એક પ્રોફેસર તેઓના વર્ગમાં એક વાર્તા કહી રહ્યા હતા.
પ્રોફેસરે કહ્યું,
એક વખત સમુદ્રની વચ્ચે એક મોટા જહાજ પર એક ખૂબ જ મોટો અકસ્માત થયો. કપ્તાને જહાજને ખાલી કરાવવાનો આદેશ આપ્યો. જહાજમાં એક યુવાન દંપતિ પણ હતા.
જ્યારે લાઈફબોટમાં મુસાફરી કરવા માટે તેઓ નો નંબર આવ્યો ત્યારે જોવા મળ્યું કે લાઇફ બોટમાં તો એક જ વ્યક્તિ માટે જગ્યા હતી. આ સમયે તે યુગલ માંથી તે યુવક યુવતીને છોડીને લાઇફ બોટમાં બેસી ગયો.
ડૂબતા જહાજ પર ઊભેલી યુવતીએ તેના પતિને બૂમ પાડી અને એક વાક્ય કહ્યું…
હવે પ્રોફેસરે વિદ્યાર્થીઓને પૂછ્યું તમને બધાને શું લાગે છે તે સ્ત્રીએ તેના પતિને શું કહ્યું હશે?
મોટાભાગના વિદ્યાર્થીઓ તરત જ બોલી ઉઠ્યા કે સ્ત્રીએ એવું કહ્યું હશે કે હું તમને નફરત કરું છું અને કોઈએ કહ્યું સ્ત્રી એવું કહ્યું હશે કે હું તમને ધિક્કારું છું.
પ્રોફેસર ધ્યાનથી વર્ગમાં નજર કરી તો તેઓની નજર એક વિદ્યાર્થી પર પડી છે એકદમ શાંત બેઠો હતો, પ્રોફેસરે તરત જ એ વિદ્યાર્થીને પૂછ્યું તને શું લાગે છે?
છોકરાએ કહ્યું મને લાગે છે કે સ્ત્રીએ કહ્યું હશે કે આપણા બાળકની સંભાળ રાખજો.
પ્રોફેસર આશ્ચર્ય ચકિત થઈ ગયા અને તેણે છોકરાને પૂછ્યું તે આ વાર્તાને પહેલા સાંભળી હતી? છોકરાએ કહ્યું ના, મેં આ વાર્તાને કદી નથી સાંભળી પરંતુ જ્યારે મારી માતા બીમાર હતી ત્યારે મૃત્યુ પામતી વખતે મારી માતાએ છેલ્લા શબ્દો મારા પિતાને આ જ કહ્યા હતા.
પ્રોફેસર તે બાળક નો જવાબ સાંભળી થોડા ઉદાસ થઈ ગયા અને કહ્યું તારો જવાબ સાચો છે.
પ્રોફેસરે પોતાની વાર્તાને આગળ ધપાવી: જહાજ ડૂબી ગયું, પેલી યુવતી મૃત્યુ પામી. પતિ કિનારે પહોંચ્યો અને તેને બાકીનું જીવન પોતાની એક માત્ર દિકરીના ઉછેર માટે સમર્પિત કરી દીધું.
દીકરીને ખૂબ જ લાડકોડથી ઉછેરી, દીકરી ભણી-ગણીને મોટી થઈ. પરંતુ ક્યારેય પણ દીકરી ના મોઢે આ બનાવ વિશે વાત નહોતી કરી. દીકરીને કોલેજ પણ પૂરી થઈ ગઈ. દીકરીના પિતાની તબિયત હવે પહેલા કરતાં થોડી નરમ રહેવા લાગી. દીકરી તેના પિતાનું પણ ખૂબ જ ધ્યાન રાખતી.
થોડા વર્ષોની લાંબી બિમારી પછી તે વ્યક્તિ મૃત્યુ પામે છે, પરંતુ હજુ સુધી દીકરી ને એ બનાવ વિશે કોઈપણ પ્રકારની જાણ નહોતી.
થોડા દિવસો પછી દીકરી એક દિવસ અચાનક સફાઈ કરતી વખતે તેની દીકરી ના હાથમાં તેને પિતા ની ડાયરી મળી.
દીકરીને કોઈ દિવસ વાત ની જાણ નહોતી કરી પરંતુ ડાયરીમાં બધો જ ઉલ્લેખ હતો. ડાયરી માંથી દીકરી ને ખબર પડી કે જ્યારે તેના માતા-પિતા તે જહાજમાં મુસાફરી કરી રહ્યા હતા ત્યારે તેની માતા જીવલેણ બીમારીથી પીડાઇ રહી હતી. અને તેના જીવનમાં હવે થોડો જ સમય બાકી રહ્યો હતો.
એ સમયે તેના પિતાએ ખૂબ જ સખત નિર્ણય લીધો અને લાઈફબોટ પર કૂદી પડ્યા.
તેના પિતાએ ડાયરીમાં લખ્યું હતું કે તારા વિના મારા જીવવાનો કોઈ અર્થ નથી, હું પણ તારી સાથે સમુદ્રમાં જ જોડાવા માંગતો હતો પરંતુ જ્યારે આપણા સંતાન વિશેનો વિચાર આવ્યો ત્યારે મારે તને એકલી છોડી દેવી પડી હતી.
પ્રોફેસરે પોતાની વાર્તા પૂર્ણ કરી. આખા વર્ગમાં શાંતિ પ્રસરી ગઇ હતી.
આ વાર્તામાંથી ઘણી બધી વસ્તુ સમજવા મળે છે, આ દુનિયામાં ઘણી સાચી તેમજ ખોટી વસ્તુઓ છે. પરંતુ આ સિવાય પણ ઘણી એવી વસ્તુઓ છે જે સમજવા માટે સરળ નથી. એટલે કોઈ પણ પરિસ્થિતિને ઉંડાણપૂર્વક જોયા પહેલા માત્ર તેની ટોચની સપાટીથી જોઈને તેનું મૂલ્યાંકન કરી શકાતું નથી.
જ્યારે પણ ઝઘડો થાય છે ત્યારે જરૂરી નથી કે જેણે ભૂલ કરી હોય તે જ પહેલા માફી માંગે, કદાચ ભૂલ ન કરી હોય તેમ છતાં તે માફી માંગે કારણકે તેઓ એવું પણ સમજતા હોય કે સંબંધોને જાળવી રાખવું તે વધારે મહત્વપૂર્ણ છે.
જીવનમાં જે લોકો તમને મદદ કરે છે કે તમારા કામમાં આવે છે તે જરૂરી નથી કે તમારા અહેસાન ના ભાર હેઠળ બધું કરતા હોય. તેઓ એટલે પણ મદદ કરે છે કારણકે તેમના હૃદયમાં પણ દયા અને કરુણા રહેલી હોય છે.
જો તમને આ સ્ટોરી પસંદ પડી હોય તો દરેક લોકો જોડે શેર કરજો, અને આ સ્ટોરીને કમેન્ટમાં ૧ થી ૧૦ ની વચ્ચે રેટિંગ પણ આપજો.
આ જ સ્ટોરી મધુર સંગીત સાથે સાંભળીને અનુભવવા માટે નીચેનો વીડીયો અચુક જુઓ અને આવી જ બીજી રસપ્રદ સ્ટોરી સાંભળવા માટે આપણી ચેનલને સબસ્ક્રાઈબ પણ કરજો…