કર્મ કરતા રહીએ પણ ફળ જ ના મળે તો શું કરવું? આ સ્ટોરી વાંચશો એટલે સમજી જશો

એક માણસ મલ્ટિનેશનલ કંપનીમાં નોકરી કરી રહ્યો હતો, ભણતર પૂરું કરીને તરત જ નોકરીમાં લાગી ગયો હતો, નવું શહેર અને નવી જગ્યા પર નોકરીમાં તેને હજુ એક વર્ષ થયું હતું. ગામડેથી કોલેજ કરવા માટે શહેરમાં પણ આવી ચૂક્યો હતો હવે જે શહેરમાં રહેતો હતો ત્યાંથી દૂર બીજા શહેરમાં તેની નોકરી લાગી હતી.

તે યુવાન નોકરીમાં પોતાનું કામ અત્યંત નિષ્ઠાથી કરતો, તેને જાનવરો સાથે ખૂબ જ પ્રેમ હતો અને કોઈપણ જાનવર ને તે તકલીફમાં જોઈ શકતો નહીં.

એટલા માટે જ એના ઘરની આજુબાજુમાં ઘણા બધા કુતરા ના નાના બચ્ચાઓ રહેતા હતા. તે જ્યારે પણ નોકરીએથી ઘરે આવે ત્યારે ગમે તેટલું મોડું થઈ ગયું હોય છતાં આવીને પહેલું કામ તે આજુબાજુના બધા કુતરા ના બચ્ચાને કંઈક ખાવાનું આપતો હતો.

અને મોટાભાગે તેના ઘરમાં કુતરા ને આપવા માટે બિસ્કીટ પડ્યા રહેતા. કોઈ વખત બિસ્કિટ ન હોય તો તે બિસ્કીટ લઈને પણ પોતાની પાસે રાખતો અને કૂતરાઓને ખવડાવતો.

એક દિવસ ઓફિસેથી સાંજે આવતાં થોડુ મોડું થઇ ગયું એટલે જમીને તે રાત્રે સીધો ઘરે પહોંચ્યો. પરંતુ કુતરાઓ તો જાણે તેની પહેલેથી રાહ જોઇને બેઠા હોય તેમ તેના ઘરની આજુબાજુમાં જ ચક્કર લગાવી રહ્યા હતા.

તેને ઘરમાં જઈને દરરોજની જેમ જ બિસ્કીટ આપવા માટે બિસ્કીટ નું પેકેટ બહાર કાઢ્યું પરંતુ તેને જોયું તો તેમાં માત્ર થોડા બિસ્કીટ હતા જેમાંથી એક કૂતરાને પણ પુરા ન થઈ શકે, તે જમીને પણ આવ્યો હતો અને મોડો આવ્યો હોવાથી આજુબાજુની બધી દુકાનો બંધ થઈ ચૂકી હતી.

હવે તે કૂતરાઓને શું આપશે એ વિચાર કરતો કરતો ત્યાં જઈને તેઓ ને રમાડવા લાગ્યો, પરંતુ અંતે તેણે નક્કી કર્યું કે કાલે સવારે કૂતરાઓને તે બિસ્કીટ આપીને પછી જ ઓફિસે જશે. અને થોડા સમય સુધી ત્યાં બેસી રહ્યા પછી ફરી પાછો તે ઘરમાં આવીને બારણું બંધ કરી દીધું.

કુતરાના બચ્ચાઓ હજુ ત્યાં જ રાહ જોઇને બેઠા હતા. થોડા સમય પછી તે યુવકનું બહાર ધ્યાન ગયું તો તેને જોયું કે બધા કુતરાઓ ત્યાં બેઠા છે તે રાહ જોઇને બેઠા હશે આથી તે મનમાં થોડો દુઃખી થઈ ગયો અને વિચાર્યું કે ઘરમાં જે પણ કંઈ બીજું પડ્યું હોય તે આપી દે. આ સ્ટોરી તમે justgujjuthings.com પર વાંચી રહ્યા છો.

ઘરમાં તપાસ કરતા એક બિસ્કિટનું પેકેટ પડયું હતું પરંતુ તેમાં પહેલા નજર કરી તેમ માત્ર થોડા જ બિસ્કીટ પડ્યા હતા જે બધા કૂતરાઓને આપવામાં આવે તો તેનું પેટ પણ ન ભરાય, પછી તેને વિચાર્યું કે બધા કુતરા ના બચ્ચા રાહ જોઈને બેઠા છે તો તે દરેકને એક બિસ્કીટ આપશે.

આવું નક્કી કરીને તે બિસ્કીટ લઈને દરવાજો ખોલીને બહાર ગયો પરંતુ તેને બહાર જઈને જોયું તો ખૂબ જ આશ્ચર્ય થયું કારણ કે ત્યાં બધા કુતરા માંથી માત્ર એક કૂતરું જ બેઠું હતું બાકીના બધા ત્યાંથી જતા રહ્યા હતા. કદાચ એ કુતરુ રાહ જોઈને એ વિશ્વાસ સાથે બેઠું હતું કે તેને કંઈક તો જરૂર મળશે.

તેને આ જોઈને ખુબ જ નવાઈ લાગી અને ખબર નહીં કેમ પરંતુ એ યુવક એ બધા બિસ્કીટ તેને આપી દીધા અને ત્યાં જ બેસી ને વિચારોમાં ખોવાઈ ગયો. એ કુતરુ બધા બિસ્કીટ ખાઈ રહ્યું હતું અને સામે બેસેલો આ નવયુવાન વિચારી રહ્યો હતો કે ખરેખર અત્યારે જે થયું તે માણસો સાથે પણ થાય છે. આપણને ભગવાન જ્યારે પણ કંઈક આપે છે ત્યારે આપણે ખૂબ જ ખુશ રહીએ છીએ તેની ભક્તિ કરીએ છીએ અને તેના ફળની હંમેશા રાહ જોઈએ છીએ, પરંતુ ભગવાન ફળ આપવામાં જો જરા પણ મોડું કરે તો આપણે તેની ભક્તિ ઉપર શંકા કરવા લાગીએ છીએ. આ સ્ટોરી તમે justgujjuthings.com પર વાંચી રહ્યા છો.

એની જગ્યાએ જે લોકો ભગવાન ઉપર વિશ્વાસ રાખીને બેઠા છે કે તેઓને મળશે જ તેને હકીકતમાં તેઓના વિશ્વાસ કરતાં પણ અનેક ગણું વધારે ભગવાન આપે છે. એટલા માટે જ કહેવાય છે કે ભગવાન ઉપર ભરોસો તેમજ વિશ્વાસ રાખવો જોઈએ કારણ કે ગમે તેવી પરિસ્થિતિ આવી જાય આપણા ભગવાન પરનો વિશ્વાસ ને ભગવા ન દેવો જોઈએ. જ્યારે પણ મોડું થાય ત્યારે વિચારવું કે ભગવાન આપણને કંઈક વધુ સારું આપવામાં લાગ્યા છે.

જો આ સ્ટોરી તમને પસંદ પડી હોય તો દરેક લોકો જોડે શેર કરજો તેમજ આ સ્ટોરીને કમેન્ટમાં ૧ થી ૧૦ ની વચ્ચે રેટિંગ પણ આપજો. આ સ્ટોરી તમે justgujjuthings.com પર વાંચી રહ્યા છો.