અધિકારી એ આવતા જ વર્મા સાહેબને કહ્યું, “વર્માજી, તમારી દીકરી અને આ બાકી છોકરાંઓ શહેરની બહાર ફાર્મહાઉસમાં ડ્રગ્સ સાથે રેવ પાર્ટી કરતા પકડાયા છે. આ શું સંસ્કાર આપી રહ્યા છો તમારા બાળકોને? એવુ શું થયું કે તમે આટલી રાતે બહાર જવા દીધા? શરમ આવે એવી વાત છે.”
વર્મા સાહેબનું માથું શરમથી ઝૂકી ગયું. તેમના અંદર નિરાશા અને દુઃખનો મહાસાગર ઊભો થયો. તેમણે પોતાની દીકરી પર એટલો વિશ્વાસ કર્યો હતો, તેને આઝાદી આપી હતી કે તે પોતાની જવાબદારીઓને સમજશે. પરંતુ સ્નેહાએ તેમના ભરોસાને તોડી નાખ્યો. તેમના દિલમાં એક જ પ્રશ્ન ફરતો રહ્યો—શા માટે સ્નેહાએ તેમના વિશ્વાસ સાથે દગો કર્યો?
સ્નેહાએ પપ્પાની તરફ જોયું, તેની આંખોમાં પસ્તાવો હતો. તેને લાગતું હતું કે તે આ રાતનો આનંદ ઉઠાવીને પરત ઘર પહોંચી જશે અને બધુ સામાન્ય થઇ જશે. પરંતુ હવે તેને પોતાની ભૂલનો અનુભવ થઈ ગયો હતો. તે તેના માતા-પિતાના વિશ્વાસ સાથે રમી હતી, અને હવે તેની પાસે માત્ર શરમ હતી.
રમેશ સાહેબ સ્ટેશન થી પાછા ફરતા મૌન હતા, મીનાક્ષી પણ સ્નેહાની આ હરકત વિશે સાંભળીને તૂટી પડી હતી. તેઓ સમજી શકતા નહોતા કે તેઓએ પોતાની દીકરીને આટલા સારા સંસ્કાર આપ્યા છતાં, તે કેવી રીતે આટલી મોટી ભૂલ કરી શકી? ઘેર પહોંચી ને સ્નેહાનો સામનો તેની મમ્મી સાથે થયો, જેમણે તેને જોયા અને રડવા માંડી. સ્નેહાએ માફી માંગી, પણ તે જાણતી હતી કે કઈક ભૂલો એવી હોય છે, જેમના માટે માફી મળવી સહેલી નથી.
આ ઘટના વર્મા પરિવાર માટે એક કડવો પાઠ હતી. વિશ્વાસનું મહત્વ સમજાવતા માતા-પિતા પણ ક્યારેક આ કઠણ અનુભવ માંથી પસાર થાય છે. આ પ્રસંગ શીખવે છે કે માતા-પિતાનું પ્રેમ અને તેમની સલાહ આપણા જીવનમાં અમૂલ્ય છે. તેઓ ભલે ક્યારેક કઠણ લાગે, પણ તેમનો દરેક નિર્ણય આપણને સુરક્ષિત અને સત્યના માર્ગ પર રાખવા માટે હોય છે. આપણે ક્યારેય તેમના વિશ્વાસને દગો નહીં આપવો જોઈએ, કારણ કે એકવાર ગુમાવેલું વિશ્વાસ પાછું મેળવવું સૌથી મુશ્કેલ છે.
જો આ સ્ટોરી તમને પસંદ પડી હોય તો દરેક લોકો સાથે શેર કરજો તેમજ આ સ્ટોરીને કમેન્ટમાં રેટિંગ પણ આપજો.