દહેજમાં મળેલી ગાડી પુરઝડપે ચલાવી રહેલા પતિને પત્નીએ ધીમી ચલાવવા કહ્યું તો પતિએ એવો જવાબ આપ્યો કે…

પાર્થ અને પ્રિયાના લગ્ન થયાને લગભગ એક મહિનો પણ નહોતો થયો, બંને લોકો આજે બહાર લોંગ ડ્રાઈવ પર જવાના હતા. જો કે લગ્નના બીજા દિવસથી જ બંને લોકો અવારનવાર દહેજ માં મળેલી ગાડી લઈને લોંગ ડ્રાઈવ પર જતા રહેતા. આ સ્ટોરી તમે justgujjuthings.com પર વાંચી રહ્યા છો.

પાર્થ ગાડીને કાયમ ખૂબ જ ઝડપથી ચલાવતો આ વાત પ્રિયાને જરા પણ ન ગમતી તેમ છતાં તે કશું બોલતી નહીં અને ચલાવી લેતી. પરંતુ આજે તેને નક્કી કર્યું હતું કે જો આજે પણ લોંગ ડ્રાઈવ પર જઈએ અને પાર્થ ગાડીને ઝડપથી ચલાવે તો આજે હું તેને કહીશ.

અને બંને જણા રાત્રે લોંગ ડ્રાઈવ પર નીકળ્યા અને દર વખતની જેમ આજે પણ પાર્થ એકદમ ઝડપથી ગાડી ચલાવી રહ્યો હતો એટલે પ્રિયાએ તેને કહ્યું પ્લીઝ ગાડી ધીમે ચલાવો. આ સ્ટોરી તમે justgujjuthings.com પર વાંચી રહ્યા છો.

અને પાર્થે જાણે એ સાંભળ્યું જ ન હોય એ રીતે ગાડી ચલાવતો રહ્યો થોડા સમય પછી પ્રિયાએ તેને ફરી પાછું કહ્યું ત્યારે પાર્થ એ પ્રિયાને જવાબ આપતા કહ્યું, અરે ડાર્લિંગ… મને મજા લેવા દે અત્યાર સુધી માત્ર મિત્રો ની ગાડી ચલાવવા મળી છે. હવે વર્ષો પછી જાણે મારી તમન્ના પૂરી થઈ હોય એમ આપણી ગાડી ચલાવી રહ્યો છું.

સાધારણ નોકરી કરી રહેલા પાર્થ એ પોતાની વાતને આગળ વધારતાં કહ્યું હું તો ગાડી ખરીદવાનું ક્યારેય વિચારી પણ ન શકું અને એટલા માટે જ તો તારા પપ્પા પાસેથી આ ગાડી માંગી હતી.

પ્રિય ફરી પાછું થોડા સમય પછી કહ્યું જરા મ્યુઝિક નું વોલ્યુમ તો ઓછું કરી દો એમ કહીને પ્રિયા એ જ મ્યુઝિક નું વોલ્યુમ ધીમુ કર્યું. આ વાત પાર્થને જરા પણ ગમી નહીં… એટલે તરત જ ફરી પાછો તે મ્યુઝિક સિસ્ટમમાં વોલ્યુમ નું બટન શોધીને તેને ફાસ્ટ કરવા લાગ્યો.

તેનું ધ્યાન મ્યુઝિક સિસ્ટમમાં હોવાથી તેનું ધ્યાન રોડ ઉપર સંપૂર્ણપણે નહોતું અને અચાનક જ સામે કોઈ માણસ આવી ગયો. પાર્થ અચાનક બ્રેક લગાવી અને ગાડી ઉભી રાખવાની કોશિશ કરી સદ્નસીબે ગાડી તે માણસ સાથે ટકરાતા ટકરાતા બચી ગઈ.

તરત જ ગાડીનો કાચ ખોલીને પાર્થ તે માણસ સામો જોર જોરથી બોલવા લાગ્યો, અરે આંધળો થઈ ગયો છો કે શું આવડી મોટી ગાડી દેખાતી નથી??? ગુસ્સામા તે પેલા માણસને ખીજાય રહ્યો હતો અને અપશબ્દો પણ બોલી રહ્યો હતો.

પ્રિયા આ બધું જોઈને એકદમ હેબતાઈ ગઈ તેમ છતાં સ્વસ્થ થઈને ગાડીની નીચે ઉતરીને તે માણસ પાસે ગઈ તે માણસની હાલત જોઈને પ્રિયા સ્તબ્ધ રહી ગઈ કારણકે એ માણસ ને એક પગ જ નહોતો અને તે રસ્તો ઓળંગી રહ્યો હતો. તે માણસ પાસે જઈને પ્રિયાએ હાથ જોડીને માફી માંગી અને કહ્યું માફ કરી દો ભાઈ અમને તમને કશું વાગ્યું તો નથી ને?

માણસે ઈશારો કરીને ના પાડી અને ત્યાંથી રસ્તો ઓળંગીને સામે જતો રહ્યો.

તે માણસ પાસે માફી માંગી એ બધું પાર્થ અંદર બેઠો બેઠો જોઈ રહ્યો હતો પછી પ્રિયા જેવી ગાડીમાં અંદર આવી કે તરત જ તેના ઉપર ગુસ્સે થઈને કહ્યું અરે તે માણસ ની માફી માંગવાની શું જરૂર હતી એ આમ પણ ભિખારી જેવો જ લાગતો હતો, આવા ભિખારીઓને મોઢે ન લાગવું જોઈએ અને તમારા જેવા લોકોને કારણે જ આવા લોકોને હિંમત વધી જાય છે.

એટલે અચાનક જ પ્રિયા હસવા લાગી, પાર્થ એ તેને પૂછ્યું તું કેમ અચાનક હસવા લાગી એટલે પ્રિયાએ જવાબ આપતા કહ્યું માની લો કે એ કદાચ ભિખારી હશે પરંતુ એ ભિખારી તો મજબૂર હતો એટલા માટે ભીખ માંગી રહ્યો હતો નહીંતર માણસો પાસે બધું હોવા છતાં એ લોકો ભીખ માંગે છે દહેજ સ્વરૂપે. શું તમને ખબર છે કે એક દીકરીના લગ્ન કરવા માટે માતા-પિતા બંને લોહી પાણી એક કરી નાખતા હોય છે જેથી કરીને એ દહેજ ચૂકવી શકે તમે તો પણ પપ્પા પાસે ગાડી માંગી હતી તો ખરેખરમાં ભિખારી કોણ થયું પેલો રસ્તે જનાર લાચાર વ્યક્તિ કે પછી….? પ્રિયા આગળ કશું બોલી ન શકી.

પ્રિયાના મોઢેથી આવા શબ્દો સાંભળીને ખરેખર પાર્થ અને પોતાની ભૂલનો અહેસાસ થઈ ગયો અને નીચે જોઈને માત્ર બધું સાંભળતો રહ્યો આજે કદાચ એને સમજાઈ ગયું હતું કે ભિખારી કોને કહેવાય… આ સ્ટોરી તમે justgujjuthings.com પર વાંચી રહ્યા છો.

એક દિકરીનો પિતા તેના દિલના ટુકડાને ૨૦ વર્ષો સુધી સંભાળીને રાખે છે, અને બીજાને દાન કરે છે જેને કન્યાદાન કહેવાય છે જેથી કરીને બીજાનો પરિવાર ચાલે અને નવી ગૃહસ્થી શરુ થાય. હવે આની ઉપર પણ જો ઘણા લોકો દહેજ માંગે તો એ ખરેખર ભીખ કહેવાય કે કેમ?

મિત્રો જો આ સ્ટોરી તમને પસંદ પડી હોય તો દરેક લોકો જોડે શેર કરજો તેમજ આ સ્ટોરીને કમેન્ટમાં ૧ થી ૧૦ ની વચ્ચે રેટિંગ પણ આપજો.