બીજા દિવસે વિશાલ ને ડોક્ટરે બોલાવ્યો અને કહ્યું કે અભિનંદન તમને જોઈતા બ્લડ ગ્રુપ ની કિડની નું દાન મળી ગયું છે. વિશાલે પૂછ્યું કે એ ભગવાન જેવો કિડની નો દાતા કોણ છે ??? ત્યારે ડોકટરે કહ્યું કે હજુ સુધી તો મારે તેની સાથે ફોન પર જ વાતચીત થઇ છે.
ખુબ જ ઝડપથી ઓપરેશનની તૈયારી થવા લાગી અને ડોકટર દ્વારા સફળતા થી ઓપરેશન પૂર્ણ કરવા માં આવ્યું બે ત્રણ દિવસ પછી નિશા ની તબિયત સામાન્ય થતા વિશાલ ડોકટર પાસે ગયો અને કિડની આપનાર ને રૂપિયા આપવાની અને મળવાની વાત કહી.
ત્યારે ડોકટરે કહ્યું કે તે વ્યક્તિ તો આજે સવારે જ હોસ્પિટલે થી રજા લીધી અને નીકળી ગયા છે તેનું નામ પૂછતાં ડોકટરે કહ્યું કે તેને રવિ બતાવ્યું છે હવે નિશા પણ કિડની આપનાર વ્યક્તિ ને મળી ને આભાર માનવા અને તેની જિંદગી બચાવવા માટે ઉતાવળી થતી હતી.
પણ રવિ નામ ના વ્યક્તિ ને તેની સાથે કોઈ જાત ની ઓળખાણ ના હોવાથી ડોકટર ને આગ્રહ કર્યો કે સી સી ટી વી કેમેરા માં આવેલો તેનો ફોટો બતાવો ત્યારે ડોકટરે કેમેરા માં ના દ્રશ્યો બતાવ્યા ત્યારે રવિ નીચે જોઈ ને ચાલી રહ્યો હોવાથી મોઢું તો ના જોઈ શક્યા પણ તેના હાથ પર ના નિશાન પાર થી નિશા ઓળખી ગઈ કે એ રવિ બીજું કોઈ નથી તેનો સગો ભાઈ રાજુ જ છે.
ત્યારે ડોકટરે પણ કહ્યું કે એક ભાઈ નું બલિદાન છે તેની બહેન ની જિંદગી બચાવવા માટે. તમારે એક બીજા સાથે વ્યવહાર ભલે ના હોય પણ તમારું જીવન તમારા સગા ભાઈ એ જ બચાવ્યું છે. અને હા રાજુ જતા જતા કહેતો ગયો છે કે આપણે સામાજિક અને પારિવારિક સંબંધો પૂર્ણ થઇ ગયા છે.
પણ આપણા લોહી ના સંબંધો જીવન પર્યન્ત ચાલુ રહેશે મારુ કામ મેં કરી આપ્યું છે, અને એ માટે થઈ ને આભાર માનવા માટે ઘરે આવવાની જરા પણ જરૂર નથી.
જો તમને આ સ્ટોરી પસંદ પડી હોય તો દરેક લોકો જોડે શેર કરજો તેમજ કમેન્ટમાં 1 થી 10 ની વચ્ચે રેટિંગ પણ આપજો.