શાકભાજીમાં એમ કહેવામાં આવે છે કે પ્રોટીન અને ખનિજ ના ખજાના વિશે વાત કરવામાં આવે તો તેમાં સરગવા ની વાત નીકળે જ. મુખ્યત્વે આપણે બે રીતે ખાતા હોઈએ છીએ, સરગવાની સિંગ પણ મળે છે તેમજ તેનાં પાંદડાં પણ ખાવામાં ઉપયોગ કરવામાં આવે છે. ઘણા લોકો સરગવાની સિંગ નું શાક વગેરેનો આનંદ લઇ ચૂક્યા હશે પરંતુ ઘણા લોકોએ સરગવાના પાન નહીં ખાતા હોય! જણાવી દઈએ કે સરગવાના પાન પણ ઘણા ફાયદાકારક છે.
ચાલો જણાવીએ મુખ્યત્વે સરગવાના ફાયદાઓ વીશેઃ
સરગવાના ઘણા બધા ફાયદાઓ છે, આ લેખમાં તેના આપણે મુખ્ય ફાયદાઓ વિશે જણાવીશું. સરગવાના પાન તેમજ તેની સિંગ જો કોઈ ગર્ભવતી મહિલાઓ અથવા સ્તનપાન કરાવતી મહિલાઓ કે પછી પિરિયડ ચાલી રહ્યો હોય તેવી મહિલાઓ ઉપયોગ કરે તો તેઓને ઘણો ફાયદાકારક સાબિત થાય છે.
ઘણા લોકોને પાચનને લગતા પ્રોબ્લેમ હોય તો તેમાં પણ સરગવો ફાયદાકારક સાબિત થઈ શકે છે.
સરગવામાં રહેલા પોષક તત્વ આપણી રોગ પ્રતિકારક શક્તિને મજબૂત કરે છે આથી આપણું શરીર રોગ સામે લડી શકવા માટે વધુ સક્ષમ બને છે.
જો કોઈને ગેસ અથવા એસિડિટીની તકલીફ હોય તો તેવા લોકોને પણ સરગવાથી ઘણો લાભ પહોંચી શકે છે.