પિતાને દીકરીએ કહ્યું તમે જમવા આવો ત્યારે મારા માટે રસમલાઈ લેતા આવજો, ખિસ્સામાં એક રૂપિયો પણ નહોતો એટલે પિતા ઉદાસ થઈને બેઠા હતા. થોડા સમય પછી એવું બન્યું કે પિતા...

એક મિડલ ક્લાસ પરિવારમાં સુરેશ તેના માતા-પિતા, તેની પત્ની અને તેની દીકરી એમ કુલ મળીને પાંચ સભ્યો રહેતા હતા. સુરેશ ની આર્થિક પરિસ્થિતિ અત્યંત સાધારણ હતી. ઘણી વખત એવું થતું કે આજે રાત્રે જમવાનું શું થશે કારણકે પૈસાની એટલી ખામી હતી.

પાંત્રીસ વર્ષનો આ રમેશ ભલે આર્થિક પરિસ્થિતિ નબળી હતી પરંતુ તેઓનો સ્વભાવ એકદમ નિખાલસ અને આનંદી હતો. ગામમાં નાનો મજૂર હોય કે મોટો શેઠ હોય દરેક વર્ગના માણસો સાથે તેને ખુબ જ લાગણી રહેતી.

અને તેની પરિસ્થિતિ સાધારણ હોવા છતાં કોઈ દિવસ સંબંધ નો ઉપયોગ કરીને કોઈ પાસે એક રૂપિયાની પણ માંગણી ન કરતો. આ તેનો સિદ્ધાંત હતો. અને જેવી સગવડતા હોય એ પ્રમાણે અનુકૂળતા ગોઠવીને તેનું જીવન જીવી લેતા. પોતે મજુરી કામ કરીને ઘર ચલાવતો હતો. આ સ્ટોરી તમે justgujjuthings.com પર વાંચી રહ્યા છો.

એક દિવસ રવિવારે તે સવારે ઘરની બહાર નીકળી રહ્યો હતો, ત્યારે તેની દીકરીએ કહ્યું કે પપ્પા આજે મારે મોરાકાત નું વ્રત છે. તો બપોરે મારા માટે જમવામાં રસ મલાઈ લેતા આવજો. કોઈપણ દીકરી જ્યારે કંઈક તેના પિતાને ફરમાઈશ કરે ત્યારે કોઈ પણ પિતા તેને નકારી શકે નહીં.

દીકરીની ખુશી માટે સુરેશે હા તો પાડી દીધી, અને બજારમાં મજૂરીકામ કરવા માટે નીકળી ગયો. પરંતુ તેના ખિસ્સામાં ફૂટી કોડી પણ હતી નહિ, પણ તે એવું વિચારી રહ્યો હતો કે કંઈક કામ મળી જશે. એટલે હું દીકરી માટે રસમલાઈ ખરીદી લઈશ.

સુરેશ ની હાલત પર કુદરતને પણ જાણે મશ્કરી કરવાનું મન થયું હોય, તેમ તેને બજારમાં બપોર ના બે વાગ્યા સુધી રાહ જોયા બાદ પણ એક પણ મજૂરી નું કામ આવ્યું નહિ. અને ભારે હૈયે અને ઉદાસ ચહેરે ઘર તરફ ધીરે ધીરે જઈ રહ્યો હતો. મન માં એક જ વિચાર હતો, કે દીકરી કોઈ દિવસ કશું માંગણી કરતી નથી.

આજે તેનું વ્રત છે. અને રસમલાઈ લાવવાનું કહ્યું છે. તો તેનો પણ મેળ પડતો નથી. આજે દીકરી નારાજ થઈ જશે, એવું વિચારતા વિચારતા તેનું હૃદય ભરાઈ આવ્યું, અને એક દુકાન ના ઓટલા પર થોડીવાર બેસી અને થાક ખાવા લાગ્યો. સુરેશ દુકાન ના ઓટલા પર બેઠો હતો.

ત્યાં ત્યાંથી એક ફળ વેચવા વાળા ની રેંકડી નીકળે છે, અને સુરેશ ને કહે છે કે, ખારેક લઇ લો સુપર ક્વોલિટી ની છે. પણ સુરેશ તો રસમલાઈ ના વિચાર માં બેઠો હતો, તેના પણ રૂપિયા ખિસ્સા માં હતા નહિ, અને ખારેક ક્યાં થી ખરીદે. એટલે તેને ખારેક વાળા ને કહ્યું કે ભાઈ અત્યારે મારી પાસે રૂપિયા નથી. આ સ્ટોરી તમે justgujjuthings.com પર વાંચી રહ્યા છો.

એ રેંકડી વાળો પણ મોટા કલેજાનો માણસ હતો અને સુરેશ ને પણ અવારનવાર બજારમાં જોતો હોવાથી જાણીતો ચહેરો હતો. તેને કહ્યું કે એમાં શું થઈ ગયું? તમે ખાઈ ને મજા કરો. અને રૂપિયા તમારી પાસે હોય ને ત્યારે આપજો. અમે પણ વેપાર કરીએ છીએ, માણસ નું મોઢું જોઈને ઓળખતા મને પણ આવડે છે.

અને સુરેશ ને ચાલીસ રૂપિયા લેખે બે કિલો ખારેક બાંધી આપી અને કહ્યું કે હું કાયમ માટે આગળ ચોક માં જ ઉભો રહું છું. તમારે જ્યારે રૂપિયા આપવા હોય ત્યારે ત્યાં આવી જજો. હવે સુરેશ પણ થોડી હિંમત માં આવી ગયો હતો, તેના પાસે રૂપિયા નહોતા. પણ તેની પાસે ખારેક તો હતી.

તે ખારેક ની એક એક કિલો ની બે કોથળી લઇ ને સુરેશ પાછો બજાર માં ચાલતો થયો, ત્યારે એક શેઠે સુરેશ ને રોક્યો અને પૂછ્યું કે આ બે થેલી ભરીને શું લઈ જઈ રહ્યો છે? સુરેશે કહ્યું હવે ખુબ જ સરસ ખારેક આવી છે, તે લઈ જઈ રહ્યો છું.

તે શેઠે જવાબ માં પૂછ્યું કે આટલી બધી ખારેકનું તારે શું કરવું છે? તેને જવાબમાં કહ્યું કે આવી ખારેક આખી સીઝન માં એક કે બે વખત જ આવે છે, બહુ સારી હતી એટલે મેં બે કિલો લઇ લીધી પણ થોડી મોંઘી પડી. એટલે શેઠે પૂછ્યું કે કેટલા માં પડી?

એટલે સુરેશે કહ્યું કે 80 રૂપિયા ની કિલો લેખે આવી છે, શેઠે ખારેક ચાખી અને સુરેશ ને 160 રૂપિયા તુરત જ ગણી આપ્યા. અને કહ્યું કે તું બીજી ખરીદી લેજે, આ મને આપી દે. હવે સુરેશ નું કામ થઇ ગયું હતું તે સૌ પહેલા ખારેક વાળા ને ગોતી અને તેના એંશી રૂપિયા આપી, અને પછી દીકરી માટે રસમલાઈ લઈને ઘરે ગયો.

ઘરે જતા જતા સુરેશ ના ચહેરા પર ની ખુશી નું વર્ણન શબ્દોમાં ન કરી શકાય એટલી ખુશી હતી. ઘરે ગયો અને દીકરી ને આપી, ત્યારે તેને ભારે સંતોષ થયો. દીકરી પણ ખુશ થઇ ગઈ. અને ઉપરવાળાનો આભાર માનવા લાગ્યો. અને કહેવા લાગ્યો કે ગમે તેમ પણ તમે મારી દીકરી માટે રસમલાઈ નો મેળ કરાવી આપ્યો.

સમાજમાં દરેક ઘર માં સંતાન માં દીકરો આવે ત્યારે તો બધા ખુશ થાય છે, પરંતુ જયારે દીકરી નો જન્મ થાય છે ત્યારે બધા લોકોના મોઢા પડી જાય છે. દીકરો કે દીકરી તે તેના નસીબ લઇ ને જન્મ લે છે. અને તેના નસીબ માં લખેલી સુખ સગવડતા તેના માતા પિતા પાસે ન હોય તો ગમે ત્યાંથી રસ્તો થઇ જાય છે, અને ઘર માં સુખ સગવડતા આવે છે. આ સ્ટોરી તમે justgujjuthings.com પર વાંચી રહ્યા છો.

આપણી આજુબાજુમાંથી જ એવા કેટલાય એવા કિસ્સા જાણવા મળી જશે કે દીકરી ના જન્મ પછી તેના પરિવાર ની સુખાકારી દિવસે અને દિવસે પ્રગતિ કરતી હોય છે, અને એવા કિસ્સા પણ છે કે દીકરી ની સગાઇ કરવા ટાઈમે તેના માતા પિતા ચિંતા માં હોય છે, કે લગ્ન ના ખર્ચ ની સગવડતા કેવી રીતે કરીશું? પણ એ જ દીકરી ના લગ્ન ખૂબ જ ધામધૂમથી થાય છે.

જો આ સ્ટોરી તમને પસંદ પડી હોય તો દરેક લોકો સાથે શેર કરજો, તેમજ આ સ્ટોરી ને કમેન્ટ માં 1 થી 10 ની વચ્ચે રેટિંગ પણ આપજો.