અમુક તોફાની છોકરાઓએ ટ્રેનમાં સાંકળ ખેંચી, ટ્રેન ઉભી રહી અને પોલીસ આવી ત્યારે તે ડબ્બામાં બેઠેલા વૃદ્ધ માણસ એ કહ્યું સાંકળ મેં ખેંચી છે, પછી જે થયું...

ગુજરાતીમાં એક કહેવત છે કે ઘરડા લોકો ગાડા વાળે, પરંતુ આજકાલના અમુક જુવાનિયા પોતાની જાતને સૌથી વધારે હોશિયાર સમજે છે. અને મોટી ઉંમરના લોકોમાં સમજણનો અભાવ હોય તેવું વર્તન કરતા હોય છે. પરંતુ કદાચ ભણતર ઓછું હશે પણ જીવનના અનેક પ્રકારના અનુભવ ની ગણતરી કરીએ તો 70-80 વર્ષ ની ઉંમર થયા પછી માણસ ઘણા અનુભવ કરી ચૂક્યો હોય છે.

એક વૃદ્ધ વ્યક્તિને બહારગામ જવાનું થયું, ટ્રેનની ટિકિટ લઈને ડબ્બામાં બેઠા. ડબ્બામાં તેના સિવાય બીજું કોઈ પણ મુસાફર ન હતું. ટ્રેન ધીરે ધીરે ચાલુ થઈ પરંતુ હજી પણ કોઈ જ બીજું મુસાફર ટ્રેનમાં પ્રવેશ કર્યો ન હતો.

થોડા સમય પછી એક સાથે સાતથી આઠ જેટલા જુવાન છોકરાઓ ચાલતી ટ્રેનમાં એ ડબ્બામાં ચડી ગયા. અને તેઓ પોતે એકબીજા સાથે વાતોચીતો અને ધીંગા મસ્તી કરવા લાગ્યા. થોડા સમય પછી આ મસ્તી વધવા લાગી અને ડબ્બામાં જાણે ધમાલ મચાવી દીધી કોઈ બારીમાં પગેથી પાટા મારી રહ્યું હતું તો કોઈ બીજી કોઈ ધમાલ કરી રહ્યો હતો.

એ વડીલ શાંતિથી તોફાન કરી રહેલા તે જુવાનિયાઓને જોઈ રહ્યા હતા. હજુ તેની નજર તેના પર જ હતી ત્યાં એક છોકરાએ કહ્યું કે ચાલો આજે આપણે ટ્રેનની સાંકળ ખેંચીએ, ત્યારે બીજા લોકોએ કહ્યું કે અહીંયા નજર કરે જો અહીં બોર્ડ માર્યું છે કે ટ્રેનની સાંકળ કારણ વગરની ખેંચવામાં આવશે તો પાંચસો રૂપિયાનો દંડ અને છ મહિનાની જેલની સજા થઈ શકે છે.

એટલે તે સમૂહમાંથી એક છોકરાએ કહ્યું કે આપણે ટ્રેનની સાંકળ ખેંચીએ એમાં શું, આપણે આટલા બધા સાથે તો છીએ. બધા લોકો ભેગા થઈને દંડની રકમ ભરી આપશો. આટલું બોલીને બધાએ ભેગા મળીને ₹500 ભેગા કરી અને એક મિત્ર પાસે રાખ્યા.

પછી તેમાંથી એક છોકરો વળી પાછું બોલ્યો કે સાંકળ ખેંચ્યા પછી કોઈ અધિકારી આવે ત્યારે આપણે બધા એમ કહીશું કે સાંકળ અમે નહીં પરંતુ અહીં બેઠેલા આ વૃદ્ધ માણસ એ ખેંચી છે. એટલે આપણે દંડના રૂપિયા પણ નહીં દેવા પડે.

તેના મોઢેથી આવી વાત સાંભળીને વડીલે કહ્યું કે અરે છોકરાઓ મેં તમારું શું બગાડ્યું છે તો તમે મને ફસાવો છો? પરંતુ જેને તોફાન જ કરવા હોય તે કોઈનું માને નહીં અને તે છોકરાઓએ થોડા જ સમય પછી સાંકળ ખેંચી એટલે તરત જ ટ્રેન ઉભી રહી ગઈ. આ સ્ટોરી તમે justgujjuthings.com પર વાંચી રહ્યા છો.

થોડા સમય પછી રેલવેના અધિકારીઓ સાથે પોલીસને લઈને આવ્યા કે પૂછ્યું સાંકળ કોને ખેંચી છે? એટલે બધા છોકરાઓએ સાથે એક જ અવાજમાં કહ્યું કે અહીં બેઠેલા આ વૃદ્ધ માણસે સાંકળ ખેંચી છે. તે વડીલ ની સામે જોતા તેને તરત જ સામેથી કહ્યું કે હા મેં જ સાંકળ ખેંચી છે.

વૃદ્ધ માણસના મોઢેથી આવો જવાબ સાંભળીને છોકરાઓ રાજી થઈ ગયા કારણકે વૃદ્ધ માણસ એ માની લીધું કે તેઓએ જ સાંકળ ખેંચી છે. અધિકારી ત્યાં જઈને માણસને પૂછે છે કે તમે શું કામ સાંકળ ખેંચી? આ સ્ટોરી તમે justgujjuthings.com પર વાંચી રહ્યા છો.

એટલે તે વૃદ્ધ માણસને શાંતિથી જવાબ આપતા કહ્યું કે આ છોકરાઓએ મારા ખિસ્સામાંથી 500 રૂપિયા પડાવી લીધા અને મને હેરાન કરી રહ્યા છે, એ બધા રૂપિયા પેલા છોકરાના ખિસ્સામાં પડ્યા છે. અને મને હેરાન કરે છે એટલે મેં સાંકળ ખેંચી હતી. આ સ્ટોરી તમે justgujjuthings.com પર વાંચી રહ્યા છો.

પોલીસે તરત જ બધા છોકરાઓની તપાસી લીધી અને એક છોકરા પાસેથી ₹500 પણ મળ્યા, તે રૂપિયા વૃદ્ધ માણસને આપ્યા અને છોકરાઓને પકડી લીધા. બધા છોકરાઓ જતા જતા તે વૃદ્ધ માણસની સામે તાકી તાકીને જોઈ રહ્યા હતા.

તે વૃદ્ધ માણસ બોલવા લાગ્યા કે આ વાળ અને દાઢી એમનેમ સફેદ નથી થયા બેટા. આવડી આ જિંદગીમાં ઘણા અનુભવો થયા છે અને તમારા જેવા અનેક માણસો આવી અને ગયા છે. પોલીસ તેઓને પકડીને પોલીસ સ્ટેશનમાં લઈ જાય છે.

વૃદ્ધ માણસ પણ સાથે સાથે તેની પાછળ જાય છે. તે મનમાં ખુશ થતા હતા કે આજે તેઓએ અમુક તોફાન કરી રહેલા છોકરાઓને સબક શીખડાવ્યો હતો.. થોડા સમય સુધી પોલીસ સ્ટેશનની બહાર જ ઊભા રહે છે.

ત્યાર પછી તેઓ પોલીસ સ્ટેશનની અંદર જાય છે અને તે બાળકો સામે જુએ છે, બધા બાળકો તેઓની માફી માંગે છે અને કહે છે કે પ્લીઝ તમે કહો અમને છોડી દે. અમારાથી હવે આવી ભૂલ નહીં થાય. અમે હવે કોઈપણ સાથે આવું વર્તન નહીં કરીએ.

છોકરાઓના ચહેરા પર ઉદાસી જોઈને વૃદ્ધ માણસ સમજી ગયા કે છોકરાઓ હવે સમજી ગયા છે, વૃદ્ધ માણસે પોલીસને વિનંતી કરી કે તે બાળકોને છોડી દો, તેમનાથી ભૂલ થઈ ગઈ છે અને તેઓએ માફી માંગી લીધી છે. પોલીસે પણ બાળકોને ઠપકો આપીને છોડી દીધા.

જો આ સ્ટોરી તમને પસંદ પડી હોય તો દરેક લોકો સાથે શેર કરજો, તેમજ આ સ્ટોરીને કમેન્ટ માં 1 થી 10 ની વચ્ચે રેટિંગ પણ આપજો.