એક મોટી ફેક્ટરી માં મોટું મશીન ખરાબ થઇ ગયું. મશીન વિદેશ થી મંગાવેલું તેથી તેને રીપેર કરવા વાળા એન્જીનીયર પણ વિદેશ થી બોલાવવા પડ્યા બધા કારીગર અને વિદેશ થી આવેલા એન્જીનીયર મશીન રિપેર કરી અને ચાલુ કરવામાં નિષ્ફળ ગયા.
તેઓ સતત બે દિવસ થી મહેનત કરી રહ્યા હતા કંટાળી ને તેઓ ફેક્ટરી ની બહાર આવી અને ચા ના ગલ્લે ચા પી રહ્યા હતા અને મશીન કેમ ચાલુ કરવું તેના વિશે ચર્ચા કરી રહ્યા હતા ત્યારે એ જ ફેક્ટરી માં વર્ષો સુધી કામ કરી ચૂકેલ એક વ્યક્તિ પણ ચા પી રહ્યા હતા તે બધી વાત સાંભળતા હતા.
અને તેના નોકરી ના સમય માં નાનું મોટું રિપેરિંગ પણ કરી નાખતા તેને વિદેશ થી આવેલા એન્જીનીયર ને કહ્યું કે ચાલો મને મશીન બતાવો અને શું તકલીફ છે એ પણ કહો ત્યારે કંપની માંથી આવેલા એન્જીનીયરે કહ્યું કે અમારા થી રીપેર નથી થઇ રહ્યું તેમાં તમારા થી કશું નહિ થાય.
પણ એ જુના કારીગર ના આગ્રહ ના કારણે તે બધા એ નક્કી કર્યું કે ભલે ને અંદર આવે તેને મશીન બતાવો તે રીપેર કરી આપે તો તેને રૂપિયા આપવાના છે બાકી તો કઈ આપવાનું નથી.
વિદેશી એન્જીનીયર તે વડીલ ને લઇ ને અંદર આવે છે અને મશીન ચાલુ કરવા માટે કહે છે અને મશીન ચાલુ થતા અંદર અવાજ આવે છે તે દૂર કરવાનું કહે છે તે વડીલ કારીગર થોડીવાર મશીન ની આજુબાજુ માં ચક્કર લગાવે છે અને પછી કહે છે કે હવે મશીન બંધ કરી દયો.
બધા લોકો તે વડીલ કારીગર ની સામે જુવે છે અને કહે છે કે આ મશીન માં અવાજ આવે છે તે દૂર કરવાનો છે તમને તેમાં કશું ખબર પડે છે ?ત્યારે તે વડીલ કારીગરે કહ્યું કે હું એક મિનિટ માં મશીન નો અવાજ બંધ કરી આપું પણ મારો રીપેર કરવાનો ચાર્જ એક લાખ રૂપિયા થશે.
વિદેશ થી આવેલા એન્જિનિયર ને તો એક લાખ રૂપિયા વ્યાજબી લાગ્યા કારણ કે તેનો આવવા જવાનો ખર્ચ અને ચાર્જ લાખો રૂપિયા થતો હોય છે. વિદેશ થી આવેલા એન્જિનિયરે તો હા પડી કે મશીન ચાલુ થઇ જાય અને અવાજ બંધ થઇ જાય એટલે તમારા એક લાખ રૂપિયા તમને મળી જશે.