માણસ આર્થિક રીતે પાયમાલ થઈ ગયો હોય તો પણ તેના પાસે ધંધો કરવાનું જ્ઞાન હોય તો તે ફરીથી પાછો બેઠો થઈ શકે છે જે વ્યક્તિ પાસે રૂપિયા ના હોય પણ જ્ઞાન હોય છે તે કદી પણ પાછો પડતો નથી અને તે પોતાના જ્ઞાન થી સફળતા મેળવી લે છે.
જ્ઞાન ખાલી રૂપિયા કમાવવા માટે જ નહિ પણ જીવનમાં આવતી અનેક અણગમતી આવતી ઉપાધિ માંથી માણસ ને બચાવે છે આજે આપણે આવી જ એક પ્રેરક સ્ટોરી માં જાણીશું,
વાત બહુ જુના સમયની છે એક નવયુવક ના લગ્ન પછી એકાદ વર્ષે તેને પરદેશ જઈ ને વ્યાપાર વધારવાની તક મળી અને તેના માતા પિતા અને પત્ની ની રજા લઇ ને તે પરદેશ ગયો તે પરદેશ ગયો ત્યારે તેની પત્ની ગર્ભવતી હતી અને તેના માતા પિતા ને પત્ની ની જવાબદારી સોંપી અને પરદેશ ગયો
પરદેશ માં બહુ મહેનત કરી અને ખૂબ જ સારી સફળતા મેળવી અને ખુબ જ ધન સંપત્તિ કમાયો લગભગ સત્તર વર્ષ થઇ ગયા હતા પરદેશ આવ્યો તેને અને હવે તેનું મન ધન કમાવવા માંથી ભરાઈ ગયું હતું અને ફરીથી પોતાના દેશ માં અને પરિવાર સાથે રહેવા માટે આવવાનું નક્કી કર્યું.
અને તેની પત્ની ને પત્ર લખીને જાણ કરી હવે તે મોટા વહાણ માં બેસીને આવી રહ્યો હતો ત્યારે તેની સાથે નો એક મુસાફર કે જે એકદમ ઉદાસ ચહેરો લઇ ને બેઠો હતો ત્યારે તેને પૂછ્યું કે તમે પરદેશ થી પોતાના દેશ જય રહ્યા છો તો તેનો આનંદ હોવો જોઈએ તેના બદલે તમે ઉદાસ કેમ છો?
ત્યારે તે સહયાત્રી એ કહ્યું કે હું મારા જ્ઞાન ના વાક્યો માણસો ને વેચવા માટે આ દેશ માં આવ્યો હતો પરંતુ અહીંયા તો જ્ઞાન ની કોઈ કિંમત સમજતું નથી. જેથી હું દુઃખી થઈને પાછો દેશ માં જય રહ્યો છું કમાવવા નું તો દૂર રહ્યું મારે તો ગાંઠ ના પૈસા નું ગોપીચંદન થયું.
ત્યારે ધન કમાઈ ને આવી રહેલા યુવક ને થયું કે હું તો બહુ જ રૂપિયા કમાઈને જઈ રહ્યો છું તો આ વ્યક્તિ ની પાસે થી રૂપિયા આપી અને જ્ઞાન ના વાક્યો ખરીદી શકું છું. તેને ઉદાસ માણસ ને પૂછ્યું કે તમે જ્ઞાન નું વાક્ય આપવાના કેટલા રૂપિયા લેશો ?
ત્યારે તેને એક વાક્ય જ્ઞાન આપવાના 500 રૂપિયા કહ્યા જે ઘણા વધારે હતા. પણ યુવાન ને તેને રૂપિયા આપવા માટે જ્ઞાન ખરીદવું હતું. એટલે તેને 500 રૂપિયા આપી અને જ્ઞાન નું વાક્ય ખરીદ્યું. જે હતું કોઈ પણ કામ કરો તેના પહેલા થોડો સમય વિચારો અને પછી જ આગળ વધવું યુવકે તે સૂત્ર ને પોતાની પાસે રહેલી ડાયરીમાં લખી નાખ્યું.