આ વાર્તા વાંચતા નહીં, પરંતુ અંદર સુધી અનુભવજો.

એક જંગલ ની આ વાત છે. એક હરણી ગર્ભવતી હતી અને તે હરણી નું બચ્ચું જમવાની બસ તૈયારીમાં જ હતું. અને આનો અંદાજ હરણીને આવી ચૂક્યો હતો એટલે તે સુરક્ષિત જગ્યા માટે આજુબાજુ જોવા લાગી.

થોડા સમય આજુબાજુ જોયા પછી તેને એક ઘાસનું મેદાન દેખાયું, જે મેદાન નદી પાસે હતું અને દૂરથી દેખાઈ રહ્યું હતું. તેને આ જગ્યા સુરક્ષિત લાગી એટલે તેણે નિર્ણય કરી લીધો કે તેં ત્યાં જઇને બચ્ચાને જન્મ આપશે.

આ સુરક્ષિત જગ્યા તે જ્યાં ઊભી હતી ત્યાંથી થોડી દુર હતી તેમ છતાં તે ધીમે ધીમે આગળ વધવા લાગી અને ટૂંક સમયમાં જ તેને પોતાની પ્રસૂતિની પીડા પણ શરૂ થઈ ગઈ.

તેમ છતાં તે ધીમે ધીમે આગળ વધી રહી હતી. અને ત્યાં જ અચાનક આખા વિસ્તારમાં ઉપર આકાશમાં કાળા ડિબાંગ વાદળ ચારે બાજુ છવાઇ ગયા અને તુરંત જ વિજળીનો ગડગડાટ જાણે કે ચરમસીમા પર શરૂ થઈ ગયો.

અને વીજળી પડી એટલે તરત જ જંગલમાં દાવાનળ ફેલાઈ ગયો.

હરણી ત્યાં જ ઉભી રહી ગઈ અને આ બધું જોઈ રહી હતી. એટલે હવે તેણે ગભરાયેલી આખો સાથે ડાબી બાજુ જોયું તો ત્યાં કોઈ એક શિકારી ઉભો હતો. જેનું તીર નું નિશાન બિલકુલ પોતાની તરફ જ તાકી રહયો હતો.

એક ગભરાઈ ગઈ એટલે તરત જ જમણી બાજુ આગળ વધવા લાગે પરંતુ હજી તો એક ડગલું ભરે ત્યાં જ તેને એક વિકરાળ સિંહ કે જેની આંખમાં ભૂખ ચોખ્ખી દેખાઈ રહી હતી. એટલે તે પણ તેનો સ્વીકાર કરવાથી થોડો જ દૂર હતો.

બંને દિશાએ ખૂબ જ પરિસ્થિતિ વણસી ચૂકી હતી, હવે આ પરિસ્થિતિમાં ગર્ભવતી હરણી શું કરી શકે, એક કારણ તેને પ્રસૂતિની પીડા પણ શરૂ થઈ ચૂકી છે.

તમે જ વિચાર કરો કે તેનું શું થશે? શું એ હરણી બચી શકે?

શું એ હરણી પોતાના બાળકને પોતાના વહાલા બચ્ચાને જન્મ આપી શકશે કે નહીં?

શું એ બચ્ચાને જન્મ આપે તો એ બચુ બચી જશે?

બીજી બાજુ પરિસ્થિતિનો વિચાર કરો તો એવું પણ થઈ શકે

દાવાનળમાં બધી જ વસ્તુઓ સળગી ને એકદમ ભસ્મીભૂત થઇ જશે?

શું તમને લાગે છે કે હરણી ડાબી બાજુ જતી રહી હશે? જવાબ છે ના કારણકે ત્યાં હતો પેલો શિકારી તેની તરફ જ તીર રાખીને જ ઉભો હતો.

તો શું હરણી જમણી બાજુ જતી રહી હોઈ શકે? જવાબ એનો પણ ના જ છે કારણકે ત્યાં પણ સિંહનો શિકાર કરવા માટે તૈયાર ઉભો હતો.

હવે આના પછી શું હરણી આગળ ની બાજુ ચાલી શકે તેમ હતી કે કેમ? જવાબ એનો પણ ના છે કારણકે ત્યાં નદી હતી અને તે તેને તાણી જાય તેમજ હતી.

તો શું તે પાછળ જઈ શકે જવાબ તેનો પણ ના છે કારણ કે પાછળ જાય તો જંગલના ઉપડેલા દાવાનળ નો શિકાર થઇ જાતે.

તો આખરે શું થયું હોઈ શકે આનો જવાબ શું હોય? હકીકતમાં આનો જવાબ કે આ ઘટના એક પ્રકારની સ્ટોકેઈસ્ટીક પ્રોબેબિલીટિ થિયરીનો એક એકઝામ્પલ છે.

જવાબ એ છે કે હરણી પોતે કંઈ જ કરતી નથી તે માત્રને માત્ર એક જ વિચાર કરે છે એ વિચાર માત્ર પોતાના બચ્ચાને એટલે કે એક નવા જીવને જન્મ આપવાનો હતો.

હરણી કંઈ જ કરતી નથી અને માત્ર પોતાના બચ્ચાને જન્મ આપવા ઉપર જ પોતાનો સંપૂર્ણ ધ્યાન કેન્દ્રિત કરે છે.

હવે આગળ શું થાય છે? આગળ જાણે એમ બને છે કે હરણી ત્યાં ત્યાં ઊભી રહી જાય છે બધા જ ખતરાની વચ્ચે તે ઉભી હોય છે ત્યાં તેની બીજી ક્ષણમાં અમુક ઘટનાઓ બને છે.

શિકારી છે તેની ડાબી બાજુ ઊભો હતો તે નિશાન તાકીને બેઠો હોય છે અને હજુ તીર છોડે તે પહેલા જ તેની ઉપર વીજળી પડે છે અને તે સંપૂર્ણપણે અંધ બની જાય છે.

તરત જ અકસ્માત તરીકે બનેલી આ ઘટનાને લીધે તે તીર છોડી તો દે છે પરંતુ તે પોતાનું નિશાન ચૂકી જાય છે અને તીર હરણીની બાજુમાંથી પસાર થઈ જાય છે.

જોગાનુજોગ એ તીર હરણીને વાગતું નથી પરંતુ તે હરણીની બાજુમાંથી પસાર થઈને તેની જમણી બાજુ ઊભેલા સિંહને વાગે છે. અને તેના શરીરમાં તીર ઘુસવાથી તે ખૂબ જ ખરાબ રીતે ઘાયલ થઈ જાય છે.

અને પહેલાથી જ વીજળીના કડાકા ભડાકા થતા હોય છે તેની સાથે સાથે ચારે બાજુ મુશળધાર વરસાદ થવા લાગે છે અને વરસાદ થવાની થોડી જ ક્ષણોમાં જંગલમાં પેદા થયેલ દાવાનળ બુઝી જાય છે.

અને આ બધાની સાથે એક બીજી ઘટના પણ બની રહી હોય છે, હરણી એક તંદુરસ્ત અને અતિ સુંદર બચ્ચાને જન્મ આપે છે.

હવે આ જ બધી ઘટનાઓને જો આપણા જીવન સાથે સરખાવવામાં આવે તો આપણા દરેકના જીવનમાં તમે માનો કે ન માનો પરંતુ એવી ઘણી ક્ષણો આવી હશે અથવા તો આવે છે જ્યારે આપણને બધી દિશાઓમાંથી નકારાત્મક વિચારો જ સામા મળે છે. દરેક દિશામાંથી સંજોગો જાણે આપણને ઘેરી વળતા હોય તેવું લાગતું હોય છે.

એમાંના અમુક કેટલાક વિચારો તો એટલા બધા શક્તિશાળી હોય છે કે તે આપણા પર એ હદે હાવી થઈ જાય છે અને આપણને જાણે બેધ્યાન બનાવી દે છે.

પરંતુ હંમેશા યાદ રાખજો કે જીવનમાં એક જ ક્ષણમાં પરિસ્થિતિ તદ્દન બદલાઈ જવાની તાકાત ધરાવે છે.

ભલે ચારે દિશાઓમાં તમને નકારાત્મકતા જોવા મળતી હોય તો પણ તમારા મનમાં દ્રઢ નિશ્ચય રાખવામાં આવે તો આપણને અવશ્ય સફળતા મળે જ છે.

જો આ સ્ટોરી તમે ખરેખર સમજીને જીવનમાં ઉતારી લો તો આપણને સફળતાની નજીક જતા કોઈ રોકી શકે નહીં.

જો તમને આ સ્ટોરી ગમી હોય તો તમારા દરેક ફ્રેન્ડ સાથે શેર કરજો અને સ્ટોરીને કમેન્ટમાં ૧ થી ૧૦ ની વચ્ચે રેટિંગ પણ આપજો.