રાજાએ તેને જમવાનું પીરસી રહેલા માણસને કહ્યું, તારી આવી હિંમત કે તું મારા કપડાં પર આ રીતે દાળ ઢોળી રહ્યો છે?
તેના સૈનિકોને રાજાએ કહ્યું આને આજે નહીં પરંતુ અત્યારે જ ફાંસીએ ચડાવી દો, એટલે જે માણસ રાજાને દાળ પીરસી રહ્યો હતો તેને કહ્યું મહારાજ મને માફ કરી દો, દાળ નો આખો વાટકો તમારા ઉપર ઢોળી ને તમારું અપમાન કરવાનો મારો કોઈ જ ઈરાદો નથી. મેતો તમારી કીર્તિને કલંક ન લાગે એટલા માટે જ આવું કર્યું છે.
રાજા પણ આ વાત સાંભળીને નવાઇ પામ્યો એટલે તેણે પૂછયું કે તું કહેવા શું માંગે છે?
માણસે જવાબ આપ્યો કે જો લોકોને એવી ખબર પડે કે માત્ર ને માત્ર તમારા કપડાં પર 2-4 દાળ ના છાંટા ઊડ્યા તેમાં તમે મને ફાંસીની સજા આપી છે તો માફ કરજો મહારાજ પણ લોકો તમારા પર હસવા લાગે. તમારા પૂર્વજોની આબરૂને પણ જાખપ લાગે. અને હવે મેં તમારા પર દાળ ઢોળી છે એટલે લોકોને એમ ખબર પડશે કે મેં સામેથી દાળની વાડકી તમારા કપડાં ઉપર ફેંકી હતી. એટલે દરેક લોકો જ સામેથી કહેશે કે રાજાનું આવું અપમાન કરવા વાળાને તો કડક સજા થવી જ જોઈએ. એટલે તમારી પ્રતિષ્ઠા ને કોઈ વિપરીત અસર નહીં થાય.
રાજાએ આખી વાત સાંભળી અને સમજી, તરત જ રાજા પોતાની જગ્યાએથી ઊભા થઈને આ માણસને ગળે ભેટી ગયા. રાજા માં જેટલો પણ ગુસ્સો હતો તે ગુસ્સો શાંત થઇ ગયો અને પ્રેમમાં પલટાઈ ગયો.
રાજાએ તે માણસ ને માફ કરી દીધો, અને સાથે સાથે આત્મજ્ઞાન કરાવવા ને લીધે તેને ઘણી કીમતી ભેટ પણ આપી.
ભલે હા કદાચ એક કાલ્પનિક સ્ટોરી પણ હોઈ શકે, પરંતુ એટલી તો શિખામણ આ સ્ટોરી માંથી મળે છે કે સફળ વ્યક્તિ એ જ હોય છે જે હંમેશા સમય ઓળખીને વાત કરી બતાવે.
એટલે જ કહેવાય છે કે તેલ જુઓ, તેલની ધાર જુઓ અને પછી જે કરવું હોય તે કરો.
જો તમને આ સ્ટોરી પસંદ પડી હોય તો દરેક લોકો જોડે શેર કરજો અને આ સ્ટોરી કમેન્ટમાં રેટિંગ પણ આપજો.