થોડા દિવસો પછી ફરી પાછો એક ફોન આવ્યો અને આ ફોન બીજા કોઈનો નહીં પરંતુ એ જ વ્યક્તિનો હતો જેની ગાડી બંધ પડી હતી અને કિશન ને તે ગાડી જલ્દીથી રીપેર કરી ને પરત આપી હતી. તેઓએ કહ્યું કે મારી એક બીજી ગાડીમાં પ્રોબ્લેમ થયો છે તો તમે આવી શકશો કિશન તરત જ તેને ઘરે પહોંચી ગયો.
તેને ઘરે પહોંચ્યો ત્યારે પહેલી ગાડીના માલિક તેની રાહ જોઈને બહાર જ ઉભા હતા. તે માલિકને એવું લાગતું હતું કે કિશન પહેલાંની જેમ જ તેનું બાઈક લઈને ઘરે આવશે અને ગાડી રીપેર કરશે પરંતુ તેના ઘરની સામે એક મોંઘીદાટ ગાડી ઉભી રહી, તેને માનવામાં ન આવ્યું કે કિશન હવે મોંઘી ગાડી ફેરવવા લાગ્યો હતો. કિશન ની સાથે બે કારીગરો પણ હોય તેવું તેને લાગ્યું.
પહેલા ગાડીના માલિક વિચારમાં પડી ગયા કે હવે તો આવી વ્યક્તિ આટલા બધા પૈસા કમાવવા લાગ્યો છે એટલે હવે તે મારી ગાડી નું કામ પોતે તો નહીં જ કરે તેની સાથે એટલા માટે જ માણસો લઇને આવ્યો હશે.
પરંતુ તેના આશ્ચર્યની વચ્ચે કિશન પોતે જ તે માણસ ની ગાડી રિપેર કરવા લાગ્યો થોડી જ વારમાં રીપેર કરીને તરત જ તેને કહ્યું સાહેબ આ ગાડી રિપેર થઈ ગઈ છે, ત્યાર પછી જૂની યાદ તાજી કરી અને કહ્યું તમારું કામ મેં શરૂ કર્યું ત્યાર પછીથી જ મને આટલા બધા ગ્રાહકો મળ્યા છે હું તમારો આભાર જીવનભર નહિ ભૂલું.
તે ધનાઢ્ય વ્યક્તિ ત્યાં ઊભો વિચારતો જ રહી ગયો કે આ માણસે થોડા જ વર્ષોમાં આટલી બધી પ્રગતિ પણ કરી પોતાની ગાડી પણ લઈ લીધી અને તેમ છતાં તેના વ્યક્તિત્વમાં ઘમંડ નો છાંટો પણ હતો નહીં, માણસોની સાથે જ પોતે પણ કામ કરવા લાગ્યો અને માણસો જેટલું જ કામ તે પોતે કરતો હશે કદાચ એનાથી વધુ પણ કરતો હશે. અને ત્રણ વર્ષ પહેલા જે બનેલું હતું તે યાદ રાખીને આજે પણ તેનો આભાર માને છે જ્યારે તે વ્યક્તિએ માત્ર સારા કામ જોઈને તેની સલાહ બીજાને આપી હતી.
તરત જ તે પહેલા ગેરેજ વાળા ભાઈને ભેટી પડ્યો અને કહ્યું ભાઈ તે તો મને આજે જીવનની મોટામાં મોટી શીખ આપી દીધી. એટલું જ નહીં તારી જેમ અનેક લોકો હશે જે આર્થિક તંગીમાં હશે પરંતુ તને જોઈને તારા વિશે જાણીને તેઓમાં પણ જિજ્ઞાસા જાગે કે કોઈપણ કામની શરૂઆત નાની જ હોય છે અને શરૂઆત કરવા માટે ક્યારેય ડરવું ન જોઈએ. અમારી ભાષામાં કહીએ તો તું તો એન્ટરપ્રિન્યોર છો. ભાઈ આવી રીતે જ નવા સાહસો કરતો રહેજે.
જો તમને આ સ્ટોરી પસંદ પડી હોય તો આ સ્ટોરી લાઈક કરીને કમેન્ટમાં જરૂર થી જણાવજો કે તમે આ સ્ટોરી ને એક થી પાંચ વચ્ચે કેટલા રેટિંગ આપશો.
