દીકરી પોતાની માતા સાથે પોલીસમાં પોતાના પતિ વિરુદ્ધ તેમજ તેના સાસરી વાળા વિરુદ્ધ ફરિયાદ કરવા માટે જઈ રહી હોય છે.
મનમાં પહેલેથી લઈને ઘણી બધી વાતો યાદ કરીને બેઠી છે ત્યાં જઈને આના વિશે, તેના વિશે એમ અનેક ફરિયાદો નોંધાવવાની હોય છે.
દીકરીની માતા પણ તેને કહે છે કે તું જરા પણ ચિંતા નહીં કરતી,, આપણે બધી ફરિયાદ નોંધાવીને બધી જ સમસ્યાનો નિવારણ લાવીશું.
થોડા સમય પછી પોલીસ સ્ટેશન આવી જાય છે. માતા અને દીકરી બંને અંદર જઈને પોલીસ ઓફિસર પાસે જઈને ફરિયાદ નોંધાવવા માટે વાત કરે છે.
તેની બધી રજૂઆત સાંભળીને ઓફિસર દીકરીને પૂછે છે કે શું તમને તમારા પતિ મારે છે? ત્યારે દીકરી જવાબમાં ના પાડે છે.
તો શું તમને તમારા પતિ તમારા માતા-પિતા પાસેથી કંઈ માંગીને લઈ આવવા માટે કહે છે? શું એ તમને ખાવા પીવા માટે કે પહેરવા માટે કંઈ દેતા નથી? શું સાસરીવાળા તમને કંઈ કહે છે? શું તમારો કોઈ પણ રીતે ખ્યાલ નથી રાખતા?
એક પછી એક ઓફિસર ઘણા સવાલો પૂછતા ગયા, પરંતુ દીકરીએ બધા સવાલના જવાબમાં ઈશારાથી ના પાડીને જવાબ આપી.
આ સવાલ જવાબ ચાલુ હતા એ દરમિયાન દીકરીની માતા જાણે ખૂબ જ અકળાઈ ચૂકી હતી,. તરત જ વચ્ચે પડીને ઓફિસર કંઈ પણ આગળ બોલે તે પહેલા કહ્યું કે પરંતુ તમે સમજતા નથી મારી દીકરી ખૂબ જ પરેશાન છે.
તેના સાસરીમાં તેને ટોર્ચર કરે છે, પોલીસ ઓફિસર ને મામલો શું છે તે સમજતા વાર ન લાગી, તેને તરત જ દીકરીની માતાને પૂછ્યું બહેન મારે તમને થોડા સવાલો પૂછવા છે પૂછી શકું.
દીકરીની માતા એ હા માં જવાબ આપ્યો.
પોલીસ ઓફિસર તેના સવાલને આગળ વધારતા કહ્યું બહેન તમે તમારા ઘરમાં દહીં બનાવ્યું છે કોઈ દિવસ?