હોટલમાં જમવા ગયા તો ત્યાં પિતાએ કહ્યુ, આ હોટલ છે કે ગંદકીવાડો? તો દિકરાએ જવાબમાં એવું કહ્યું કે પિતાના મોઢામાં…

એક સામાન્ય અધિકારી હતો, તેમનો હોદ્દો તો ઘણો સામાન્ય હતો પરંતુ તેને પોતાની નોકરીમાં ભ્રષ્ટાચાર કરીને ઘણી સંપત્તિ એકઠી કરી લીધી હતી. અને ભ્રષ્ટાચાર કરીને એકઠી કરેલી સંપત્તિ તેની પાસે હોવા છતાં સાંજ પડે એટલે જાણે મહાન ભગત હોય એવો બની જતો.

સાંજ પડે એટલે ભગવાનના મંદિરમાં જઈ અને જાણે ભક્તિમાં લીન થઇ જાય. મંદિરોમાં મોટી રકમનું દાન પણ આપે, અને તેનું આવું દ્વિમુખી વ્યક્તિત્વ તેના પોતાના દીકરાને જરા પણ પસંદ ન હતું.

તેના ઘરે એક દીકરો હતો, દીકરો સમજુ થયો ત્યાર પછી બધું જોઈ રહ્યો હતો કે કઈ રીતે પિતા ભ્રષ્ટાચાર કરીને સંપતિ એકઠી કરી રહ્યા છે. અને આ વાત દીકરાને જરાપણ પસંદ ન હતી. દીકરો તેના પિતાને કઈ રીતે સમજાવે કે તેઓ જે કરી રહ્યા છે તે વ્યાજબી નથી? પિતા સામે ઊંચા અવાજે બોલવાની તેની હિંમત પણ ન હતી અને તે તેના પિતાને શાંતિથી સમજાવવા માંગતો હતો.

એક દિવસ એને એક યુક્તિ સુજી અને તેને તેના પિતાને જ્યારે નોકરીએ ગયા હતા ત્યારે ફોન કર્યો અને કહ્યું કે પપ્પા મારે આજે બહાર હોટલમાં જમવા ની ઈચ્છા છે. સામેથી પણ પિતાએ જવાબ આપ્યો કે સરસ આપણે ચોક્કસ જઈશું બોલ તારે ક્યાં હોટલમાં જાવું છે એટલે દીકરા હોટલનું નામ આપ્યું પિતાએ કહ્યું ઠીક છે આપણે આજે સાંજે હું આવું એટલે આપણે બંને તે હોટલ માં જઈશું.

અધિકારી પોતાની નોકરી પૂરી કરીને ઘરે આવ્યો તૈયાર થઈને એ અને તેનો દીકરો બન્ને જમવા માટે બહાર નીકળ્યા અને સવારે ફોન પર નક્કી કરેલા રેસ્ટોરેન્ટમાં ગયા.

હોટલનો માહોલ થોડો બીજા હોટલ કરતા અલગ હતો, અંદર પ્રવેશતાની સાથે પિતાને હોટલ નો માહોલ પસંદ ન આવ્યો તેમ છતાં દીકરાની પસંદગી હતી એટલે કશું બોલ્યા નહીં. એવામાં વેઇટર આવ્યો એટલે વેઇટર ની સામે નજર મળી એટલે એટલે બંને ને ઈશારો કરીને એક જગ્યા પાસે બેસવા માટે કહ્યું જ્યાં થોડીક ખુરશીઓ પડી હતી.

એટલે પિતા અને દીકરો બન્ને જગ્યા પર બેસવા ગયા પરંતુ ત્યાં જઈને જોયું તો ખુરશી ની હાલત ખૂબ જ ખરાબ હતી એકદમ ગંદકીથી ભરેલી ખુશીઓ ત્યાં પડી હતી ખુરશી પર ડાઘા તો પડેલા હતા પરંતુ દાળ શાક જોડાયેલા પણ ખુરશીઓ પર એમનેમ ચોંટયા હતા સાફ કરવામાં પણ આવ્યા ન હતા. પિતા એ તરત જ વેઇટરને આ બાબતની ફરિયાદ કરી એટલે તેઓને બેસવા માટે કોઈ બીજી જગ્યા આપ.

નવી જગ્યા પર બેસવા ગયા તો ત્યાં બેસવાની જગ્યા તો ચોખ્ખી હતી, પરંતુ ત્યાં પડેલું ટેબલ ખુબજ ગંદુ હતું. ટેબલ પરથી કોઈ જમીને ગયું હશે પરંતુ એ ટેબલને કેટલાય સમય સુધી સાફ કરવામાં ન આવ્યું હોય એ રીતે જાણે લાગી રહ્યું હતું. પિતા થોડા અપસેટ થઈ ગયા અને દીકરાને કહ્યું બેટા તું મને આ તે વળી કેવા હોટલમાં જમવા માટે લઈ આવ્યો છે? થોડાક ઓછા અવાજમાં ફરી પાછા પિતાએ વેઇટરને બોલાવ્યો અને ફરિયાદ કરી એટલે નવી જગ્યા આપી.

નવી જગ્યા પર બેસવાની જગ્યા પણ સારી હતી અને ટેબલ પણ ચોખ્ખું હતું. તેમ છતાં પિતાનો જમવાનો મૂડ તો સાવ ખરાબ થઈ ગયો હતો, તેમ છતાં દીકરાની ઈચ્છા હતી એટલે એ બેસી રહ્યા. થોડા સમય પછી વેઇટર પાણી લઈને આવ્યો દૂરથી પાણી લઈને આવ્યો તે દેખાઈ રહ્યું હતું પાણીના ગ્લાસ ખૂબ જ સુંદર દેખાઈ રહ્યા હતા પરંતુ જ્યારે પાણીનો ગ્લાસ હાથમાં લીધો હતો અંદર નજર કરી તો સાવ ખરાબ પાણી અંદર ભરેલું હતું. પિતાએ પાણીનો ગ્લાસ હાથમાં લઈને જોયો તો પાણીમાંથી રીતસરની વાસ આવી રહી હતી.

આટલું બધું બની ગયું એટલે હવે પિતાનો મગજ તેના કાબૂમાં રહ્યો નહીં અને તેણે ગ્લાસ ને બાજુમાં રહેલા બારી ની બહાર ઘા કરી દીધો અને બહાર જઈને ગ્લાસ નીચે જેવો પટકાયો કે ગ્લાસ તૂટી ગયો અને પાણી બધું રસ્તા પર ઢોળાઈ ગયું.

વેઇટર પણ ઉભો ઉભો આ બધું દ્રશ્ય જોઈ રહ્યો હતો પરંતુ એ કંઈ કહેવા જાય તે પહેલા દીકરાએ તેના પિતાને કહ્યું કે કેમ પપ્પા તમને શું થયું? પિતા એકદમ ગુસ્સે થઈ ગયા હતા તેને દીકરાને ગુસ્સામાં જવાબ આપતા કહ્યું કે આ કયા પ્રકારનું હોટલ છે આ હકીકતમાં હોટલ છે કે ગંદકીવાડો? અહીં તો થોડી સેકન્ડ પણ ઊભા રહેવું પસંદ પડે તેમ નથી.

દીકરાએ તેના ચહેરાના હાવભાવ ફેરવી નાખ્યા તેના ચહેરા પર એક અજીબ મુસ્કુરાહટ આવી ગઈ. જાણે તે પિતાજીના મોઢામાંથી આ શબ્દો સાંભળવા માગતો હોય અને પિતાજી બોલી ગયા હોય અને જેવી તેને ખુશી થાય એ રીતના તે ખુશ થઈ ગયો અને હસવા લાગ્યો.

તેના પિતા આશ્ચર્ય ચકિત થઈ ગયા દીકરાને કહ્યું તું કેમ હસી રહ્યો છે? દીકરાએ કહ્યું માફ કરજો પપ્પા પણ તમે જે ઓફિસમાં કામ કરીને તમારું હૃદય ગંદુ કરી રહ્યા છો અને પછી સાંજે એ હૃદયમાં ભગવાન ને આવકારો છો અને કહો છો કે તમારા હૃદયમાં આવીને બેસે, આ માટે તમે ભગવાનને પ્રાર્થના પણ કરો છો તો શું ભગવાનને તમારા ઉપર ગુસ્સો નહીં આવતો હોય?

પિતા આખી વાત સમજી ગયા, તેના મોઢામાં દીકરાને જવાબ આપવા માટે કોઈ શબ્દ બચ્યા નહોતા. એને એમ પણ સમજમાં આવી ગયું હતું કે દીકરો મોટો થઇ ગયો અને સાચા ખોટાની સમજ પણ તેને પડવા લાગી છે. પરંતુ તેને જવાબમાં શું કહેવું તેની સમજ આજે પિતા માં જ રહી ન હતી.

આ ભલે કદાચ એક કાલ્પનિક સ્ટોરી પણ હોઈ શકે પરંતુ આ વાત ખરેખર જિંદગીભર યાદ રાખવા જેવી છે કે ઘણા લોકો ભગવાનની પૂજા-અર્ચના તેમજ પ્રાર્થના પૂરા દિલથી કરતાં હોય છે પરંતુ સાથે સાથે ખોટા કામ પણ કરતા હોય છે તો એનો અર્થ શું થયું? જો આપણે કોઈ હોટલમાં જઈને ગંદકી વાળી જગ્યા પર બેસવા તૈયાર નથી થતા તો આપણા અશુદ્ધ રદયમાં બેસવા માટે ભગવાનને ગમે તેટલા આમંત્રણ આપીએ પરંતુ ભગવાન એમાં બેસવા તૈયાર થવાના?