દીકરીના લગ્ન હતાં, અને દીકરીના પિતા ને કોઈ છોકરા એ ચિઠ્ઠી લખી જેમાં લખેલુ વાંચીને દીકરીના પિતા…

અતુલભાઇ ની દીકરીના લગ્ન હતાં અને બધા લોકો તેની તૈયારીમાં પડ્યા હતા. અતુલભાઇ ના સંતાનમાં માત્ર એક જ દીકરી હોવાથી તેના માટે તેના લગ્ન નું વિશેષ મહત્વ હતું. એટલા માટે જ પોતાની કંપનીમાંથી પોતે એક મહિનાની રજા લઈને ઘરે આવી ગયા હતા.

ઘરે આવીને બધી તૈયારીઓ વિશે તેઓ માહિતી લેતા અને કોઈ કામ બાકી હોય વગેરે વિશે પૂછતાં અને બધી તૈયારી પુરી કરાવતા. એકદિવસ કોઇ ખરીદીમાં બહાર ગયા હતા અને ત્યાંથી ઘરે આવ્યા.

ઘરે જઈને ફ્રેશ થઈ ગયા પછી તરત જ અતુલભાઇ ને તેની પત્નીએ કહ્યું એક ચિઠ્ઠી તમારા નામ ઉપર આવી છે. ત્યાં ડ્રોઈંગ રૂમમાં રાખી છે તમે તેને જોઈ લેજો. અતુલભાઇ ને નવાઈ લાગી કારણકે આ સ્માર્ટફોનના જમાનામાં કોઈની ચિઠ્ઠી આવે એટલે નવાઈ લાગે.

તેમ છતાં ડ્રોઈંગરૂમ માં જઈ ને તે ચિઠ્ઠી એક કવરમાં હતી એક કવર ખોલીને ચિઠ્ઠી બહાર કાઢી, ચિઠ્ઠી ઉપર નામ લખ્યું હતું “મયંક”. એક એવું નામ જેને મળ્યા ને વર્ષો વીતી ગયા હતા, તરત જ ચિઠ્ઠી બહાર કાઢી અને પાછળ કવર માં જોયું તો બીજો એક કાગળ હતો તે બહાર કાઢ્યો. એક આગળ કોઈ સામાન્ય કાગળ નહોતો, એ ચેક હતો એ પણ એક કરોડ રૂપિયાનો.

આટલી મોટી રકમ ચેકમાં અને ચેક પણ પોતાના નામ ઉપર આ બધું જોઇને તરત જ ચિઠ્ઠી ખોલી અને આશ્ચર્યચકિત થઇને તેમાં શું લખ્યું છે તે એક જ શ્વાસે બધું વાંચી ગયા તે ચિઠ્ઠીમાં લખ્યું હતું…

નમસ્કાર સર,

હું તમારા માટે એક નાનકડી એવી તુચ્છ ભેટ મોકલી રહ્યો છું, મને તો લાગતું નથી કે તમારા અહેસાન નું કોઈ દિવસ હું ઋણ ચૂકવી શકું પરંતુ મારી નાની બહેન માટે આ આપી રહ્યો છું. ઘરમાં દરેક લોકોને મારા પ્રણામ કહેજો. આ સ્ટોરી તમે justgujjuthings.com પર વાંચી રહ્યા છો.

તમારો, મયંક.

આ ચિઠ્ઠી જોઈને તરત જ અતુલભાઇ ને વર્ષો પહેલા એક બનેલી ઘટના નજર સમક્ષ દેખાવા લાગી.

એક દિવસની વાત છે જ્યારે અતુલભાઇ દરરોજની જેમ જમીને ચાલવા માટે નીકળ્યા હતા અને એવામાં અચાનક તેનું ધ્યાન રસ્તા પર રહેલા એક છોકરા ઉપર ગયું, એ છોકરો એક પુસ્તકોની દુકાનની બહાર ઉભો હતો અને જે લોકો તે દુકાનમાં અંદર જઈ રહ્યા હતા તે બધા લોકોને રોકીને તે લોકો સાથે કંઈક વાત કરી રહ્યો હતો. દૂરથી જોતા એવું જ લાગતું હતું કે કશું માંગી રહ્યો હતો ત્યાર પછી સામે કોઈ વ્યક્તિ જવાબ ન આપે તો ફરી પાછો થોડે દૂર જઈને ઊભો રહી જતો.

આ જોઈને અતુલભાઇ તેની સામે જોવા લાગ્યા કે આખરે આ છોકરો શું કરી રહ્યો છે, થોડા સમય પછી ફરી પાછું કોઈ નવું પુસ્તકની દુકાન માં અંદર જઈ રહ્યું હોય તો તરત જ ઊભો થઈને તે માણસ પાસે જઈને તેની સાથે ચર્ચા કરે પરંતુ માણસ અંદર જતો રહે એટલે આ છોકરા ના ચહેરા ઉપર નિરાશા છવાઈ જાય અને ફરી પાછો જગ્યાએ આવીને ઊભો રહી જાય.

આવું ઘણા વખત સુધી અતુલભાઈએ જોયું ફરી પાછું કોઈ નવું માણસ આવે કે તરત જ તેના ચહેરાની નિરાશા ગાયબ થઈ જાય અને એક આશા ભરેલો ચહેરો લઈને તે નવા માણસ પાસે વાત કરે, ઘણા સમયથી જોઈ રહેલા અતુલભાઇ ત્યાં છોકરા ની પાસે ગયા એટલે તરત જ છોકરો તેની પાસે આવ્યો અને અતુલભાઈએ છોકરાના હાથમાં નજર કરી, તે છોકરો પુસ્તકો વેચી રહ્યો હતો.

પુસ્તકો કોઈ એવા નહોતા કે કોઈની પાસે ન મળે સાધારણ વિજ્ઞાનને લગતા પુસ્તકો તે વેચી રહ્યો હતો. તરત જ અતુલભાઇ પાસે આવીને ફરી પાછો આષા ભરેલો ચહેરો લઈને તેને અતુલભાઇ ને કહ્યું સાહેબ તમારે પુસ્તકો ખરીદવા છે એમ કહીને તેને એક પછી એક બધા પુસ્તકો દેખાડવા લાગ્યો.

અતુલભાઇ ત્યાં જ ઉભા રહ્યા અને તેની પુસ્તકો જોવા લાગ્યા પેલા નાનકડા છોકરા માં હવે પહેલાંથી પણ વધારે જાણે આશા આવી ગઈ હતી અને ખૂબ જ એનર્જી સાથે બધી પુસ્તકો દેખાડવા લાગ્યો. એ છોકરા સામે અતુલભાઈએ ધ્યાનથી નજર કરી ચહેરા ઉપર આત્મવિશ્વાસ ખૂબ જ દેખાઈ રહ્યો હતો પરંતુ સાથે સાથે તેનો પહેરવેશ એકદમ સાધારણ. શિયાળાની ઋતુ હોવા છતાં ઠંડીમાં પણ તેને શરીર ઉપર માત્ર એક પાતળું સ્વેટર જ પહેર્યું હતું.

અતુલભાઇ ના પુસ્તકો નું કોઈ કામ નહોતું તેમ છતાં તેને કહ્યું બેટા આ બધી પુસ્તકો કેટલા રૂપિયાની છે?

સાહેબ તમે આ પુસ્તકો ના કેટલા આપી શકશો? તે છોકરાએ પૂછ્યું આ સ્ટોરી તમે justgujjuthings.com પર વાંચી રહ્યા છો.

અતુલભાઇ એ કહ્યું અરે બેટા તે થોડું વિચાર્યું તો હશે ને કે આ કેટલામાં વેચવાનું છે?

એ છોકરો થોડો નિરાશ થઈ ગયો અને તેને કહ્યું સાહેબ તમારા જેટલા દેવા હોય એટલા આપી દો.

ફરી અતુલભાઈએ તેને કહ્યું અરે પણ તારે કેટલા જોઈએ છે?

હવે બે છોકરા માં ધીરજ ખૂટી તેને લાગ્યું કે અતુલભાઇ તેની સાથે માત્ર ટાઇમપાસ કરી રહ્યા છે એટલે તેને તરત જ કહ્યું 10000 રૂપિયા.

અતુલભાઇ એ તરત જ તેને જવાબ આપ્યો ભાઈ આ બધી પુસ્તકોના તને કોઈ પાંચસો હજાર રૂપિયા આપે તો પણ ઘણા છે. અતુલભાઇ ના આ શબ્દ એ છોકરાને જાણે વધુ નિરાશ કરી ગયા.

છોકરો ખૂબ જ નિરાશ થઈ ગયો. અને ત્યાંથી જઈ રહ્યો હતો, અતુલભાઇ ને તરત જ પસ્તાવો થયો અને તેને રોકી ને પૂછ્યું બેટા અહીં આવ, તેના ખંભા પર હાથ મૂકીને અતુલભાઈએ કહ્યું મને તું પુસ્તકો વેચનાર તો નથી લાગી રહ્યો? મને તો જણાવ કે સાચે વાત શું છે? અને તારે શું કામ જરૂર છે?

બસ આ શબ્દોની જાણે રાહ જોઈ રહ્યો હોય એમ તે છોકરો રડી પડ્યો, અને રડતા રડતા જણાવ્યું સાહેબ હું અહીં છેલ્લા ચાર દિવસથી પુસ્તક વેંચવા માટે આવું છું. હું 12 ધોરણ પાસ કરી ચુક્યો છું. મારા પિતા એક પ્રાઇવેટ કંપનીમાં નોકરી કરે છે અને મેં હમણાં મેડિકલ માટે ફોર્મ ભર્યું હતું અને મેડીકલ કોલેજમાં એડમિશન મળી ચૂક્યું છે. અને સિલેક્શન પણ થઇ ચૂક્યું છે એમાં મારે થોડા રૂપિયાની જરૂર છે. મોટાભાગના રૂપિયા મારા પિતા પાસે પડ્યા છે પરંતુ એનાથી વધારે હવે મારી પાસે કે એની પાસે કશું નથી. એટલા માટે મારે આ ૧૦,૦૦૦ રૂપિયાની જરૂર છે.

અતુલભાઇ એ પૂછ્યું તારું નામ શું છે બેટા?

મયંક નામ છે મારુ…

ઠીક છે હું તને તારે જોઈએ છે એ દસ હજાર રૂપિયા આપું તો તું મને શું એ રૂપિયા પાછા આપી શકીશ? આ બધાં પુસ્તકોની તો કેટલી કિંમત મને લાગતી નથી… આ વખતે અતુલભાઇ થોડું હસતા હસતા પૂછી રહ્યા હતા

મયંકે જવાબ આપતા કહ્યું હું છેલ્લા ચાર દિવસથી અહીં આવું છું પરંતુ તમે પહેલા એવા માણસ જેને મને આટલા બધા સવાલ પૂછ્યા, મારા જીવનમાં બસ હવે બે જ રસ્તા છે. જો પૈસા મળી જાય તો મેડિકલમાં નહિતર પછી કોઈ પણ સાધારણ નોકરી વગેરે કરીને ચલાવી લઈશ. મયંક ના જવાબમાં તેના ભવિષ્યને લઈને ઘણી ચિંતા ચોખ્ખી દેખાઈ રહી હતી આ સ્ટોરી તમે justgujjuthings.com પર વાંચી રહ્યા છો.

અતુલભાઇ માટે એ સમયે 10000 રૂપિયા કોઈ મોટી રકમ નહોતી અને નાની રકમ પણ નહોતી કે ગમે તેને આપી દે પરંતુ ખબર નહીં કેમ તેનો જવાબ સાંભળીને તેના દિલમાં તેને પૈસા દેવાનું મન થઈ ગયું સાથે સાથે અંદરથી એવો પણ સ્વર નીકળ્યો કે તો અજાણ્યા ની મદદ શું કામ કરે છે. પરંતુ આખરે દિલની વાત સાંભળી લીધી અને તરત જ પોતાના ખિસ્સામાંથી ૧૦,૦૦૦ રૂપિયા કાઢીને મયંક ને આપી દીધા. પૈસા આપતા હતા તેને કહ્યું બેટા હું નથી જાણતો કે તારી વાતો માં અથવા તારી ડોક્ટર બનવાની ઈચ્છા માં કેટલો દમ છે પરંતુ મારુ દિલ કહે છે કે મારે તારી મદદ કરવી જોઈએ એટલા માટે હું આ કરી રહ્યો છું. મારે તારાથી થોડા વર્ષો નાની એક દીકરી છે હું એવું વિચારીને પૈસા આપું છું કે મેં મારી દીકરી માટે કોઈ રમકડું ખરીદી હોય આટલું કહીને તેને પૈસા આપ્યા.

મયંકના આંખમાં થી અશ્રુધારા વહેવા લાગી તે ભાવુક થઈ ગયો અને સાથે સાથે અત્યંત ઉત્સાહિત પણ હતો કારણ કે હવે મેડિકલમાં તેનું એડમિશન થઈ જાય તેમ હતું.

મયંકે બધા પુસ્તક અતુલભાઇ ને આપ્યા અને કહ્યું શું આ પુસ્તકોને તમારી ગાડીમાં રાખી દઉં? ત્યારે અતુલ ભાઈઓ બધા પુસ્તકો તેને પાછા આપી દીધા અને કહ્યું આ તને ભણવામાં કામ આવશે તો તારી પાસે જ રાખ અને આ મારું કાર્ડ છે જ્યારે પણ જરૂર હોય ત્યારે મને જણાવજે.

અતુલભાઇ ત્યાંથી ફરી પાછા આગળ ચાલવા જતા રહ્યા અને ચાલતા ચાલતા તેના મગજમાં માત્ર એ જ વાત ઘૂમી રહી હતી કે મેં તને પૈસા તો આપી દીધા છે પરંતુ હું કોઈને આ વાત કરીશ તો લોકો મને ઇમોશનલ ફૂલ એટલે કે મૂર્ખ માણસ તરીકે ઓળખાશે એટલે આ વાત તેને કોઈને ન કરી.

ધીમે ધીમે સમય વીતતો ગયો અને એક દિવસ તેની ઓફીસમાં બેઠા હતા ત્યારે તેની પાસે એક ચિઠ્ઠી આવીએ ચિઠ્ઠીમાં લખ્યું હતું કે મારું મેડિકલમાં એડમિશન થઈ ચૂક્યું છે ફરી એક વખત તમારો ખુબ ખુબ આભાર તમારો મયંક.

આ ચિઠ્ઠી જોઈને તેને એવું લાગ્યું કે ના પોતે મૂર્ખ નથી ખરેખર એ બાળક ની મદદ કરી છે જેથી એ છોકરો આજે મેડીકલમાં એડમીશન લઈ શક્યો. થોડા દિવસો પછી અચાનક તેને આ વાત યાદ આવી એટલે મયંક ને થોડા પૈસા મોકલ્યા અને થોડા દિવસ પછી ફરી પાછી તેની ચિઠ્ઠી આવી કોઈપણ ચિઠ્ઠી આવે તેમાં મયંક પરિવાર વિશે પૂછતો અને તેની દીકરી વિશે પણ અચૂક ચિઠ્ઠીમાં લખેલ હોય.

ધીમે ધીમે આ વાતને વર્ષો વીતતા ગયા, થોડા વર્ષો પછી ફરી પાછી એક ચિઠ્ઠી આવી જેમાં લખ્યું હતું કે હું હવે વધારે ભણવા માટે વિદેશ જઈ રહ્યો છું અને ત્યાં મને ભણવા માટેની સ્કોલરશીપ પણ મળી ચૂકી છે, સાથે સાથે ઘરના બધા લોકોને પ્રણામ કરે અને દિકરી વિશે પણ લખે જેને હવે તે નાની બહેન કહેવા લાગ્યો હતો.

કોઈપણ દિવસ અતુલભાઇ તેને રૂબરૂ મળવા નહોતા ગયા અથવા તેને પૂછ્યું પણ નહોતું કે તો સાચે વિદેશમાં ક્યાં જઈ રહ્યો છે. થોડા વર્ષો પછી ફરી પાછો મયંક નો પત્ર મળ્યો. આ ચિઠ્ઠીમાં તેણે લખ્યું હતું કે તે અમેરિકા સ્થાયી થઈ ચૂક્યો છે અને હવે લગ્ન કરી રહ્યો છે. ચિઠ્ઠી ની સાથે લગ્નની કંકોત્રી પણ હતી પરંતુ આ વખતે અતુલભાઇ ની દીકરી પણ મોટી થઈ ચૂકી હતી અને તેની પણ સગાઈ હતી એટલે તે લગ્નમાં ન જઈ શક્યા.

અતુલભાઇ ધામધૂમથી લગ્ન કરવા માંગતા હતા અને એના માટે પૈસા પણ વધારે જોઈએ એટલે તેઓ પૈસા માટે પણ વ્યવસ્થામાં હતા અને અચાનક જ મયંક ની ચીઠ્ઠી મળી અને તેનો આ ચેક આવ્યો.

ફરી પાછા તેઓ ફ્લેશબેક માંથી પાછા આવી ગયા અને સામે ચેક જોઈને ફરી પાછો તેને મયંક યાદ આવી ગયો અને મયંક ને પણ તેને દીકરીના લગ્નમાં આમંત્રણ આપ્યું.

શાદી ની તૈયારીઓ પૂરજોશમાં હતી લગ્નને હવે થોડા દિવસોની જ વાર હતી અતુલભાઇ અને તેની પત્ની બંને અત્યંત વ્યસ્ત હતા અને માત્ર ત્રણ દિવસની લગ્નમાં વાર હતી કે તરત જ ઘર આંગણે એક લક્ઝરી કાર આવીને ઊભી રહી.

અતુલભાઇ આશ્ચર્ય પામ્યા કે આવા સમયે કોણ આવ્યું હશે, તે ગાડીમાંથી એક યુવાન નીચે ઊતર્યો ત્યાર પછી એક સ્ત્રી હાથમાં બાળક સાથે નીચે ઉતરી. યુવાનને જોઈને અતુલભાઇ ને થયું કે આ ભાઈને ક્યાંક જોયા છે.

તરત જ તે બંને અતુલભાઇ પાસે આવ્યા અને અતુલભાઇ અને તેની પત્ની ને પગે લાગ્યા પછી કહ્યું સર હું મયંક. અમેરિકાથી મારી નાની બહેનના લગ્નમાં આવ્યો છું. તમારું આમંત્રણ પણ મળ્યુ હતું.

પત્ની આશ્ચર્ય સાથે મયંક ની સામે જોઈ રહી હતી કારણ કે મયંક વિષે માત્ર અતુલભાઇ ને જ ખબર હતી, અતુલભાઇ ઊભા થઈને ગરબા થી મયંક ને ભેટી પડ્યા. અતુલભાઇ ની દીકરી હજુ પણ શંકા માં હતી કે આ કોણ છે, પછી અતુલભાઇ અને મયંક એ બધી વાત પરિવારને કરી.

થોડા જ સમયમાં મયંક ફ્રેશ થઈને નીચે આવ્યો અને કહ્યું હવે લગ્નની જવાબદારી મારી એમ કહીને બધી વ્યવસ્થા વગેરે પોતાને સંભાળી લીધી. અને તેની નાની બહેન ના લગ્ન ખૂબ જ ધામધૂમથી કરાવ્યા. થોડા દિવસોમાં લગ્ન પર પૂરા થઈ ગયા ને મયંક થોડા દિવસ રોકાઈ ને ફરી પાછો અમેરિકા જતો રહ્યો.

પરંતુ આ વખતે તેને એરપોર્ટ ઉપર મુકવા ગયા ત્યારે માત્ર અતુલભાઇ જ નહીં પરંતુ તેની પત્ની અને તેની દીકરી પણ ભાવુક થઈ ગયા. દીકરીના લગ્ન માટે પૈસાની વ્યવસ્થા માં પડેલા અતુલભાઇ અચાનક ચેક પણ આવી ગયો અને લગ્ન પણ થઈ ગયા એ જોઈને અત્યંત ગર્વ અનુભવતા હતા અને ભગવાન ઉપર તેનો ભરોસો આજે વધુ મજબૂત થઈ ગયો હતો.

જો આ છોકરી તમને પસંદ પડી હોય તો દરેક લોકો સાથે શેર કરજો તેમજ આ સ્ટોરીને કમેન્ટમાં 1 થી 5 ની વચ્ચે પણ આપશો.