ટ્રક ડ્રાઈવરે તેઓના એકના એક દિકરાને હડફેટે લઈ લીધો, તેમ છતાં કોર્ટમાં માતા-પિતાએ કહ્યુ...

એક કપલ ની આ વાત છે, છ મહિના પહેલા સગાઈ થઈ હતી, ત્યાર પછી લગ્ન પણ કરી દેવામાં આવ્યા.  તે બંને લગ્નજીવનથી એકદમ સુખી હતા, અને તેઓનું જીવન સુખી રીતે સાથે સાથે સાદાઈથી જીવતા હતા. પરંતુ તેઓને સંતાન ન થતા હતા. એક પણ તરકીબ કહો કે એક પણ ડોક્ટર કોઈ બાકી રાખ્યા નહોતા. અંતે 7 વર્ષ પછી એક બાળકનો જન્મ થયો. પરિવારમાં ખુબ ખુશી ની લાગણી પ્રસરી ગઈ, બાળકનું નામ વિવેક રાખવામાં આવ્યુ. આ સંતાનને બંને કપલ ખુબ લાડકોડ થી ઉછેરતા, અને બાળક પણ લાખોમાંનો એક કહીએ તો ચાલે તેવો. નામ જેવો જ ગુણી. આ સ્ટોરી તમે justgujjuthings.com પર વાંચી રહ્યા છો.

પાંચ વર્ષ નો થયા પછી વિવેકનું ભણવાનું પણ ચાલુ કરાવી દીધુ, અને ભણતર માં પણ હોંશીયાર.

જેમ મોટો થતો તેમ વધુ સમજતો જાય બોલતો થયા પછી શેરીમાં રમવા જાય અને બધાની સાથે ભળી જાય તેવો સ્વભાવ. કોઈનું દુખ જરા પણ સહન ન થાય, ક્રીકેટ જેવી રમત માં પણ કોઈ આઉટ થઈ નીરાશ થઈને જાય તે વિવેક ને ન ગમતુ. તે એને ફરીથી દાવ આપતો.

જોત જોતામાં વિવેક ને 10 વર્ષ થઈ ગયા. જન્માષ્ટમી એટલે કે સાતમ-આઠમ નો સમય, વિવેક ને મેળામાં જવું બહુ જ ગમતુ, માટે દર વર્ષે તેના માતા-પિતા ગામડે થી 30 કિ.મી. દુર મેળો ભરાતો પણ ત્યાં અચુક લઈ જતા અને એને જે જોઈએ તે લઈ દેતા.

સાતમ નો દિવસ આવ્યો એટલે માતા-પિતાએ વિચાર્યુ કે આપણે આજે જઈ આવીએ શહેરમાં ખરીદી પણ થઈ જાય અને વિવેક ને મેળામાં પણ ફરાઈ જાય.

બંને વિવેક ને લઈને નીકળી પડ્યા. ગામડે થી બસ મળી જતી પણ હાઈવે પર ઉતારી દેતી અને ત્યાંથી શહેર માં જવુ હોય તો એકાદ કિલોમીટર ચાલવું પડે, શહેર પહોંચી ને ખરીદી પતાવી ત્યાં સાંજના ૭ વાગી ગયા. અને પછી ગયા મેળામાં અને આખો મેળો ફરી વળ્યાં, ત્રણ કલાક ક્યાં નીકળી ગયા ખબર જ ના પડી, પછી જમી કરીને પાછુ હાઈવે બાજુ જવા લાગ્યા.

હાઈવે પર ચાલી ને જતા હતાં ત્યારે અચાનક પાછળથી પુરઝડપે આવતા ખટારા એ વિવેક ને હડફેટે લઈ લીધો. અને મા-બાપ ની નજરસમક્ષ ઘટનાસ્થળે જ તેના એક ના એક દિકરા નું કમકમાટી ભર્યુ મોત થયુ. આ સ્ટોરી તમે justgujjuthings.com પર વાંચી રહ્યા છો.

અને માતા-પિતાની હાલત કાપો તો લોહી ન નીકળે તેવી થઈ ગઈ, બંને જાણે બેભાન જેવા થઈ ગયા. આજુબાજુના લોકોએ સ્વસ્થ કરી અને પોલીસને બોલાવી. ટ્રક ડ્રાઈવર ને પકડવામાં આવ્યો, કોર્ટ માં હાજર કરાયો. જજ સાહેબે પિતા ને બોલાવી ને જુબાની લીધી, પિતા બોલ્યા, “જજ સાહેબ, એમાં હકિકત એવી છે કે મારો છોકરો જ દોડીને ટ્રક ની સામે ગયો હતો એમાં ડ્રાઈવર નો કંઈ જ વાક નથી…” આટલુ જ બોલી શક્યા અને પછી કંઈ બોલાયુ જ નહિ એમનાથી…

અને કોર્ટ માં બે મિનીટ માટે સન્નાટો છવાઈ ગયો. જજ ની કલમ પણ થોભી ગઈ. પછી જજ સાહેબે ડ્રાઈવર ને નિર્દોષ કરાર આપી છોડી મુક્યો.

પણ આવા બયાન પાછળ એનું કારણ શું હશે? જાણીને દંગ રહી જશો... આ સ્ટોરી તમે justgujjuthings.com પર વાંચી રહ્યા છો.

જ્યારે માતા-પિતા બંને કોર્ટ માં આવતા હતા ત્યારે માતા એ વિવેક ના પિતા ને કહ્યુ, “વિવેક આટલા જ દિવસનો મહેમાન હતો. એટલે આટલુ જ રોકાણો, ડ્રાઈવર ને સજા થશે તો વિવેક પાછો નથી આવવાનો પણ, જો સજા થશે તો એના આપણા વિવેક જેવડા જ છોકરાઓ પણ રખડી પડશે. અને આમ પણ વિવેક કોઈ ને દુઃખી જોઈ ન શકતો, તો જો તમે ડ્રાઈવર ને છોડી દો તો કદાચ એના આત્મા ને શાંતી મળી જાય.” આટલું તો એ માતા માંડ-માંડ બોલી શકી.

આજના સમયમાં જ્યારે કોઈ પણ બીજાનું વિચારવા ની જગ્યા એ પોતાનું વિચારે છે, એવામાં અમુક માણસો આવા પણ હોય છે.

તમને આ સ્ટોરી કેવી લાગી? કમેંટમાં અચુક જણાવજો અને પસંદ પડી હોય તો દરેક મિત્રો સાથે શેર કરજો.