બે મિનિટ વાંચતા થશે, પરંતુ વાંચશો નહીં તો અફસોસ થશે…

દેડકાઓ નો એક સમૂહ જંગલમાં યાત્રા કરી રહ્યો હતો, ત્યારે તેમાંથી બે દેડકાઓ એક ઊંડા ખાડામાં પડી ગયા. તેને નીચે પડેલા જોઈ ને બીજા બધા દેડકાઓ ની ચારેબાજુ ભીડ થઈ ગઈ.

બધા દેડકાઓ જોવા આવ્યા કે એ ઊંડા ખાડામાં કોણ પડી ગયું છે, બધા દેડકા ઓએ જોઈને કહ્યું કે આ બંને દેડકાઓ ની બચવાની કોઇ સંભાવના નથી. તેને ખાડામાં કહ્યું કે તમારી બચવાની હવે કોઈ સંભાવના નથી.

તેમ છતાં ખાડામાં પડી ગયેલા બંને દેડકાઓ બધા લોકોની વાતને નજરઅંદાજ કરીને ખાડામાંથી બહાર નીકળવા માટે પુરજોશથી કૂદકા મારવા લાગ્યા. એક સમય એવો પણ આવ્યો કે બંને દેડકા બહાર નીકળી જશે એવું બહાર ઊભેલા દેડકાઓને લાગ્યું.

પરંતુ અનેક પ્રયાસો કર્યા હોવા છતાં બંને દેડકાઓ ખાડામાંથી બહાર નહોતા નીકળી રહ્યા. પરંતુ તે બંને દેડકાઓ પ્રયાસ કરતા હોવા છતાં બહાર દેડકાઓ નો સમૂહ તેને હજુ પણ કહી રહ્યો હતો કે તમે નહીં બચી શકો, તમારે પ્રયાસ કરવાનું છોડી દેવું જોઈએ.

આખરે એ બંને દેડકા માંથી એક દેડકા નું ધ્યાન બહાર રહેલા દેડકાઓ ની વાતો પર ગયું અને તેને હાર માની લીધી. તેને પણ લાગ્યું કે તે હવે નહીં બચી શકે.

અને થયું પણ એવું જ તેને બહાર આવવાના પ્રયાસો બંધ કરી દીધા અને આખરે તેના રામ રમી ગયા. પરંતુ બીજો દેડકો હજુ પણ પુરજોશથી કૂદકો લગાવીને બહાર આવવાની કોશિશ કરી રહ્યો હતો.

તે જેટલું જોર થી કુદી શકતો હતો તેટલું જોર થી કુદી કુદીને બહાર આવવા માટે લગાતાર પ્રયત્ન કરી રહ્યો હતો. દેડકાઓ ની ભીડ પણ તેને રાડો પાડીને કહી રહી હતી કે તું હવે બહાર નહીં આવી શકે, કોશિશ કરવાનું છોડી દે.

પરંતુ તેને તો જાણે કંઈ અસર જ ન થતી હોય તેમ વધુ ને વધુ તાકાત સાથે કૂદકો લગાવવા લાગ્યો અને આખરે તેને કરી બતાવ્યું. બહાર બધા દેડકાઓ તેને પ્રયાસો છોડવા માટે કહી રહ્યા હતા, જેથી તેને વધારે દર્દ ના થાય અને તેના પ્રાણ નીકળી જાય. આ સ્ટોરી તમે justgujjuthings.com પર વાંચી રહ્યા છો.

પરંતુ આ દેડકાએ તો કોઈની વાત માની નહીં અને બહાર આવી ગયો, તેને બહાર આવતા ની સાથે બધા દેડકાઓ તેની સામે આશ્ચર્ય ચકિત થઇ ને જોવા લાગ્યા અને પૂછ્યું કે શું તે અમારી વાત નહોતી સાંભળી? આ સ્ટોરી તમે justgujjuthings.com પર વાંચી રહ્યા છો.

એક પછી એક દરેક દેડકાઓ તેને આ વાત પૂછવા લાગ્યા એટલે તે દેડકાએ બધા દેડકા ઓની ભીડને સમજાવતા કહ્યું કે તે પોતે બહેરો છે, અને તે એવું વિચારી રહ્યો હતો કે ઉપર રહેલી ભીડ તેને ખાડામાંથી બહાર આવવા માટે પ્રોત્સાહિત કરી રહી છે.

આ કાલ્પનિક સ્ટોરી ને જો આપણા જીવનમાં સરખાવવામાં આવે તો લોકો દ્વારા કહેવામાં આવતી વાતોની જીવન પર કેવી અસર પડે છે તે સમજી શકાય, અને ગમે ત્યારે કોઈ પણ મુશ્કેલીમાં હોય ત્યારે લોકોની વાતો સાંભળવા કરતા આપણે વધુ ને વધુ પ્રયાસ કરવામાં માનવું જોઈએ.

આપણે જો મુશ્કેલીની પરિસ્થિતિમાં આ બહેરા દેડકા જેવા થઈ જઈએ તો અડધું કામ આસાન થઈ જાય છે, કારણ કે લોકો શું કહેશે શું પ્રતિક્રિયા આપશે એ વિચાર્યા વગર આપણે આપણા કામમાં ધ્યાન આપી શકીએ છીએ તેમજ આપણી મુશ્કેલી કઈ રીતે દૂર થાય તેના સતત પ્રયાસો કરી શકીએ છીએ. આ સ્ટોરી તમે justgujjuthings.com પર વાંચી રહ્યા છો.

જો આ સ્ટોરી તમને પસંદ પડી હોય તો, દરેક લોકો સાથે શેર કરજો તેમજ કમેન્ટમાં ૧ થી ૧૦ ની વચ્ચે રેટિંગ પણ આપજો.