દીકરાને 45 વર્ષ પહેલા બનેલી ઘટનાની ખબર પડી કે તરત જ તેના પિતા પાસે ગયો અને કહ્યું...

(ટ્રીન ટ્રીન… ટ્રીન ટ્રીન…)

31 વર્ષની વ્યક્તિ પોતાની દુકાનમાં બેઠા બેઠા ગ્રાહકોને જવાબ આપી રહ્યા હતા, ઘણા સમય પહેલાંની કરિયાણાની દુકાન હોવાથી ઘરાકી જામેલી હતી, ગ્રાહકોની ભીડ પણ હતી એવામાં ફોન પર રીંગ વાગી, એ સમયની વાત છે જ્યારે મોબાઈલનો હજી આપણા દેશમાં પ્રવેશ પણ નહોતો થયો. કદાચ મોબાઈલ શોધાયાં પણ નહોતાં.

ફોનની બે રિંગ પૂરી થાય તે પહેલાં જ તે વ્યક્તિએ ફોન ઊંચક્યો અને સામેથી અવાજ સંભળાયો પપ્પા પપ્પા તમે જલ્દી ઘરે આવી જાઓ મને પગમાં વાગ્યું છે અને ખૂબ જ લોહી નીકળે છે.

એ વ્યક્તિના સાત વર્ષના દીકરા નો કાપતો અવાજ સાંભળીને તરત જ એ પિતા ના હૃદય માં ફાળ પડી ગઈ અને તરત જ દુકાન ના કાઉન્ટર પરથી કૂદકો મારીને સીધા બહાર જઈને તરત જ ઘરે જવા નીકળી ગયા, પાછળ નોકરને કહેવા પણ ન રોકાયા કે ક્યાં જાય છે અને કેટલા સમયમાં આવશે બધું નોકરના ભરોસે છોડી ને ઘરે પહોંચી ગયા અને તરત જ દીકરાને લઈને ઘરથી થોડી નજીક આવેલી હોસ્પિટલ પર જઈને તરત જ ડોકટરની કેબિનમાં અંદર જતા રહ્યા અને કહ્યું ડોક્ટર જોવા મારા દીકરાને શું થયું છે.

ડૉક્ટર સાહેબે તપાસીને કહ્યું અહીં ડ્રેસિંગ કરવું પડશે કોઈ ગભરાવાની કે ડરવાની જરૂર નથી. તરત જ ડૉક્ટર ડ્રેસિંગ પણ કરી આપ્યું.

ત્યાં તો કહ્યું ડોક્ટર સાહેબ થોડી દવા પણ લખી આપો જેથી તેને દુખાવો ઓછો થઈ જાય, અને સારામાં સારી દવા લખી આપો જેથી જલ્દીથી જલ્દી તેને આ સારુ થઈ જાય. આ સ્ટોરી તમે justgujjuthings.com પર વાંચી રહ્યા છો.

ડોક્ટરે કહ્યું અરે ભાઈ તમે આટલી બધી ચિંતા નહીં કરો દીકરાને કશું નથી થયું માત્ર ત્રણ-ચાર દિવસમાં જ એ સંપૂર્ણ રીતે સ્વસ્થ થઈ જશે. “પરંતુ સાહેબ રાત્રે નીંદર તો આવી જશે ને?”

ડોક્ટરે કહ્યું અરે તમે નાહકની ચિંતા કરો છો આટલી બધી ચિંતા ન કરો, તમારો દીકરો ગણતરીના દિવસોમાં જ એકદમ સ્વસ્થ થઈ જશે.

ત્યાંથી દીકરાને લઈને તેને ઘરે મૂકી આવ્યા થોડા સમય સુધી ત્યાં ને ત્યાં બેસી રહ્યા અને થોડા સમય પછી તેઓ ફરી પાછા દુકાને ગયા તો દુકાને તરત જ નોકર બોલ્યો અરે શેઠ તમે કેમ આટલા અચાનક કંઇ કીધા વગર જતા રહ્યા હતા અને આ શું તમારા શર્ટમાં લોહી કેમ લાગેલું છે? આ શર્ટ માંથી હવે આ ડાઘા પણ નહીં જાય શું થયું છે?

તે વ્યક્તિએ નોકરને બધી વાત કરી અને કહ્યું કે આવા શર્ટ તો બીજા ઘણા લઈ શકીશ પરંતુ મારા દીકરાનું લોહી વહેતું રહ્યું એની ચિંતા મને વધારે થઈ રહી છે. તે કમજોર ન પડી જાય બસ એટલી જ પ્રાર્થના છે, ત્યાર પછી પોતાની જ દુકાનમાં કામ કરી રહેલા નોકરને કહ્યું આપણી દુકાનમાં ગઈકાલે જ ડ્રાયફ્રુટ આવ્યા છે તેમાંથી બધા ડ્રાયફ્રુટ પેક કરી રાખ તેમજ બહારથી થોડા ફ્રૂટ લઈને પછી દુકાન બંધ કરીને કરે આપી જજે હું હવે ઘરે જાવ છું.

એમ કહીને શેઠ ઘરે જતા રહ્યા…

*** સમય વીતી ગયો, 45 વર્ષ પછી આ ઘટના બને છે ***

પહેલા ની જે દુકાન હતી, એ દુકાન હવે ભવ્ય મોલ માં તબદીલ થઇ ચૂકી છે, પહેલા જેમાં એક નોકર કામ કરતા હતા. ત્યાં આજે 35 થી પણ વધારે કર્મચારીઓ કામ કરી રહ્યા છે.

વર્ષો પહેલા કરિયાણાની દુકાન તરીકે ઓળખાતી આ દુકાન હવે મોલ તરીકે ઓળખાવા લાગી છે, દીકરાએ ધંધાને ખૂબ જ સારી રીતે વિકસિત કર્યો છે. અને સાથે સાથે પોતાનું ભણતર પણ ધંધામાં ઉપયોગ કરીને દિવસેને દિવસે પ્રગતિ કરતો રહે છે. પિતાજી પણ હવે નિવૃત્ત થઈ ચૂક્યા છે અને કદાચ એકાદ વર્ષે એક વખત મોલમાં આંટો મારવા આવતા હશે બાકી તો ઘર પર જ હોય છે.

દીકરો પોતાની ઓફિસમાં બેઠો હતો અને ત્યારે જ ઘરેથી તેની પત્નીનો ફોન આવે છે. આ સ્ટોરી તમે justgujjuthings.com પર વાંચી રહ્યા છો.

પત્નીએ ફોન ઉપર કહ્યું, પપ્પા સોફા પરથી પડી ગયા છે અને માથામાંથી લોહી નીકળી રહ્યું છે.

છોકરો જવાબ આપતા કહે છે અરે યાર પપ્પા પણ તેને કહ્યું છે કે તમે સોફા પર સૂવું હોય તો ખૂબ જ ધ્યાન રાખીને સૂવું અથવા નીચે જ સુઈ જવું પરંતુ એ છે કે એક વાત પણ માનતા નથી.

ચાલ હું કોઈને મોકલું છું એમ કરીને ફોન કાપી નાખ્યો.

ઓફિસમાંથી બહાર જઈને એક નોકર ને ઈશારો કરીને પોતાની પાસે બોલાવે છે અને કહે છે ભાઈ તમે ઘરે જાવ અને પપ્પાને હોસ્પિટલ લઈને ત્યાં જાઓ ત્યાં હું થોડીવારમાં હોસ્પિટલ પહોંચું છું.

નોકર ઘરે પહોંચે છે એટલી વારમાં તેના પિતાજી નું ઘણું લોહી વહી ચૂકયું હતું અને તેઓને તરત હોસ્પિટલ લઈ જવા પડે તેમ હતા. નોકરી જઈને પૂછ્યું કે કંઈ વાહન મંગાવ્યું છે ત્યારે વહુએ જવાબ આપ્યો મને તો એમ હતું કે તમે કંઈક લઈને આવશો, મેં કંઈ મંગાવ્યું નથી.

માથામાંથી લોહી વહી જવાને કારણે તેનાથી શબ્દ બોલાતા નહોતા. તરત જ નોકરી બાજુમાંથી કોઈને કહી ને રીક્ષા મંગાવી અને જેમતેમ કરીને રિક્ષામાં લઈને હોસ્પિટલમાં પહોંચ્યા.

હોસ્પિટલ પહોંચીને તેના શેઠ ની રાહ જોઈ રહ્યો હતો પરંતુ તે હજી ત્યાં પહોંચ્યા નહોતા એટલે શેઠ ને ફોન કરીને પૂછ્યું તો તેને કહ્યું ભાઈ તું પિતાજીને ડોક્ટર ને બતાવો હું થોડા સમયમાં પહોંચું છું ગાડીની ચાવી પણ નથી મળી રહી એટલે હું કોઈકને કહું છું મને ત્યાં મૂકી જાય.

આજ થી ૪૫ વર્ષ પહેલા જ્યારે દીકરાના પગમાંથી થોડું લોહી જોઈને દસ મિનિટ ના રસ્તામાં દીકરાને ખોળામાં લઇ ને જાણે એક શ્વાસે હોસ્પિટલે પહોંચી ગયા હોય તે રીતે એક બાપ એના દીકરાને હોસ્પિટલ પહોંચાડ્યો હતો.

અને આજે એનો જ દીકરો દોઢ કલાકથી પણ વધારે સમય લઇ ને પણ આવી ન શક્યો.

ડોક્ટરે પિતા નો ઈલાજ શરૂ કર્યો થોડા જ સમય પછી તેનો દીકરો પણ ત્યાં પહોંચી ગયો એટલે ડોક્ટરે પરિસ્થિતિથી વાકેફ કર્યા અને કહ્યું ભાઈ લોહી વધારે પડતું વહી ગયું છે એટલા માટે તમારા પિતાજીને અહીં દાખલ કરી દેવાની સલાહ આપીશ, અને થોડો આરામ ની પણ જરૂર રહેશે.

દીકરાએ કહ્યું અરે ડોક્ટર સાહેબ કંઈ નથી થયું તમે માત્ર ડ્રેસિંગ કરી આપો બેથી ચાર દિવસમાં તો સારું થઈ જશે ડોક્ટરે કહ્યું ભલે જેવી તમારી ઈચ્છા હું થોડી દવા લખી આપું છું થોડી મોંઘી દવા છે પરંતુ એ લેવાથી તમારા પિતાજીને જલ્દી આરામ મળશે. આ સ્ટોરી તમે justgujjuthings.com પર વાંચી રહ્યા છો.

દીકરાએ કહ્યું અરે ડોક્ટર સાહેબ તેઓને આમ પણ ક્યાંય જવાનું નથી હોતું એટલે જલ્દી આરામ મળે કે મોડો એ કંઈ ફેર પડતો નથી. પિતાજી અંદર હતા પરંતુ અચાનક જ પિતાજી ને મળ્યા વગર નોકરને કહ્યું ચાલો મારે જવું પડશે ત્યાં કસ્ટમર વધારે છે એટલા માટે મારી જરૂર પડશે. એમ કહીને દીકરો નીકળી ગયો.

પરંતુ સદનસીબે હોસ્પિટલના ડોક્ટર તેના પિતાજી ને ખૂબ જ સારી રીતે ઓળખતા હતા અને વર્ષોથી ત્યાં જ હોસ્પિટલ ચલાવતા હતા. એટલે ડોક્ટર થી હવે રહેવાયું નહીં અને તેની નોકર સાથે વાતચીત સાંભળીને દીકરાને કહ્યું ભાઈ તને તો કદાચ આ વાતની ખબર પણ નહીં હોય પરંતુ અંદાજે 45 વર્ષ પહેલા આવું આવું બન્યું હતું એમ કહીને 45 વર્ષ પહેલા બનેલી ઘટના સંભળાવી.

દીકરાને આ સાંભળીને ખૂબ જ રડવું આવ્યું, અને અત્યંત પશ્ચાતાપ થવા લાગ્યો. પિતાજીના પગ પકડીને માફી માંગી અને કહ્યું માફ કરી દો પપ્પા. એટલામાં જ તેના ફોનની રીંગ વાગી તેની પત્ની નો ફોન હતો તેને ફોનમાં કહ્યું તમે ક્યાં છો, પપ્પાને લઈને હોસ્પિટલે ગયા છે હવે અહીં લોહી વાળું બધું સાફ કર્યું પરંતુ સોફામાં ડાઘ પડી ગયો છે તે જતો નથી હવે હું શું કરું.

ત્યારે દીકરાએ જવાબ આપતા કહ્યું કાંઈ વાંધો નહીં સોફો બગડી ગયો હોય તો એ આપણે નવો લઈ આવશો અત્યારે તું તેમાં નવી પથારી કરી આપ હું પપ્પાને લઈને આવી રહ્યો છું, ફોનમાં તેની પત્ની સાથે કરેલી આ વાતને સાંભળીને તેના પિતા આવું થઈ ગયા અને આંખમાં ખુશીના આંસુ આવવા લાગ્યા.

જાણે તેને માથામાં વાગ્યા નો દુખાવો જ ભુલાઈ ગયો હોય એમ તરત જ ઊભા થઈને દીકરાને ભેટી પડ્યા, અને કહ્યું બસ હવે તો મને મૃત્યુ આવી જાય તો પણ મંજૂર છે.

આજના જમાનામાં ઘણી જગ્યાએ આજે પણ આવું થતું રહે છે, માતા-પિતા એકલતામાં પોતાનું જીવન વિતાવી રહ્યા છે અને દીકરા દીકરીઓ સફળતા ને પૈસા ની પાછળ બધું ભૂલીને લાગી ગયા છે.

જો આ સ્ટોરી વિશે તમે કશું કહેવા માંગતા હોય તો કમેન્ટ કરીને જણાવી શકો છો, તેમજ આ સ્ટોરી ને કમેન્ટમાં ૧ થી ૧૦ ની વચ્ચે રેટિંગ પણ આપજો.