પછી સંતે કહ્યું હજુ તમારે કંઈ માગવું હોય તો માંગી લો.
પંડિતજીએ જવાબ આપતા કહ્યું શ્રી સીતારામજી ની અખંડ ભક્તિ, તેમજ તેઓનો પ્રેમ મને પ્રાપ્ત થાય.
સંત તરત જ બોલ્યા નહીં, આ નહીં મળે.
પંડિતજીએ સંતનો આવો જવાબ સાંભળ્યો એટલે તેઓ આશ્ચર્યમાં પડી ગયા કે મહાત્મા આ શું બોલી ગયા? પંડિતજીએ પૂછ્યું સંત ભગવાન, મને આ વાત જરા સમજમાં ન આવી. તમે કેમ ના પાડી?
સંતે કહ્યું તમારા મનમાં સૌપ્રથમ પ્રાથમિક્તા ધનની, સન્માનની અને ઘરની છે. બીજી પ્રાથમિકતા તમારી પુત્રની છે અને અંતિમ પ્રાથમિકતા ભગવાનની ભક્તિની છે.
જ્યાં સુધી આપણે સંસારમાં, પરિવાર, ધન, પુત્ર વગેરેના પ્રાથમિકતા આપીએ છીએ ત્યારે ભક્તિ મળતી નથી.
***
ભગવાને જ્યારે કેવટ ને પૂછ્યું કે તમારે શું જોઈએ છે? ત્યારે કેવા માટે કંઈ જ માંગ્યું ન હતું.
રામકથા માંથી લિધેલી અમુક ચોપાઈનો ભાવાર્થ અહીં નીચે છે.
નિષાદરાજ અને લક્ષ્મણજી સહિત શ્રી સીતાજી અને શ્રી રામચંદ્રજી નાવમાં થી ઉતરી ને ગંગાજી ની રેતીમાં ઊભા રહી ગયા. ત્યારે કેવટે ઉતરીને પ્રભુ સમક્ષ જોઈને તેઓને દંડવત કર્યા, કેવટ ને દંડવત કરતો જોઈને પ્રભુને સંકોચ થયો કે કેવટને કશું આપ્યું નહીં.
***
પતિના હૃદયને જાણવાવાળી સીતાજી એ આનંદ ભરેલા મનથી પોતાની હીરા જડિત વીટી ને આંગળીમાંથી ઉતારી. કૃપાળુ શ્રી રામચંદ્રજીએ કેવટ ને કહ્યું કે નાવ ની મજૂરી લઈ લે. કેવટ એ વ્યાકુળ થઈને પ્રભુશ્રી રામના ચરણ પકડી લીધા.
***
તેને કહ્યું, હે નાથ, આજે મને શું-શું નથી મળ્યું! મારા દોષ, દુઃખ અને દરિદ્રતા ની આગ આજે બુઝાઈ ગઈ છે. મેં ઘણા સમય સુધી મજૂરી કરી, વિધાતાએ આજે મને ખૂબ જ સારી અને ભરપૂર માત્રામાં મજૂરી આપી દીધી છે. ભગવાનના વારંવાર કહેવા છતાં પણ કેવટે કશું જ લીધુ નહીં, ત્યારે જઈને પ્રભુએ તેને ભક્તિ પ્રદાન કરી. હનુમાનજીને જાનકી માતા એ અનેક વરદાન આપ્યા, બળ, બુદ્ધિ, સિદ્ધિ, અમરત્વ વગેરે પરંતુ તેઓએ કંઈ પ્રસન્નતા વ્યક્ત કરી નહીં. એટલે આખરે જઈને જાનકી માતા અને પ્રભુ શ્રીરામ શ્રી રામજી નો પ્રેમ અને અખંડ ભક્તિ નું વરદાન આપ્યું.
કોની ભક્તિમાં જ શક્તિ છે અને શક્તિથી જ જીવનમાં મોક્ષ પ્રાપ્ત થઇ શકે છે, જો મનમાં લગન હોય તો આપણે કશુ એવી વસ્તુ નથી જે ન પામી શકીએ.