સાસુએ વહુને કહ્યું પતિ જમવા આવે ત્યારે એને કહેજે આ લો વાસી રોટલી ખાઈ લો, વહુએે સાસુના કહ્યા પ્રમાણે કર્યું તો પતિએ કહ્યું પણ આ રોટલી તો આજની છે વાસી નથી, થોડા સમય પછી સાસુ આવ્યા તો એવું કહ્યું કે…

ગરિમાબેન તેના પુત્ર હરેશ સાથે રહેતા હતા ગરિમાબેન ના પતિ નું સાત વર્ષ પહેલા અવસાન થયું હતું. ત્યારે હરેશ ની ઉંમર માત્ર 14 વર્ષ ની હતી. ગરિમાબેન ના પતિ નું લાંબી બીમારી માં મૃત્યુ થતું હતું.

તેની પોતાની દુકાન હતી. પણ તેના છેલ્લા સમય માં દુકાન અને માલ સમાન બધું વેચી અને વ્યાજ ની આવક કરી આપી હતી. જેથી કરી ને ગરિમાબેન અને હરેશ ને કઈ વાંધો આવે નહિ, ત્યાં હરેશ મોટો થઇ ને કંઈક કામ ધંધો કરવાનું શરુ કરી દે.

ગરિમાબેન ને કમર અને પગ ના દુખાવા ની ઘણી દવા કરાવી, પણ કોઈ ફરક પડતો નહિ. અને ઉંમર વધવાથી ડોક્ટરે પણ ઓપરેશન કરવાની ચોખ્ખી મનાઈ કરી દીધી. હવે ઘરમાં રસોઈ બનાવી શકે તેવું કોઈ જ નહોતું.

દીકરાની ઉંમર બાવીસ વર્ષની હતી. રસોઈ બનાવી શકે તેવું ઘરમાં કોઈ ન હોવાથી 22 વર્ષની ઉંમરમાં જ હરેશ ને પરણાવી દીધો હતો, હરેશ હજુ સુધી કઈ કામ ધંધો કરતો નહિ. તેની માતા તેને અનેક વખત સમજાવતી પણ તેના પર કઈ અસર થતી નહિ.

હરેશ જયારે પણ જમવા બેસે ત્યારે ગરિમા બેન તેને કહેતા કે લે બેટા વાસી રોટલી ખાઈ લે પણ હરેશ ને કઈ ગતાગમ પડે નહિ, અને કઈ સમજાય નહિ.

પણ તેને એમ થાય કે માં તો રોજ ગરમ રોટલી આપે છે. તો પછી વાસી રોટલી ખાઈ લે તેમ કેમ કહે છે? એ તો પેટ ભરી ને ખાઈ પી ને મોજ જ કરતો અને ગામ માં રખડવા ચાલ્યો જતો.

એક વખત ગરિમાબેન ગામમાં એક બેસણા માં જવાનું થયું, ત્યારે વહુ ને કહ્યું કે હું જાવ છું પણ હરેશ આવે અને જમવા બેસે ત્યારે તારે એમ કહેવાનું કે લ્યો વાસી રોટલી ખાઈ લો, વહુ એ કહ્યું કે ભલે સાસુ માં. હું તમે કહ્યું તેમ જ કરીશ.

થોડી વાર માં હરેશ જમવા આવે છે, અને તેને જમવાનું આપતા તેની પત્ની તેને કહે છે કે લો ખાઈ લો આ વાસી રોટલી. અને વાસી રોટલી એટલું તેની પત્ની ના મોઢે થી સાંભળતા જ હરેશનો મગજ ગરમ થઇ ગયો અને બોલ્યો કે આટલા વર્ષ થી માં પાસે થી પણ આ જ સાંભળતો આવ્યો છું.

અને આજે તું પણ મને વાસી રોટલી ખાઈ લો તેમ કેમ કહે છે અને રસોઈ તો બધી ગરમ જ હોય છે, ત્યારે તેની વહુ એ જવાબ આપ્યો કે મને કઈ ખબર નથી… આ તો મમ્મી એ મને આમ બોલવાનું કહ્યું હતું એટલે બોલી.

એટલે હરેશ ગુસ્સે થઇ ગયો અને બોલ્યો કે મારું ભાણું લઇ જા મારે નથી ખાવું, માં તો આવું કહેતી હતી અને હવે તું પણ બોલ બોલ કરે છે. આ સ્ટોરી તમે justgujjuthings.com પર વાંચી રહ્યા છો.

થોડા સમય પછી ગરિમાબેન બહાર થી ઘરે આવે છે, ત્યારે વહુ ને પૂછે છે કે હરેશે જમી લીધું. જેનો જવાબ આપતા વહુ એ કહ્યું કે મેં તેને કહ્યું કે વાસી રોટલી ખાઈ લો, ત્યારે તે મારા થી નારાજ થઇ ગયા અને જમવા નું મૂકી દીધું. આ સ્ટોરી તમે justgujjuthings.com પર વાંચી રહ્યા છો.

ત્યારે ગરિમાબેને હરેશ ને પૂછ્યું કે તું જમ્યો કેમ નહિ? ત્યારે હરેશે કહ્યું કે માં તું તો રોજ ગરમ જમવાનું આપે છે. અને કહે છે કે વાસી રોટલી ખાઈ લે. પણ આજે મારી પત્ની પણ મને સંભળાવે છે.

ત્યારે માં એ કહ્યું કે વાસી રોટલી કોને કહેવાય… ત્યારે હરેશે જવાબ આપ્યો કે ગઈકાલે બનાવેલી રોટલી આજે કહીયે તો વાસી કહેવાય. પણ તમે તો મને રોજ ગરમ જ આપો છો.

ત્યારે માં એ હરેશ ને સમજાવતા કહ્યું કે તારા પિતાજી ના કમાયેલા રૂપિયા માંથી તું આજે ખાય છે, જે વાસી રોટલી જ કહેવાય. પછી ભલે ને ગરમ હોય. અને સાચી ગરમ રોટલી તો ત્યારે કહેવાય જયારે તું તારી મહેનત ના રૂપિયા કમાઈ ને લઇ આવ.

અને તેમાંથી ઘર ચાલે અને હરેશ ને બધું સમજાઈ ગયું અને પોતાની મહેનત ની કમાણી ઘરે લાવવા લાગ્યો અને હકીકત માં ગરમ રોટલી [ પોતાની કમાણી ની ] ખાવા લાગ્યો અને પરિવાર નું ભારણ પોષણ કરવા લાગ્યો. આ સ્ટોરી તમે justgujjuthings.com પર વાંચી રહ્યા છો.

જો આ સ્ટોરી તમને પસંદ પડી હોય તો દરેક લોકો જોડે શેર કરજો, તેમજ આ સ્ટોરીને કમેન્ટમાં 1 થી 10 ની વચ્ચે રેટિંગ પણ આપજો.