પત્ની ફળિયું સાફ કરી રહી હતી ત્યાં તેને ફળિયામાંથી પૈસા ભરેલી થેલી મળી, અંદર જોઈને પૈસા ગણ્યા તો…

આ વાત લગભગ સીતેર એંશી વર્ષ જૂની છે નાના શહેર માં એક વેપારી રહે અને તેની બાજુ માં એક શાકભાજી વેચવા વાળો રહે બંને પરિવાર ખુશી આનંદ થી રહેતા ત્યાર ના સમય માં શાકભાજી વાળો શાકભાજી વહેંચી ને રોજ ના બે રૂપિયા કમાઈ લેતો હતો. આ સ્ટોરી તમે justgujjuthings.com પર વાંચી રહ્યા છો.

અને બાજુમાં રહેતા વેપારી તો એના કરતા ઘણા વધુ કમાણી કરતો હતો પરંતુ તેના ઘર નો ખર્ચ રોજ નો એક રૂપિયા હતો અને શાકભાજી વાળો રોજ બે રૂપિયા કમાઈ ને બે રૂપિયા ખર્ચ કરી ને મોજ થી રહેતો.

એક દિવસે વેપારી ની પત્ની એ સાંજે વાળું પતિ ગયા પછી વાત કરતા કહ્યું કે આ બાજુ વાળા શાકભાજી વહેંચે છે તો પણ આપણા કરતા વધારે ખર્ચ કરી ને મોજમજા કરે છે. અને આપણા કરતા પણ વૈભવી જીવન જીવે છે. જયારે આપણે તેના કરતા પણ વધારે કમાતા હોવા છતાં તેના જેટલા રૂપિયા વાપરતા નથી ત્યારે વેપારીએ કહ્યું કે થોડા દિવસ રાહ જુવો રૂપિયા કમાઇએ એટલા બધા વાપરી નાખવાના ન હોય.

થોડા દિવસ પછી વેપારીની પત્ની એ ફરી પાછી આ જ વાત કરી એટલે વેપારીએ કહ્યું કે વાંધો નહિ હું તને થોડા દિવસ પછી વધારે પૈસા ની જરૂર પડે તો તને આપીશ પણ યોગ્ય જગ્યાએ ખર્ચ કરવાનો હોય તો જ વેપારી સુતા સુતા વિચાર કરતો હતો કે રાત દિવસ મહેનત કરીને રૂપિયા બચાવ્યા ત્યારે આ દુકાન કરી શક્યો, અને ધંધો જમાવી શક્યો. ધંધો પણ સારો ચાલતો હતો જેથી દુકાનમાં માલ પણ ભરી રાખવો પડે અને આપણે બીજા ની દેખાદેખી માં રૂપિયા ઉડાડી દઈએ તો ધંધા નું ભવિષ્ય ખરાબ થઈ જાય.

એક દિવસ સવાર ના પહોર માં વેપારી એ એક કપડાં ની થેલી માં નવ્વાણું રૂપિયા ભરી ને તેની બાજુ માં રહેતા શાકભાજી વાળા ના ફળીયા માં ઘા કરી દીધો, થોડીવાર માં શાકભાજી વાળા ની પત્નીએ સફાઈ કરતાં કરતાં તે થેલી જોઈ ખોલી ને અંદર જોતા ગેલમાં આવી ગઈ. રૂપિયા લઇ ને ઘર માં ચાલી ગઈ અને નિરાંતે બેઠા બેઠા રૂપિયા ગણવા મંડ્યા. પુરેપુરા નવ્વાણું રૂપિયા થયા, તે તો ખુબજ ખુશ થઇ ગઈ કારણ કે તેને જિંદગી માં આટલા રૂપિયા એક સાથે કોઈ દિવસ જોયા નહોતા.

શાકવાળાની પત્ની એ વિચાર કર્યો કે આપણી પાસે રોજ બે રૂપિયા આવે છે. અને બધા વાપરી ને નવરા થઈ જઈએ છીએ. એમાં હું એક રૂપિયો બચત કરી ને નાખી દઉં એટલે હું પુરેપુરા એકસો રૂપિયાની માલિક થઇ જાઉ.

અને બસ તે દિવસે મળેલા બે રૂપિયા માંથી એક રૂપિયો બચાવ્યો અને એકસો રૂપિયા પુરા થઇ ગયા. હવે તેને સમજાઈ ગયું કે રોજ બે રૂપિયા વાપરી ને જલસા કરી નાખી તેના બદલે રોજ એક રૂપિયો બચાવીએ તો એક સો દિવસમાં મારી પાસે એક સો રૂપિયા ભેગા થઇ જાય. આ સ્ટોરી તમે justgujjuthings.com પર વાંચી રહ્યા છો.

આમ શાકભાજીવાળા ની પત્ની એ પોતાના ઘર માં કરકસર કરી ને રહેવાનું ચાલુ કરી દીધું, થોડા દિવસ પછી વેપારી તેની પત્ની સાથે બેઠા હતા. પણ વેપારી ની પત્ની પોતાના ઘરમાં વધારે ખર્ચ કરવા ની વાત ને બદલે બોલવા મંડી કે હમણાં બાજુવાળા બહુ ખેંચ માં આવી ગયા લાગે છે. હમણાં જલસા કરતા એ બધું બંધ થઈ ગયું છે.

ત્યારે વેપારી મનમાં ને મનમાં હસતો હતો. અને પછી તેની પત્ની ને કહ્યું કે આ નવ્વાણું નો ફેરો છે. જે ક્યારેય પૂરો થતો જ નથી, એક સો, બસો, ત્રણસો એમ ને એમ પુરા કરવામાં માણસ પૂરો થઈ જાય પણ આ નવ્વાણું નો ફેરો પૂરો નથી થતો. આ સ્ટોરી તમે justgujjuthings.com પર વાંચી રહ્યા છો.