ત્રણ દિકરા-વહુ, 1 સોનાની ઘડિયાળ અને 1 ચાંદીનો કંદોરો આના ત્રણ સરખાં ભાગ કઈ રીતે પાડવા? એવામાં મોટી વહુએ કહ્યું પપ્પા…

કિશોરભાઈને ત્રણ દીકરા હતા, ત્રણેય દીકરાના કિશોરભાઈ ધામધૂમથી લગ્ન કરાવ્યા હતા. કિશોરભાઈ રિટાયર થઈ ચૂક્યા હતા, કિશોરભાઈ ના ત્રણેય દીકરા અલગ-અલગ શહેરમાં નોકરી કરી રહ્યા હતા અને પોતાના પરિવાર સાથે રહેતા હતા.

પહેલેથી જ કિશોરભાઈ રિટાયરમેન્ટ પછી રહેવા માટે એક ઘર વસાવી રાખ્યું હતું. કિશોરભાઈ અને તેની પત્ની તુલસી બેન બંને પોતાની રીટાયર્ડ જિંદગી ખુબ જ હશી ખુશીથી વિતાવી રહ્યા હતા.

તેઓ ના સંતાનો ભલે અલગ-અલગ શહેરમાં પોતાના પરિવાર સાથે રહી રહ્યા હતા પરંતુ કિશોરભાઈ એક નિયમ બનાવ્યો હતો દિવાળીના તહેવાર ઉપર આખો પરિવાર કિશોર ભાઈ ના ઘરે ભેગો થતો હતો. ત્રણેય દીકરા દિવાળીની રજાઓમાં એક અઠવાડિયા સુધી સહ પરિવાર કિશોર ભાઈ ના ઘરે આવતા અને એ એક અઠવાડિયું કઈ રીતે મસ્તી મજાક માં નીકળી જતું તે કોઈને ખબર જ ન પડતી.

વર્ષોથી આ નિયમ કિશોરભાઈ બનાવ્યો હતો અને ત્રણેય દીકરા તેનું પાલન પણ કરતા હતા. એક દિવસ અચાનક આ પરિવારની ખુશી ને જાણે કોઇની નજર લાગી ગઈ, અચાનક જ તુલસી બેન ને હૃદય રોગનો હુમલો આવ્યો અને એક જ ઝટકામાં જાણે એ પરિવારની બધી ખુશીઓ વેરવિખેર થઈ ગઈ.

બધા દીકરાને આ દુઃખદ સમાચાર મળ્યા એટલે તરત જ બધા ઘરે આવ્યા, તુલસી બેનના ક્રિયા કર્મ પૂર્ણ કર્યા પછી એક સાંજે બધા લોકો ભેગા થયા હતા, અને બધા લોકો ચર્ચા કરી રહ્યા હતા એવામાં મોટી વહુ એ વાતની શરૂઆત કરી અને કિશોરભાઇ ને કહ્યું પપ્પા, હવે તમે અહીં એકલા કઈ રીતે રહી શકશો? તમે પણ અમારી સાથે ચાલો.

કિશોરભાઈ એ કહ્યું નહિ બેટા, મને થોડા સમય અહીં જ રહેવા દો. અહીં રહું છું તો પોતાપણું લાગે છે. આ ઘર સાથે ઘણી બધી જૂની યાદો જોડાયેલી છે… આટલું કહીને તેઓ ચૂપ થઈ ગયા આગળ કશું ના બોલી શક્યા પરંતુ તેના અવાજમાં ભારેપણું સ્પષ્ટ જણાઈ રહ્યું હતું. કિશોરભાઈ આટલું બોલતા બોલતા ભાવુક થઇ ગયા હતા.

મોટા દીકરા ના છોકરાએ પણ દાદા ને કંઈક કહેવા માટે દાદા ની નજીક ગયો પરંતુ કિશોરભાઈ તેને હાથનો ઈશારો કરીને કશું ન બોલવા માટે જણાવ્યું.

થોડા સમય સુધી કોઈપણ વ્યક્તિ કશું ન બોલ્યા, પછી કિશોરભાઈ સ્વસ્થ થઈને તેના બાળકોને કહ્યું દીકરાઓ, હવે તમારી માતા આપણને બધાને છોડીને જઈ ચૂકી છે. તેની થોડી એવી વસ્તુઓ છે જે તમે બધા તમારી રીતે નક્કી કરીને લઈ લો. હવે હું એને નહિ સંભાળી શકું. એક ખુબ જ સુંદર ઘડિયાળ હતી જેનો બેલ્ટ સોનાનો હતો. અને એક ચાંદી નો કંદોરો હતો. આ બન્ને વસ્તુઓ જોઈ ને બધા લોકો આતુર થઈ ગયા.

સૌથી નાના દીકરાએ કિશોરભાઇ ને કહ્યું, અરે આ ઘડિયાળ તો મમ્મી નેહા ને જ આપવા માંગતી હતી.

કિશોરભાઈ સહજતાથી કહ્યું ને બાકી બધું તો તમને બરાબર સાથે આપી દીધું છે. આ બે વસ્તુઓ સાથે તમારી માતાને ખૂબ જ લગાવ હતો. ખૂબ જ ખુશ થઈને ક્યારેક-ક્યારેક કાઢી અને આ વસ્તુઓ નિહાળતી. પરંતુ આ વસ્તુઓ બે છે અને તમે ત્રણ, તો હું આને કઈ રીતે આપુ?

બધા લોકો એક બીજાનો ચહેરો જોવા લાગ્યા. એવામાં જ બીજા નંબર નો દીકરો સંકોચ સાથે બોલ્યો પપ્પા આ ચાંદીનો કંદોરો મમ્મીએ સ્નેહા ને આપવાની વાત કરી હતી.

તેની વાત પણ કિશોરભાઈએ સાંભળી પરંતુ સમસ્યા હજુ અકબંધ હતી, કિશોરભાઈ મનમાં એ જ વિચારી રહ્યા હતાં કે મોટી વહુ ને શું આપું?

અને કિશોર ભાઈ આ વિચારી રહ્યા હતા એ કદાચ મોટી વહુ ને ખબર પડી ગઈ… એટલે જ તેને કિશોરભાઇ ને કહ્યું પપ્પા કદાચ તમે મારા વિશે વિચારી રહ્યા હોય તેવું લાગે છે. પણ હું એક વાત કહેવા માગું છું, તમે ચાંદીનો કંદોરો સ્નેહાને તેમજ ઘડિયાળ નેહાને આપી દો. અને મમ્મી પણ એ જ ઇચ્છતા હતા ને.

કિશોરભાઈ એ કહ્યું, એ તો ઠીક છે બેટા પરંતુ હું તને શું આપું? એ મારી સમજમાં નથી આવી રહ્યું.

મોટી વહુ એ જવાબ આપતા કહ્યું તમારી પાસે હજુ એક અનમોલ વસ્તુ છે. અને મમ્મીએ મને જ આપવા માંગતા હતા.

બધા આશ્ચર્ય ચકિત રહી ગયા કે હજુ કંઇક કીમતી વસ્તુ છે, બીજી બંને વહુઓ પણ અચરજ પામી કે હવે વળી ગયો નવો ખજાનો ખુલશે?

એવામાં મોટી વહુ ખુલાસો કરતાં કહ્યું અને એ સૌથી અનમોલ વસ્તુ બીજું કંઈ નહીં પરંતુ તમે પોતે જ છો પપ્પા. ગઈ દિવાળીએ અમે બધા અત્યારે રોકાવા આવ્યા હતા ત્યારે મમ્મીએ મને એ જ કહ્યું હતું કે મારા પછી પપ્પા ની સાર સંભાળ તારે જ કરવાની છે. એટલે હું તમને એટલું જ કહેવા માંગું છું કે તમે મમ્મીની ઈચ્છાનું પાલન કરો અને હવે અમારી સાથે રહેવા ચાલો.

કિશોરભાઈ ના મનમાં ગડમથલ ચાલી રહી હતી કે કદાચ આ વસ્તુઓ ને લઈને ઝઘડો તો નહીં થાય ને? પરંતુ મોટી વહુ ની સમજદારી ના કારણે વાત તરત જ પૂર્ણ થઈ ગઈ.

ભગવાન આવી વહુ બધાને આપે. તમને આ સ્ટોરી કેવી લાગી? તે કમેન્ટમાં અચૂક જણાવજો અને આ સ્ટોરી ને બીજા લોકો સુધી પહોંચાડવા માટે શેર કરજો.

આ જ સ્ટોરી મધુર સંગીત સાથે સાંભળીને અનુભવવા માટે નીચેનો વીડીયો અચુક જુઓ અને આવી જ બીજી રસપ્રદ સ્ટોરી સાંભળવા માટે આપણી ચેનલને સબસ્ક્રાઈબ પણ કરજો…

Subscribe to us on youtube.

error: Content is Protected!