા લાગી. તે દિવસે કોઈ ઝઘડો ન થયો પરંતુ બીજા દિવસે સવારે ઝઘડો થવા લાગ્યો.

એટલા માટે ભૂમિએ સંતના કીધા પ્રમાણે તે ઔષધિની બોટલમાંથી એક ઘૂંટડો ભરી લીધો અને થોડા જ સમય પછી શાંતિ થઈ ગઈ, ઝઘડો ધીમે ધીમે ઓછો થવા લાગ્યો દિવસ પછી દિવસ ઝઘડો થાય ત્યારે ભૂમિ આવું કરતી અને લગભગ એક અઠવાડિયામાં જ તે બંને વચ્ચેનો ઝઘડો સંપૂર્ણપણે પૂરો થઈ ગયો.

ભૂમિ આ ચમત્કારી ઔષધી થી એકદમ પ્રભાવિત થઈ ગઈ અને ફરી પાછી સંતને મળવા માટે ચાલી ગઈ અને મળતાની સાથે સંત ને પગે લાગી અને કહ્યું કે મહારાજ તમે તો મારી બધી સમસ્યા નો નિકાલ કરી નાખ્યો. અમારા બંને વચ્ચે ઝઘડા બિલકુલ ખતમ થઈ ગયા. પરંતુ તમે મને આ ઔષધીમાં શું છે તે જણાવો કારણકે જો બીજા લોકોને આની જરૂર હોય તો હું તેને આપી શકું?

સંત આ વાત સાંભળીને સ્મિત કરવા લાગ્યા, થોડા સમય પછી સ્વસ્થ થઈને ભૂમિને જવાબ આપતા કહ્યું કે બેટા આ પવિત્ર ઔષધિની બોટલમાં બીજું કંઈ જ નહોતું પરંતુ પીવાનું સાદુ પાણી હતું, અને હકીકતમાં હવે તને સમજાઈ ગયું હશે કે સાચી ઔષધિ એ આપણું મોઢું બંધ રાખવું એ જ છે. એના જેવી ઔષધી આખી દુનિયામાં બીજી એક પણ નથી.

ભૂમિ કુતૂહલ સાથે તે સંત સામે એકીટશે જોઈ રહી હતી. સંતે ફરી પાછી પોતાની વાત આગળ વધારતાં કહ્યું કે બેટા તારી જેમ ઘણા લોકો આ સમસ્યા લઈને આવતા હોય છે, એક ઘરમાં 20 વ્યક્તિઓ રહેતા હોય તો એમાંથી ૧૦ વ્યક્તિઓ અંદરોઅંદર ઝઘડો કરતા હોય. અને તમે એ બધા લોકોને 10 10 માણસો કરી નાખો તો તેમાંથી બીજા પાંચ લોકો અંદરોઅંદર ઝઘડો કરતા રહેવાના. અને એ પણ ન હોય પણ જો માત્ર ઘરમાં બે જણા રહેતા હોય તો એ બંને લોકો પણ એકબીજા સાથે ઝઘડો કરતા રહે છે. આપણે ઝઘડીને રહેવું શાંતિથી રહેવું કે હળી મળીને રહેવું તે આપણા ઉપર છે. આ સ્ટોરી તમે justgujjuthings.com પર વાંચી રહ્યા છો.

બંને લોકો વચ્ચે પણ ઝઘડો થાય ત્યારે જો કોઈ પણ એક વ્યક્તિ એક પણ શબ્દ ન બોલે એટલે એ ઝઘડાનો અંત આવી જાય છે. ઘણી વખત આ રીતે મૌન રહેવાથી મોટી મોટી સમસ્યાઓ ના સમાધાન પણ શક્ય બને છે. ભૂમિ એ સંત પાસેથી આશીર્વાદ લીધા અને ફરી પાછી ઘરે જતી રહી.

ઘરે જઈને પિતાને ફોન કર્યો અને કહ્યું કે પપ્પા તમે જે સરનામું આપ્યું હતું તે ખરેખર મારા માટે ખુબ જ અગત્યનું સાબિત થયું. મારે હવે છૂટાછેડા પણ નથી જોઈતા. રાહુલ જ્યારે ઘરે આવ્યો ત્યારે સંતના કીધેલા દરેક શબ્દો ભૂમિએ રાહુલને કહ્યા અને પાછલા ઘણા દિવસોથી ઝઘડા ઓછા થવાનું કારણ પણ એ સંતે જણાવ્યું હતું તે બધી વાત કરી.

ફરી પાછા તે બંને નવયુગલ ની જેમ પ્રેમથી રહેવા લાગ્યા, અને તેઓનું દાંપત્યજીવન ફરી પાછું પહેલાની જેમ સુખેથી પસાર થવા લાગ્યું. આ સ્ટોરી તમે justgujjuthings.com પર વાંચી રહ્યા છો.

જો આ સ્ટોરી તમને પસંદ પડી હોય તો દરેક લોકો જોડે શેર કરજો તેમજ આ સ્ટોરીને કમેન્ટમાં ૧ થી ૧૦ ની વચ્ચે રેટિંગ પણ આપજો.