હવે પપ્પા તમે હજુ સુધી કેમ તૈયાર નથી થયા? ઘરમાં પ્રવેશતાની સાથે જાણીતો અવાજ સંભળાયો. બાપુજી દીકરાના લગ્ન થયાના થોડા સમય પછી જ અલગ રહેવા જતા રહ્યા હતા. આજે દીકરો તેના ઘરમાં આવીને આ શબ્દ બોલ્યો, દીકરાએ વધુ કરતાં કહ્યું તમારું બેગ હજુ સુધી તમે તૈયાર નથી કર્યું? મેં તમને ગઈકાલે રાત્રે જ ફોન કરીને જણાવ્યું હતું કે હું તમને આવતીકાલે તેડવા આવવાનો છું.
અરે દીકરા પણ, ફરી પાછું હું એ ઘરમાં પ્રવેશ કરીશ ફરી પાસે રોજની જેમ ઝગડાઓ શરુ થઇ જશે. એના કરતાં મને અહીં શાંતિથી રહેવા દે. એટલું જ નહીં આ ઘરમાં તારી મમ્મીને યાદો પણ ભરાયેલી છે, એટલે અહીં જ રહેવા માંગુ છું.
દીકરો થોડો ભાવ થઈ ગયો તેમ છતાં તેણે કહ્યું પપ્પા મમ્મી ગઈ તેને છ મહિના થઈ ગયા છે, તમારી તબિયત હવે પહેલાની જેમ ઠીક રહેતી નથી. આવા સંજોગોમાં હું તમને એકલા છોડી શકીશ નહીં. તમે મારી સાથે ચાલો.
અરે પણ એ ઘરમાં મારે… હજી બાપુજી તેનું વાક્ય પૂરું કરે તે પહેલાં જ દીકરાએ બાપુજી ને રોક્યા અને કહ્યું હું તમને કહું છું એટલે તમારે આવવું જ પડશે.
પપ્પા તમે ખોટી ચિંતા નહીં કરો, હવે મારી વહુ પણ પહેલા જેવી નથી. એ પણ તમને સ્વીકારવા માટે તૈયાર થઇ જશે. ગઈકાલે જ ડોક્ટરનો મને ફોન આવ્યો હતો તેઓએ જણાવ્યું હતું કે તમારું ડાયાબિટીસ નું લેવલ વધારે પડતું છે એટલે વધારે સાવચેતી રાખવાની છે. કહેતા કહેતા દીકરાએ પણ બેગ પેક કરવા માંડી.
બાપુજીએ પૂછ્યું હું તારા સંસારમાં દખલગીરી કરવા નથી માંગતો, તે તારી વહુ ને વાત કરી હતી? પપ્પા મારે એમાં એને શું વાત કરવી? મારી અને તેની વિચારસરણી થોડી અલગ અલગ છે. અંતે પિતાજી ને લઈને દીકરો ઘરે આવે છે. વહુએ તેના સસરા ને જોઈને કહ્યું સારું થયું પપ્પા તમે થોડા દિવસો માટે અહીં રહેવા આવી ગયા. પરંતુ શબ્દ કંઈક બીજું કહી રહ્યા હતા અને તેના ચહેરા પરના હાવભાવ પણ કંઈક બીજું કહી રહ્યા હોય તેવું બાપુજીને લાગ્યો.
એક દિવસ સવારે વહુ અને દીકરો વાત કરી રહ્યા હતા તે બાપુજીએ સાંભળી, વહુએ દીકરા ને પૂછ્યું કે પપ્પા અહીં કેટલો સમય સુધી રહેવાના છે? દીકરા એ તરત જ તેની વહુ ને જવાબ આપતા કહ્યું તે હવે અહીં જ રહેશે કારણકે પેલા ઘરે હવે તેની સાર સંભાળ રાખવા માટે આખરે કોઈ નથી. અરે તો ત્યાં તમે કોઈ વ્યવસ્થા કરી શકો ને, વહુ એ જવાબ આપતા કહ્યું.
બાપુજી આટલું સાંભળ્યું એટલે તેને થયું ફરી પાસે બંને વચ્ચે વાત આગળ વધે તે પહેલા બાપુજી પોતાના જવાની તૈયારી કરવા લાગ્યા. બાપુજી જવાની તૈયારી કરવા લાગ્યા એટલે દીકરાએ તેને રોક્યા તો દીકરાને કહ્યું કે હું તારા સંસારમાં સુખી છે અને તારા સંસારને હું બગાડવા માંગતો નથી, તું અને તારી વહુ પ્રેમથી રહો. એમાં હું રાજી છું. અને હા જ્યાં સુધી મારો સવાલ છે તો હું મારી સારસંભાળ રાખી શકીશ.
