પૌત્રના જન્મદિવસે ભેંટ લેવા માટે દીકરા પાસે દાદીએ રૂપિયા માંગ્યા, ત્યારે દીકરાએ એવો જવાબ આપ્યો કે...

મમ્મી યાર ખરેખર, દસ હજાર રૂપિયાનું પેન્શન માટે શું યાર આટલું બધું હેરાન થઈ રહી છે? ચલો જઈએ, આપણે એનાથી વધારે તો આપણી નીચે કામ કરી રહેલા માણસને પગાર આપીએ છીએ... આ સ્ટોરી તમે justgujjuthings.com પર વાંચી રહ્યા છો.

ડિસ્ટ્રિક્ટ બેંકમાં મોટી લાઈનમાં ઉભી રહેલી માતાને તેના દીકરાએ કહ્યું. કરોડો રૂપિયાનો ધંધો હતો અને તેના ધંધામાં કામ કરી રહેલા કર્મચારીઓને પગાર પણ લાખો રૂપિયામાં હતો.. વર્ષે લાખો રૂપિયા કર્મચારીઓને પગાર દેવામાં વપરાતા હતા. દીકરો થોડો રોષે ભરાયો હતો. કારણ કે માત્ર 10,000 ની નજીવી રકમ મેળવવા માટેની ફોર્માલિટી કરવા માટે તેની માતા તેને આજે સવારથી બેંકમાં લઈ ગઈ હતી.

તેના પિતાજીનું તાજેતરમાં એક બીમારીના લીધે અવસાન થયું હતું, પોતાની સરકારી નોકરીમાંથી રીટાયર થયા ને ઘણા વર્ષો થઈ ચૂક્યા હતા.. રિટાયર થયા પછી તેનું પેન્શન રેગ્યુલર આવતું હતું. સરકારી નિયમો પ્રમાણે પતિના અવસાન પછી પત્ની પણ પેન્શન નો અમુક હિસ્સો મેળવવા માટે હકદાર છે એટલા માટે જ તેની પત્ની આજે તેના દીકરાને લઈને બેંકમાં આવી હતી.

આજે તેના દીકરાના દીકરાનો જન્મ દિવસ પણ હતો, અને પૌત્રના જન્મદિવસ ને દાદી યાદગાર બનાવવા માંગતી હતી અને તેના પૌત્રે તેની દાદીને સાયકલ લેવા માટે વિનંતી પણ કરી હતી. તેની પાસે પોતાના બેંક એકાઉન્ટમાં થોડા જ રૂપિયા હતા.

અને પેન્શન પણ આવ્યું નહોતું એટલે પોતાના દીકરા પાસે તેને 10,000 રૂપિયા માંગ્યા. દીકરો ઓફિસ જવાની તૈયારી કરી રહ્યો હતો એવામાં માતા તરફથી આટલા રૂપિયાની માંગણી સાંભળી અને થોડો આસ્તરીય થતી થઈ ગયો તેમ છતાં તેની પત્નીને માતાને 10000 રૂપિયા આપવાનું કહીને પોતે ઓફિસે ચાલ્યો ગયો. આ સ્ટોરી તમે justgujjuthings.com પર વાંચી રહ્યા છો.

પત્નીએ પોતાના પતિના ગયા પછી તેની સાસુને દસ હજાર રૂપિયા તો આપી દીધા, પરંતુ રૂપિયા આપતી વખતે કહ્યું કે અત્યારે ધંધામાં ખૂબ જ મંદિર ચાલી રહી છે, થોડા હાથ સંભાળીને તમે ખર્ચો કરજો. રૂપિયા આપ્યા પછી તેમાંથી સરસ મજાની સાયકલ તેના પૌત્ર માટે લઈને તેની સાસુ ઘરે આવ્યા અને સાંજ પડતાની સાથે ઘરમાં બધા લોકો ખુશખુશાલ થઈ ગયા.

આ વાતને ઘણા દિવસો વીતી ગયા પછી એક દિવસ તેની દીકરી પોતાના સાસરેથી પિયર રોકાવા માટે આવી હતી, પહેલા તો જ્યારે પણ તે આવતી ત્યારે કોઈ દિવસ પૈસા માટે કોઈને પૂછવું ન પડતું કારણ કે પતિનું પેન્શન તેમની પાસે હોવાથી પતિ પાસેથી જ પૈસા લઈને તે દીકરીને આપી દેતા હતા. આ સ્ટોરી તમે justgujjuthings.com પર વાંચી રહ્યા છો.

આ વખતે દીકરીને આપવા માટે પૈસા વહુ પાસે માંગવાનું વિચાર્યું પરંતુ વહુના થોડા જ દિવસો પહેલા સાંભળેલા શબ્દો યાદ આવી ગયા અને પોતે દુઃખી મને દીકરીને કંઈ જ આપ્યા વગર વિદાય કરવા લાગ્યા, ત્યારે અચાનક જ વહુએ તેની પાસે આવીને તેના હાથમાં અમુક પૈસા આપ્યા અને કહ્યું દીકરીને ખાલી હાથ પિયરથી જવા દેશો કે શું?

વહુના હાથમાંથી પૈસા લઈને દીકરીને આપી દીધા, પરંતુ સાથે સાથે વહુની વાતોનો અંદાજ પણ હવે ફરી ગયો હોય તેવું લાગ્યું હતું. પતિ ના ગયા પછી તેના જીવનમાં પૈસાનો અભાવ આવી ગયો હોય એવું જરા પણ નહોતું કારણ કે તેની દવા એકદમ સમયસર આવી જતી, સમયસર તેને ઈલાજ કરાવવા માટે પણ ડોક્ટર પાસે લઈ જવામાં આવતા. આટલું જ નહીં બીજી નાની મોટી અનેક જરૂરિયાતોનું તેનો દીકરો કહ્યા વગર જ ધ્યાન રાખતો હતો.

પરંતુ આ સિવાય પણ ઘણી એવી વસ્તુઓ હતી જેના માટે હજુ તે તેની વહુ ને કહેવાનું ટાળતા જેમ કે અમુક મંદિરમાં દાન કરવા માટે, નોકરો માટે કંઈ લેવું હોય તે તહેવારમાં પૈસા દેવા હોય. અથવા સગા સંબંધીઓ ઘરે આવે ત્યારે તેને કોઈ નાની-મોટી જરૂર હોય તેના માટે દીકરા પાસેથી અથવા વહુ પાસેથી પૈસા માંગવા તે તેના સ્વાભિમાન ઉપર જાણે ઘા થતો હોય તેવું લાગતું હતું.

થોડા દિવસો પછી તેના મોબાઈલ પર એક ઘંટડી વાગી આ મેસેજ બેંકમાંથી આવ્યો હતો,. ઘણા દિવસો પછી બેંકમાંથી આવેલો મેસેજ ખોલીને જોયું તો તેમાં લખ્યું હતું કે 50000 રૂપિયા તેના ખાતામાં જમા થયા છે. તે તરત જ સમજી ગયા કે ઘણા સમયથી બાકી રહેલા પેન્શન ના રૂપિયા આવ્યા છે. તરત જ નજીકમાં આવેલા એટીએમ માંથી દસ હજાર રૂપિયા ઉપાડીને પોતે ઘરે આવી રહ્યા હતા ત્યારે દીકરા પાસે રહેલી કરોડોની સંપત્તિ કરતા પણ વધારે વજન આ 10000 રૂપિયામાં હોય તેવું તેને લાગતું હતું.

તેઓનો આત્મવિશ્વાસ પહેલા કરતા પણ અનેક ગણો વધી ગયો હતો. કદાચ એટલા માટે જ પેન્શનને સન્માન ભંડોળ કહેવામાં આવે છે.

જો આ સ્ટોરી તમને પસંદ પડી હોય તો દરેક લોકો જોડે શેર કરજો તેમજ આ સ્ટોરીને કમેન્ટમાં 1 થી 10 ની વચ્ચે રેટિંગ પણ આપજો.