દિકરી માતાના અવસાન પછી પહેલી વખત પિયર ગઈ તો ભાભીનું તેની સાથે વર્તન જોઈને દિકરી…

શ્વેતાના લગ્ન થયાને 15 વર્ષ થઈ ચૂક્યા હતા, તેને સંતાનમાં બે બાળકો હતા. શ્વેતા તેના પતિ બે બાળકો અને માતા-પિતા એમ કુલ મળીને છ સભ્યો સાથે જ રહેતા હતા. શ્વેતા ના પિયરમાં તેના પિતાનું અવસાન શ્વેતા નાની હતી ત્યારે જ થઈ ચૂક્યું હતું. પરંતુ તેના લગ્ન ખૂબ જ સારા પરિવાર માં થયા હતા અને તેને પિતા નો પ્રેમ સાસરીમાંથી પણ મળતો હતો. આ બધું જોઇને શ્વેતાની માતા અત્યંત ખુશ થતા.

શ્વેતાનું પિયર ગામમાં જ હોવાથી અવાર નવાર પિયર જવાનું થતું પરંતુ બાળકોની સ્કૂલ વગેરેને કારણે રોકાવા માત્ર વેકેશનમાં જ જતા જેથી બાળકો ની સ્કૂલ ના બગડે.

શ્વેતાને એક ભાઈ પણ હતો જેના લગ્ન થઈ ચૂક્યા હતા અને ભાઈ ભાભી તેના બંને દીકરાઓ માતા સાથે જ રહેતા. એક દિવસ અચાનક માતાને હૃદયરોગનો હુમલો આવ્યો અને તેને બચાવી ન શક્યા. માતા અવસાન પામ્યા એટલે શ્વેતા દુઃખી થઈ ગઈ હતી, અને એટલા જ દુઃખી તેના ભાઈ ભાભી પણ હતા કારણ કે તેના ઉપરથી પણ વડીલ નો આશરો જતો રહ્યો હતો.

માતાના ગયા પછી થોડા દિવસ સુધી શ્વેતા પિયરમાં પણ રોકાણી હતી. પરંતુ બધી વિધિ વગેરે પૂરી થયા બાદ થોડા દિવસો નું રોકાણ કરીને ફરી પાછી તે પોતાના ઘરે આવી ચૂકી હતી.

બધા લોકો જે રીતે માનતા હોય છે કે પિયર માં થી જ હોય છે. માતા વગર માતા ના ઘરે જરાપણ અનુકૂળ આવતું નથી. અને શ્વેતા પણ આવું જ માનતી એટલા માટે જ તે અવાર-નવાર ભાભીને અથવા ભાઈને ફોન કરીને તેના તબિયત પૂછી લેતી પરંતુ પિયરમાં પંદર દિવસે મહિને એક વખત જતી એ બંધ કરી નાખ્યું.

જોતજોતામાં વેકેશનનો સમય આવી ગયો, માતાને ગયા ને હજી ત્રણ મહિના પણ નહોતા થયા. વેકેશનનો સમય નજીક આવે કે તરત જ શ્વેતાને તેની માતા ફોન કરીને બોલાવતા અને શ્વેતા રોકાવા ચાલી જતી પરંતુ આ વખતે તેને રોકાવા જવા વિશે હજુ કંઈ નક્કી નહોતું કર્યું. તેને એવું જ લાગતું હતું કે આ વખતે લગભગ કોઈનો ફોન પણ નહીં આવે કારણ કે માતા તો આ દુનિયા છોડીને જતા રહ્યા છે. આ સ્ટોરી તમે justgujjuthings.com પર વાંચી રહ્યા છો.

પરંતુ આ વખતે ભાભી નો ફોન આવ્યો અને તેને એવું આમંત્રણ આપ્યું કે તેને ના ન કહી શકાય અને આખરે રોકાવા જવાનો નિર્ણય કર્યો. મામાના ઘરે જવાનું છે એ સાંભળીને બાળકો પણ રાજી થઈ ગયા પરંતુ શ્વેતાને હજુ પણ દિલમાં એવું લાગતું હતું કે માતાના ગયા પછી પિયરમાં તેને પહેલાની જેમ રહેવા નહીં મળે.

શ્વેતા તેના બંને બાળકો સાથે પિયર રોકાવા ગઈ. પતિ મૂકીને ફરી પાછા ગયા અને શ્વેતા અંદર જઈને ભાઈ-ભાભીને મળી અને તેના બાળકોને પણ મળ્યા. બાળકો બધા સાથે રમવા લાગ્યા, થોડા સમય પછી બધાએ સાથે ડિનર કર્યું અને ડીનર કરીને બધા લોકો બેઠા હતા.

પહેલાં જ્યારે પણ શ્વેતા રોકાવા આવતી ત્યારે તે તેની માતા ના રૂમ માં તેની માતા સાથે જ સુતી. આ વખતે પણ ભારતીય તેને પથારી કરવા માટે કહ્યું તો ભાભીને કહ્યું માતા ના રૂમ માં જ મારી પથારી કરી આપો હું ત્યાં જ સૂઈ જઈશ.

થોડા સમય પછી બધા લોકો સુવા ગયા શ્વેતા પણ તેની માતા ના રૂમ માં જઈ ને માતા ની બધી વસ્તુઓ જોઈ ને ફરી પાછી માતા ની યાદમાં ખોવાઈ ગઈ, માતા ની વસ્તુઓ જોતા જોતા ક્યારે તેને નીંદર આવી ગઈ તેની જ ખબર ન રહી. માતા ની યાદો જાણે તેના સપનામાં આવી રહી હોય એમ એક પછી એક યાદ આવી રહી હતી કઈ રીતે માં તેને સવારે ચા લઈને આવતા અને જગાડતા.

થોડા સમય પછી અચાનક તેને માતાના હાથની ચા ની સુગંધ આવવા લાગી, પરંતુ સાથે સાથે જ તેને યાદ આવ્યું કે માતા તો હવે આ દુનિયામાં નથી. અને અચાનક જ તે ઝબકી ને જાગી ગઈ, અને સામે જોયું તો તેના ભાભી ઉભા હતા.

ઘડિયાળ બાજુ નજર કરી તો સવારના સાત વાગ્યા હતા, અરે ભાભી આટલી વહેલી સવારમાં તમે અહીં આવ્યા, બોલોને શું કામ છે? શ્વેતાએ તેને પૂછ્યું

તેની ભાભી એ તેને જવાબ આપતા કહ્યું અરે દીદી કોઈ કામ નથી માત્ર તમારી માટે ચા લઈને આવી છું, તમે નાહીને તૈયાર થઈ જાઓ પછી બહાર આવો હું નાસ્તો બનાવી રહી છું.

શ્વેતાએ કહ્યું ભલે ભાભી, હું હમણાં આવું… આ સ્ટોરી તમે justgujjuthings.com પર વાંચી રહ્યા છો.

શ્વેતાએ સૌથી પહેલા ચાની ચૂસ્કી ભરી, અને તેને જે સુગંધ આવી રહી હતી ખરેખર એવી જ ચા બની હતી. અસલ તેની માતા બનાવે તેના જેવી… ચા પીતા પીતા તે એ જ વિચારી રહી હતી કે જ્યારથી હું આવીશું ત્યારથી ભાભી અને બિલકુલ માતા સાચવે તેમ જ સાચવી છે. મારી દરેક જરૂરિયાતનું ધ્યાન રાખ્યું છે અને જેમ માતા મને ચા બનાવીને જગાડે એવી જ રીતે ભાભી એ પણ જગાડી.

શ્વેતાને હવે સમજાઈ ગયું કે તેની તેના ભાભી ને સમજવામાં કદાચ ભૂલ થઈ ગઈ, કારણકે ભાભી એ તેને માતાની જેમ જ સાચવી હતી.

શ્વેતા જ્યારે પણ પિયર માં આવતી ત્યારે સવારે નાસ્તામાં કશું પણ હોય સાથે ગરમાગરમ ગાંઠિયા સાથે હોય જ. અને ચા પીને ફ્રેશ થઈને તે જેવી બહાર ગઈ કે નાસ્તાની સાથે ગાંઠિયાની પણ સુગંધ આવી રહી હતી. શ્વેતા ખરેખર આ બધું જોઈને વિચારમાં પડી ગઈ કે જે લોકો કહે છે તે હકીકતમાં સાચું નથી મારું પિયર માતાના ગયા પછી પણ પહેલા જેવું જ છે. જેવું માતાની હયાતીમાં હતું. આ વિચારથી તે અત્યંત ખુશ થઈ ગઈ.

તરત જ તેના મનમાં એક વિચાર સ્ફૂર્યો અને નાસ્તો કરવાની જગ્યાએ તે અંદર કિચનમાં ગઈ અને કિચનમાં જતા સાથે જ બોલી ઉઠી, ભાભી માં તમે બહાર નાસ્તો કરવા બેસો. તમારા માટે હું નાસ્તો બનાવું છું. આ સ્ટોરી તમે justgujjuthings.com પર વાંચી રહ્યા છો.

અત્યાર સુધી તેને ભાભી ને ભાભી જ કહી ને બોલાવ્યા હતા પરંતુ આજે નવું સંબોધન જોઈને તેના ભાભી પણ આશ્ચર્યચકિત થઈ ગયા અને શ્વેતા સામે જોવા લાગ્યા, શ્વેતા ને હસતી જોઈને તેના ભાભી પણ હસવા લાગ્યા.

અને ફરી પાછું જવાબમાં કહ્યું ભલે બેટા, તમે કહો એમ. શ્વેતાને પણ નવું સંબોધન સાંભળવા મળ્યું એટલે બંને નણંદ ભાભી સાથે જ હસવા લાગ્યા. અને માતાના ગયા પછી શ્વેતાના દિલમાં એક ખાલીપો હતો જે આજે ભરાઈ ગયો હોય એવું લાગ્યું.

જો આ સ્ટોરી તમને પસંદ પડી હોય તો દરેક લોકો જોડે શેર કરજો તેમજ આ સ્ટોરીને કમેન્ટમાં 1 થી 5 ની વચ્ચે રેટિંગ પણ આપશો.