ત્રણ મિનિટનો સમય કાઢીને આ વાંચી લો, જીવનની નેગેટિવિટી દૂર થઈ જશે

આ વાત એક ખેડૂતની છે. તે ખેડૂત નું નામ મહેશ હતું. ઘણા વર્ષોથી પૈસા ભેગા કરીને તેને એક બળદ ખરીદ્યો હતો. અને એ બળદ ને લઈને તેના ખેતરમાં જઈ રહ્યો હતો, એવામાં ખેતરમાં જનારા રસ્તામાં વચ્ચે એક ખૂબ જ ઊંડો ખાડો પડી ગયો હતો અને દૂરથી આ ખાડો નજર પણ આવતો નહીં, અને બળદ ખેડૂત ની આગળ ચાલતો હોવાથી બળદ તરત જ આ ખાડામાં પડી ગયો.

ઘણી બધી મહેનત કર્યા પછી તેને બળદ ખરીદ્યો હતો એટલે આવી રીતે ખાડામાં પડી ગયો એટલે તે ખેડૂત ખુબ જ મૂંઝાઈ ગયો અને ખેડૂતને કામ કરવા માટે માત્ર તે એક જ બળદ હોવાથી તે અત્યંત દુખી થઇ ગયો. શું કરવું તેની કઈ સમજ નહોતી પડતી.

આગળ જઈને તેને ખાડા તરફ નજર કરી તો ખાડો ખૂબ જ ઊંડો હતો, અને બળદ પણ ત્યાં ખાડા માં ઊંડે સુધી જતો રહ્યો હતો. ખાડામાંથી બળદ ને કઈ રીતે બહાર કાઢવો તે વિચાર તેને ઘણી વખત કર્યા પરંતુ કંઇ સૂઝતું નહોતું.

સમય પણ એવો હતો કે આજુબાજુમાંથી હોય તેની મદદ પણ આવી શકે તેમ નહોતું. ખેડૂતે ખૂબ જ વિચાર કર્યા પછી નિર્ણય લીધો કે બળદ ભલે બહાર ન નીકળી શકે પરંતુ બળદ ને હું આમ અચાનક મૂકીને ચાલ્યો નહીં જાવ અને તેને અંતિમ વિદાય આપીને જ આગળ વધીશ.

અંતિમ વિદાય આપવા માટે કઠોર હૃદય સાથે ખાડામાં રેતી નાખવા માટે આજુબાજુમાં ક્યાંય રેતી મળે તો જોવા લાગ્યો પરંતુ રેતી ક્યાંય મળી નહીં બાજુમાં માટી હોવાથી તેને વિચાર કર્યો કે માટીથી જ હું ખાડામાં મારા બળદ ને દફનાવીશ અને તેને અંતિમ વિદાય આપીશ.

ધીમે ધીમે કરીને એ ખાડામાં માટી નાખવા લાગ્યો અને એક પછી એક ઘણી માટી ખાડામાં નાખી પરંતુ તેની સામે જાણે ચમત્કાર થઈ રહ્યો હોય એમ કશું અલગ જ થયું. અહીંથી ખેડૂત જેવી માટી નીચે ખાડામાં નાખે કે તરત જ બળદ પોતાના શરીરમાંથી માટી ખંખેરી નાખે અને ધીમે ધીમે પોતે ઉપર આવવા લાગ્યો.

ધીમે ધીમે ખેડૂત જેમ જેમ વધારે માટી નાખતો ગયો તેમ બળદ વધુ ને વધુ ઉપર આવતો ગયો, માટી મા તેનો પગ પણ ફસાઈ જતો હતો પરંતુ થોડા સમય પછી ફરી પાછો તે બળદ ઉપર આવી જતો. આ સ્ટોરી તમે justgujjuthings.com પર વાંચી રહ્યા છો.

જોતજોતામાં ખેડૂત એકદમ ગેલમાં આવી ગયો કારણ કે તેનો પ્રિય બળદ હવે બચી ગયો હતો અને માટી સાઈડમાં કરીને પોતે ઉપર આવી ગયો હતો. ખેડૂત એક બાજુ આશ્ચર્યમાં પણ હતો અને સાથે સાથે તેને ખૂબ જ ખુશી પણ થઇ રહી હતી કારણ કે તેને બળદ બચી ગયો હતો.

ભલે આ કદાચ એક કાલ્પનિક સ્ટોરી પણ હોઈ શકે, પરંતુ આપણે જો આ સ્ટોરી ને આપણા જીવન સાથે સરખાવીએ તો ઘણું બધું શીખવા મળે છે ખાસ કરીને જ્યારે પણ આપણા જીવનમાં મુશ્કેલી આવે ત્યારે બસ આપણે માત્ર આપણું કાર્ય કરતા રહેવું જોઈએ અને કોઈપણ મુશ્કેલી કે સમસ્યામાંથી શીખીને આગળ વધવાની સતત કોશિશ કરતી રહેવી જોઈએ કારણ કે જો આવું કરવામાં આવે તો આપણે એક દિવસ બધી મુશ્કેલીઓ મેં ઓળંગીને સતત ઉપર આવતા રહીશું અને સફળ પણ થઈ શકીએ. આ સ્ટોરી તમે justgujjuthings.com પર વાંચી રહ્યા છો.

જો આ સ્ટોરી તમને પસંદ પડી હોય તો દરેક લોકો જોડે ખાસ કરીને શેર કરજો તેમજ કમેન્ટમાં ૧ થી ૧૦ ની વચ્ચે રેટિંગ આપવાનું ચૂકતા નહીં. આ સ્ટોરી તમે justgujjuthings.com પર વાંચી રહ્યા છો.